1 Peter 2:4 - Sei di Uka Ago Ruaka di Buka Bedakai

⁴ Varika amiye rofu baefa, vegu amedo fore amiye yaku etofa reyadi, idu Sei yaku auba reyo, adina bi ini nemokori buni vayavaya.

1 Peter 2:4 Kruisverwysings

Matthew 11:28

“Na rofu baegedi, ya kaere toe moisi kosika reyadi, ma na yaku sifere ya magida.

Matthew 12:18

“Mina bi nai naivo amiye, kaere bi auba reyaka; ina uka maida, kaere bi ina rofu ada reida. Nai Vima bi ina fafau aegida, ma ina yaku vegu rorobo tutubena idana vene tau rofu nirausi rego.

Matthew 21:42

Iesu niyo, “Ya bi toga Sei di agori bura veyadi ba? ‘Yava akuna vene moi kekevata uyadi fore bi yava moi gira redo fore iniye niyo. Mina bi Varika amiye yaku reyo; ma uni nemokori bi buni vayavaya!’

John 14:19

Doba de kono tora noibanu di vene yaku dudusa na vena de regedi, idu ya yaku bi na vegedi. Adina na vegu ameida kana, ya ka vegu ameibobigedi.

John 14:6

Ma nikabai reyo, “Na bi ida, ma ago rama, ma vegu. Amiye yokoi nai Baba rofu de bogo, idu na dudu maka.

John 5:26

Ye Baba iniye bi vegu di adina kana, makai ini Mida ka bi vegu di adina risi

John 5:40

Idu vegu moigika na rofu baena bi ura de rededi.

John 6:37

Nai Baba yaku na maro vene tau vakoi bi na rofu baegedi, ma na rofu baegedi vene bi de meki regida de iniye.

John 6:57

Vegu amedo Baba yaku na nifeideyo kana, ma ina dada vegu ameida, ye kaere na irigo amiye ka na dada vegu amego.

Rome vene 5:10

Adina senagi ini tuma vene amegamafari, Sei yaku ini Mida di muyena dudu unasa uka yokoi maka niyo, besa besa inasa uka yokoi maka niyafari, gua ini vegu dudu una moi vegu rigo!

1 Corinth vene 3:11

Adina amiye yokoi yaku gado idana sena de variyo, mina de varigo; bi Iesu Keriso maka mini.

Colossae vene 3:4

Keriso, kaere bi yi vegu amena rama, ogau nigori, bi ya ka inasa vabara nufa ogau nigedi!

1 Peter 1:19

Idu mina bi Keriso ini dava dudu davana tora mina maro, kaere bi ori sisika mamoe mida, ini roaitari no yokoi de o ara yokoi de mina kana.

1 Peter 1:7

Ye mina idari, yi mokena vari gira aena bi rama ba ide oteimago. Goro fore ka moi sikori rigo, ma bi itari orisi ini no moi yakugo. Ma yi mokena vari gira aena yaku goro fore besa ebu resi Iesu Keriso di ogau nina ariri, bi ini roka moi odoro risi vabara iniye ma kikifa rena magedi.

1 Peter 2:7

Mina fore bi buni vayavaya, kaere mokena vari gira aededi vene rofu di; idu kaere mokena vari gira aena de vene bi: “Yava akuna vene moi kekevata uyadi fore bi yava moi gira redo fore iniye niyo.”

2 Peter 1:1

Mina bi na Simon Peter, Iesu Keriso di moimai rei tavoi reida amiye ma nifeidena amiye— Mina bi uni Sei kaere bi Iesu Keriso moi vegu rina amiye di mokena rorobo dudu bi una kana mokena vari gira aena buni moiyadi vene di:

2 Peter 1:4

Mina dudu ina yaku ini nitore rena ago di beika baika buni tora gade gade una rofu maro. Ye mina kana vegu dudu, ya bi mina kono di vegu no rena rofu, ori disi Sei di vegu buni rau regedi.