1 Peter 5:8 - Sei di Uka Ago Ruaka di Buka Bedakai

⁸ Ya kaya vesi nari refa; yi tuma amiye Bodaka bi lion goroka tora nido kana, dibo resi amiye iri vau regi maina redo.

1 Peter 5:8 Kruisverwysings

Matthew 13:39

Ma oruma no variyo tuma amiye bi Bodaka. Butu rena ari bi meda bae koina nigori, ma butu rededi vene bi Sei di naivo naivo vima.

Matthew 24:42

“Mina dada toro dudu amefo, ini adina ya ya toto beika medari yi Varika amiye dego.

Matthew 25:41

“Mina usi ini vana enana vene rofu nigo, ‘Na rofu etagae rifa, ya kaere Sei bi nikiraini reyo; Bodaka ma ini naivo naivo vima rofu dogo reyo di toga toga vaido ita mokari nefa!

Matthew 4:1

Mirona ituari Vima kikifa yaku gagani autu sanari Iesu afei boyo ma Bodaka yaku no reyainedi vonisi ini uka maina rena nivegika reyo.

Matthew 4:11

Kamini Bodaka feresi diyo ma Sei di naivo naivo vima yaku okisi nari regamadi.

Mark 4:15

Amiye bedakai bi ida sanari yo yareyadi kana. Ye ago neidena doba deri, evade Satani okisi bi moi diyo.

Luke 21:34

“Ya kaya nari rei mona refa! Iruku ma koru gira rofu dadaga ga refa. Yi vegu di toe di mokena tau yaku ya moi forovai ga reyaine. De bi, mina meda bae evade iruruka regori, tururu regedi baebu ya bi ivota ideri ya moi gira regedi kana.

Luke 21:36

Mina dada ari neinei nari regasa usa usa nifa, ya bi yeiva moisi beika tau vata nigo mina rofu ebu regi Amiye di mida di nemokori are regedi.”

Luke 22:31

Kamini Iesu yaku Peter rofu niyo, “Simon, na neide! Satani yaku Sei rofu usa niyo, yi uka maina regika nivego, ini mokena yaku yi uka mokena gira moi yaregedi, vo niyo.

John 8:44

Ya bi yi baba Bodaka di mida mida, ma yi ura rededi bi yi baba di ura rena usi dibigedi. Ini adinari gutuna bi amiye umuyegamo amiye. Ina bi ago rama moi gira de rido, adina ini ideri ago rama bi koina. Ofa nigasa ini beika rei baedo tu dudu redo, iniye ini mokena nido, adina bi ofa ofa nina amiye ma ofa nina di madini.

2 Corinth vene 2:11

ye Satani yaku una eru resi ebu rego baebu. Adina ini nirorotari reyo mokena bi diba niyafa.

Ephesus vene 4:27

Bodaka biri rina ida eboka ga refa.

Ephesus vene 6:11

Sei di iya rena mari buaru akufa, ye ya kaya Bodaka di nirorotari resi eru rena rofu are rei gira reyagane.

1 Timothy 2:15

Idu rema yaku mokena vari gira aesi uka masi kikifa amesi ave nigo vonisi, bi mida odina dudu moi vegu rigo.

1 Timothy 2:9

Na ka ura reida bi, rema vene yaku ave ma matagini dudu, varuka aku mona reyagane. Ini ada iye boboni ga resi moi kevo kavo ga resi goro o fore buni vayavaya roka pearl o varuka davana tora dudu moi matuka ga reyaganedi.

1 Timothy 3:11

Ini rema vene ka vegu rorobo reyagane; nifafana ga resi mokena buni amesi vegu tau gaderi rama reyagane.

1 Timothy 3:2

Mina resi ina bi butigi yokoi de nufa ameyaine; bi rema yokoi maka rumana, mokena buni nufa amesi yuka vana nari reyaine; bi matagini rena amiye amesi yava ika vene afei dui resi oteimai mona reyaine.

2 Timothy 4:17

Idu Varika amiye bi nai eta rofu are resi yeiva na maro, ye makai na dudu, ago bi ninegau rei mona rego ma tutubena idana vene tau noibanu neideyaganedi. Ma lion di venari na moi vegu riyo.

Titus 1:8

Idu bi amiye gaba reyaine, amiye kaere bi vegu buni uka masi ini yuka vana nari resi berou berou rofu mokena rorobo redo. Bi kikifa amiye, ma iniye moi rorobo rido amiye.

Titus 2:12

Sei rofu fufuta mana vegu ma mina kono di vegu no rofu de nisi nido, idu gua duakau amenari, yuka vana nari rena, vegu rorobo dudu, ma Sei di mokedo kana dudu amegi, mina una oteimado.

Titus 2:2

Rumana tora tora oteima bi koru gira irina ga resi mokena gira ma buni resi ini yuka vana nari reyagane; ma Sei rofu mokena vari gira aena, uka manari ma moi yeiva resi toe moi dina, mina moi gira ribiyagane.

Titus 2:4

Mina ida dudu, ina ka rema ruaka niegira regedi, bi ini maruka ma mida uka masi

Titus 2:6

Mina kana sina dudu, godua niegira re kumo iniye ini yuka vana nari reyaganedi.

James 4:7

Mina resi Sei di vava gabireri ya kaya aefa. Bodaka di ida biri rifa kumo ya rofu ori diyaine.

1 Peter 1:13

Mina resi moimai rena fafau mokei mona resi yi yuka vana nari regasa Iesu Keriso ogau nigori, buni tora gade ya rofu baego, mina rofu uka mokena ae mona refa.

1 Peter 4:7

Beika tau koina nigedi meda bi negau niyo. Mina dada yuka vana nari resi yi guriguri dada yi mokena nari refa.

Niokuna sina 12:10

Kamini na bi goroka tora oma ideri neideyaka niyo, “Gua uni Sei di moi vegu rina, vava, ourefeidena amena sana ma ini Keriso di vava baeyadi, adina uni usika ourena uni Sei di budari, ari ma urusari di emana amiye bi makuyo.

Niokuna sina 12:12

Mina dada, ya omari vegu amededi vene tau noibanu ada refa. No iniye iniye konori ma davarari vegu amena beika baika noibanu rofu neyaine, adina Bodaka gubuyo tora gade nufa, ya adinari desi ini meda bi atafu koina nigedi, bi diba niyo.”

Niokuna sina 12:9

Ma siya tora gade, biyetete aruma, ini roka bi Bodaka ma Satani, bi ini naivo naivo vima asiyaka venesa konori makuyo. Ina bi kono tora noibanu di vene tau rofu ofa nido amiye.

Niokuna sina 20:10

Ma Bodaka kaere eru reyo bi goidu tuma dona nadina ma Sei di ago niyo ofa amiye ameyadi fore roka sulphur dudu, ita moka tora vaido sanari you makuyo. Yomironari ariu ma urusari toga toga esika esika moigedi.

Niokuna sina 20:2

siya, mina senagi aruma—kaere bi Bodaka ma Satani mini—ina moi gira resi lagani 1,000 rofu ukita reyo.