James 1:3 - Sei di Uka Ago Ruaka di Buka Bedakai

³ adina bi ya ya diba, mina mokena vari gira aena di ebene rena bi are rei gira rena vegu moi evata rido.

James 1:3 Kruisverwysings

Luke 21:19

Yi are rei gira rena dudu ya kaya moi vegu rigedi.

Rome vene 15:4

Adina beika tau senagi bura reyadi, bi una oteimagika bura reyadi, ye are rei gira rena ma Sei di ago di egira rena vegu dudu, una bi uka mokena nufa amegifa.

Rome vene 2:7

Amiye kaere vegu buni renari, are rei gira rena dudu vabara, kikifa rena ma moi no de rena, mina maina rededi, Sei bi ina vene rofu toga toga ameibobina vegu mago.

Rome vene 8:25

Idu beika vena kode, mina rofu uka mokena aegifa vonisi, toro dudu tua resifa mini.

Rome vene 8:28

Ye una diba beika baika tau gade yaku Sei uka madedi vene rofu buni kana reremama regedi, mina vene kaere ini nirorotari rena sina dada raka niyo.

2 Corinth vene 4:17

Adina mina ituari, mina esika aita moisifa yaku toga toga vegu ameibobina vabara tora iniye ina kana koina, bi mina rofu una dogo redo.

Colossae vene 1:11

Ini vabara nufa isivaga dada, are rei gira rena noibanu ma ada dudu toro rena, mina rofu vava noibanu dudu egira reyagane.

2 Thessalonica vene 1:4

Mina dada, una yaku Sei di ekalesia vene di nemokori ka ya rofu ni-ika resifa. Ya ni-ika resifa sana bi yomakai: esika tora ma toe tora moisi amededi, idu are rei gira resi yi mokena vari gira Sei rofu aesi amededi.

2 Thessalonica vene 3:5

Varika amiye yi uka di mokena Sei di uka mana ma Keriso di moi yeiva resi toe moi dina veguri ourefeideyaine.

Hebrew vene 10:36

Ini adina ya are rei gira regedi bi buni, ye Sei beika ura redo, ya mina regasa beika nitore reyo moigedi dada.

Hebrew vene 12:1

Mina dada, toe tau gade ma vegu no una atafu amededi ka moi etae risi are rei gira rena dudu, uni budari aeyo kana raga renadi, ninegau rededi vene tau gade gade vima dudu, seuya kana una moi buru ridedi dada.

Hebrew vene 6:12

Ye makai duomu de nigedi, idu mokena vari gira aena ma toro rena dudu, nitore rena ago moiyadi vene di vegu usi digedi.

1 Peter 1:7

Ye mina idari, yi mokena vari gira aena bi rama ba ide oteimago. Goro fore ka moi sikori rigo, ma bi itari orisi ini no moi yakugo. Ma yi mokena vari gira aena yaku goro fore besa ebu resi Iesu Keriso di ogau nina ariri, bi ini roka moi odoro risi vabara iniye ma kikifa rena magedi.

2 Peter 1:6

Yi diba ninari, yi yuka vana nari rena tanu resi minari, moi yeiva resi toe moi dina tanu resi minari, Sei di mokena kana rena ka tanu refa.