John 3:3 - Sei di Uka Ago Ruaka di Buka Bedakai

³ Ma nikabai reyo, “Rama iniye ya nida: amiye yokoi yaku Sei di ourefeidena amena sana bi de vego, idu ina bi dudusa vata nigo mamo.”

John 3:3 Kruisverwysings

Matthew 16:17

Ma Iesu yaku nikabai reyo, “Ya Simon, Jonah di mida, ya bi buni tora gade moiyo, adina mina bi amiye yaku ya rofu de niokuyadi, idu nai Baba omari amedo yaku ya maro.

Matthew 19:24

Dudusa nida: kamelo yaku niduru nemokori dui rego bi aita, idu gugura tau gade amiye yaku Sei di ourefeidena amena sanari dui rena bi gira iniye.”

Matthew 21:31

Goina bi ini baba di ura reyo?” Ina vene yaku nikabai reyadi, “Ourena yaku.” Dada Iesu yaku ina vene rofu niyo, “Rama ya nida, fore butu rededi vene ma koa rededi vene yaku siko Sei di ourefeidena amena sanari dui regedi ma ya bi gabi.

Matthew 5:18

Rama ya nida, oma ma kono bi roro nigedi, idu ago girari bura keika kuni kuni yokoi kava ma tuta yokoi de roro nigedi bogo mina vegu tau vakoi rama aegedi mamo.

Mark 10:14

Ye Iesu mina veyori, gubuyo resi niyo, “Mida keika keika bi ferefo kumo na rofu baeyagane; ga meki refo, adina Sei di ourefeidena amena sana bi mina kana vene di.

Mark 9:47

Ma yi nemoko yaku ya moi vegu no rofu ourefeidego vonisi, kini biyoka resi maku! Makai bi buni ya rofu Sei di ourefeidena amena sanari nemoko yokoi maka nufa dui regiya, ma buni de nemoko remanu nufa ita mokari makugo.

John 1:13

Sei di mida mida niyadi, una vata nisifa kana de, ma baba ura redo vata nigedi kana de, idu Sei iniye rofu vata niyadi.

John 1:5

Mina vabara yaku mukunari gagani kikido, ma mukuna yaku de ukafeyo.

John 1:51

Resi niyo, “Rama iniye ya nida: oma bi ekego ma Sei di naivo naivo vima bi Amiye di mida fafau dega bogasa rebigedi kana vegedi.”

John 12:40

“Sei yaku ini nemoko moi taufa risi ini uka kebi riyo, ini nemoko dudu vesi ini uka dudu diba nisi na rofu kero regedi baebu, ma ina moi buni rigida.”

John 3:4

Ma nikaiteyo, “Amiye bi ugava niyo, idu gokai ida dudu vata nigo? Rama iniye ini nono di rivo ideri dudusa uru remanu de dui resi vata nigo!”

2 Corinth vene 4:4

Mina kono di ofa sei yaku mokena vari gira de aededi vene di mokena moi forovai reyo, ye Keriso, kaere iniye bi Sei kana, ini vabara di ago buni di vabara vegi anua rededi.

2 Corinth vene 5:17

Mina dada amiye yokoi Keriso sa kake rigo vonisi, bi amiye ruaka Sei yaku riyo. Vegu kori bi tatava niyo; va vefa, amiye bi ruaka niyo!

Galatia vene 6:15

Adina roaita nugana o nugana de, di ida bi ini vava yokoi nufa de, idu Sei yaku ruaka rina mina maka vedo.

Ephesus vene 2:1

Kamini ago gira odena ma vegu no renari, yi vimari bi muyeyadi.

Titus 3:5

vegu buni ma mokena rorobo reyafa dada, una moi vegu rina de reyo, idu ini uka iriyeduka dudu, bi una moi vegu riyo. Vima kikifa di vava dudu una koiteyo, ma dudusa vata nisi ruaka niyafa, makai dudu una moi vegu riyo.

James 3:17

Idu mokena vabara odoro gutuna deyo bi siko vegu no yokoi de nufa, ma uka amuta ma ave nina dudu. Ina yaku nidodi regi maina redo ma iriyeduka ma meko buni bi vata baeyadi. Ma amiye yokoi bi buni ma amiye yokoi bi de, makai kana de nisi vegu rama maka redo.

1 Peter 1:3

Buni tora gade Sei uni Varika amiye Iesu Keriso di Baba rofu manadi! Ini iriyeduka tora gade dada ,dudusa vata nina vegu una maro, Iesu Keriso muyenari gutuna dadi rae reyo ida dudu. Mina bi toga amei baena di uka mokena una vata baeyo.

1 John 2:29

Ya ya diba bi mokena rorobo amiye vonisi, mina resi diba nigedi, kaere amiye mokena rorobo rebigo bi Sei di mida kana vata niyo.

1 John 3:9

Kaere Sei rofu vata niyadi bi vegu no toga de regasa amebigedi, adina Sei di yo bi ini ideri amedo. Bi vegu no anua regasa amebigedi, ini adina bi Sei rofu vata niyadi.

1 John 5:1

Kaere amiye Iesu bi Keriso rofu mokena vari gira aego, bi Sei di mida kana vata niyo, ma kaere amiye yaku Baba uka mago, bi ini odiyo mida ka uka mago.

1 John 5:18

Una diba kaere Sei rofu vata niyo, bi vegu no toga de rebigo, adina bi ini odiyo mida nari redo, ye amiye no yaku avaka de moigo.

1 John 5:4

Adina kaere bi Sei di mida kana vata niyo bi kono di vegu ebu redo. Una yaku Sei rofu mokena vari gira aesifa ma mina dudu kono di vegu ebu reyafa.

Niokuna sina 3:14

“Laodicea ekalesia vene di naivo naivo vima rofu bura re: “Mina bi Ago rama, vegu rama resi ninegau redo amiye rama ma Sei yaku beika baika tau gade riyo, di ourefeidena amiye di sina.