1 Peter 4:2 - Sei di Uka Ago Ruaka di Buka Bedakai

² Ye gua ini vegu ameibobigori, bi roaita di ura rena dudu de, idu Sei di mokena dudu.

1 Peter 4:2 Kruisverwysings

Matthew 12:50

Adina kaere nai Baba omari amedo amiye di mokenari rego, bi nai dubuini, nai tobaini ma nai nono.”

Matthew 20:4

ina vene rofu niyo, ‘Ya vene ka bosi nai waini meko murori moimai regedi, ma na yaku fore beika bi rama ya magida.’

Matthew 21:31

Goina bi ini baba di ura reyo?” Ina vene yaku nikabai reyadi, “Ourena yaku.” Dada Iesu yaku ina vene rofu niyo, “Rama ya nida, fore butu rededi vene ma koa rededi vene yaku siko Sei di ourefeidena amena sanari dui regedi ma ya bi gabi.

Matthew 7:21

“Amiye tau kaere na rofu ‘Varika amiye’ vo nidedi, bi Sei di ourefeidena amena sana omari de dui regedi, idu nai Baba kaere bi omari amedo di mokedo vegu rededi vene maka dui regedi.

Mark 3:35

Adina kaere Sei di mokenari kana rego, bi nai dubuini, nai tobaini, ma nai nono.”

Mark 7:21

Adina amiye di uka ideri gutuna yakudedi bi mini: mokena no, mena de vene koa rena, duma duma rena, amiye umuyena, mena vene koa rena,

John 1:13

Sei di mida mida niyadi, una vata nisifa kana de, ma baba ura redo vata nigedi kana de, idu Sei iniye rofu vata niyadi.

John 7:17

Kaere amiye Sei di ura rena kana rego vonisi, bi diba nigo mina ago oteimaida bi Sei rofu dedo, o na kaya nai vava dudu sina nida.

Rome vene 12:2

Mina kono di mokena kana mokena ga refa, idu yi mokena moi ruaka risi dudu yi vegu moi idana rifa, ye ebene rena dudu, Sei di ura bi beika diba nigedi—mina bi buni, ada rei mona rena ma rorobo iniye.

Rome vene 14:7

Adina una yokoi yaku ina kaya rofu amena de redo, ma una yokoi ka una kaya rofu muyena de redo.

Rome vene 6:11

Mina resi ya kaya vegu no rena rofu muyeyadi kana, ma Iesu Keriso dudu, Sei rofu vegu nidedi kana ka mokeyaganedi.

Rome vene 6:2

Ide, ide iniye! Vegu no rena rofu muyeyafa—ye gokai vegu no renari toga ameibobigifa?

Rome vene 7:4

Kamini, nai usika ourena, ya ka Keriso di roaita dudu ago gira rofu muyeyadi, ye ya bi amiye bouna di nigedi, mina Keriso kaere bi muyena gutuna dadi rae reyo. Makai una yaku Sei rofu meko varegifa.

2 Corinth vene 5:15

Ma amiye tau noibanu rofu muyeyo, ye vegu amededi vene bi gabi dudusa inaike vegu de amegedi, idu ina vene dada muyeyo ma muyena gutuna moi dadi rae reyo amiye rofu vegu ameyagane.

Ephesus vene 2:3

Ari yokoiri ina vene di fogori, una tau vakoi uni roaita di udu dada, amesi roaita ma mokena di ura usi digamadi, bi amiye tau noibanu kana Sei di gubuyo iniye bi moigedi.

Ephesus vene 4:17

Mina dada, Varika amiye ini rokari niokusi nida, tutubena idana vene ini mokena tavoi tavoiri, nana rededi kana dudu ga rebifa.

Ephesus vene 5:17

Mina resi ada de kana ga refa, idu Varika amiye di beika ura redo ka diba nifa.

Ephesus vene 6:6

Amiye yaku ura regedi kana, ne rofu maka naivo ga refa, idu Keriso di moimai rei tavoi rededi vene kana, ye beika Sei ura redo bi uka meko noibanu dudu reyaganedi.

Colossae vene 1:9

Mina dada, bogo ouresi medari ya dada neideyafa mamo bi ya rofu usa usa nina ferena de regamafa; vabara mokena ma Vima di ada yora tau noibanu dudu, ini ura di diba vata baeyaine, mina usa nigamafa.

Colossae vene 3:3

Adina ya bi muyeyadi ma yi vegu bi Keriso sa Sei ideri sui niyo.

Colossae vene 4:12

Epaphras, Iesu Keriso di moimai rei tavoi redo amiye, kaere bi yi amiye yokoi, yuata ya nifeidedo. Ina toga toga ini usa usa ninari ya dada duro redo, ye Sei di ura tau noibanu diba ni vau resi tora ninari, are rei gira reyagane.

1 Thessalonica vene 5:18

beika baika tauri Sei rofu buni tora gade mabifa, adina Iesu Keriso dudu mina bi Sei di ura ya rofu.

Hebrew vene 13:21

ini ura rena reyaine, beika baika buni tau ya mago. Resi ka moimai ini nemokori bi ini uka moi ada rededi, bi mina uni uka ideri ka rego, Iesu Keriso dudu, kaere bi toga toga vabara maraine! Rama.

James 1:18

Ini ura dada, ago rama iniye dudu una odiyo, ye ini beika baika riyo di ourena yabo meko kana una vareyagadu.

1 Peter 1:14

Sei di mida kana, ini ago neidesi yi senagi ada gira di vegu di ura rena ga ourefeidefa.

1 Peter 2:1

Mina dada ya kaya rofu vegu no tau gade, ofa ofa ago tau gade, ofarosi vegu, gonema ma ago no tau gade makufa.

1 John 2:17

Mina kono ma beika tau ini vene yaku ura resi mokededi bi kamini roro nido, idu kaere Sei di ura rego, bi toga toga ameibobigo.