1 Peter 1:6 - Sei di Uka Ago Ruaka di Buka Bedakai

⁶ Mina dada ada tora iniye refa, idu mina ituari beika toe idana idanari atesi yi uka yarena iniye rededi.

1 Peter 1:6 Kruisverwysings

Matthew 11:28

“Na rofu baegedi, ya kaere toe moisi kosika reyadi, ma na yaku sifere ya magida.

Matthew 26:37

Resi bi Peter ma Zebedee di mida remanu inasa afesi uka vorivori resi uka moigi kora reyo.

Matthew 5:12

Ada regasa yauta nifa, adina yi obini omari moigedi bi tora, adina makai senagi Sei di ago niyadi vene esika esika maradi.

Luke 1:47

Nai vima yaku ka Sei na moi vegu rido amiye rofu ada redo,

Luke 10:20

Idu vima no yaku yi ago neidededi vonisi, ada ga refa; yi ada regedi di adina bi yi roka bi omari bura reyo dada.”

Luke 2:10

Resi mina vene rofu niyo, “Ori ga refa, sina buni moi deyaka dada. Mina sina yaku amiye tau ada regedi.

John 16:22

Mina resi ya ka gua iriyeduka rededi, idu dudusa ya vegida ma yi ukari ada regedi; amiye yokoi yi ada rena ya rofu moi etagae de rigo.

John 16:33

Mina ago ya rofu niyaka, ye na dudu uka amuta baku regedi dada. Konori esika esika iniye moigedi. Idu yi uka moi gira rifa; na yaku kono di vegu ebu reyaka dada!”

Moimai di vegu 14:22

Usi dina vene egira resi niyadi bi rama iniye dudu ini mokena vari gira aena amebiyaganedi. Yomakai oteimaradi, “Sei di ourefeidena amena sana dui regika bi toe tau tora moigifa.”

Rome vene 12:12

Uka mokenari ada refa; esika esika moinari are rei gira refa; usa usa ninari bi niduri refa.

Rome vene 5:11

Ma mina maka de, idu uni Varika amiye Iesu Keriso dudu ka Sei rofu ada resifa, kaere ina dudu gua inasa uka yokoi maka niyafa.

Rome vene 5:2

Una ka ina dudu uni mokena vari gira aena dudu, Sei di buni tora gade di sanari gua are resifa mini, resi gua Sei di vabara nufa amegifa rofu, uka mokena dudu ada regifa!

Rome vene 9:2

Nai uka meko ideri bi iriyeduka tora ma toga esika reida.

2 Corinth vene 4:17

Adina mina ituari, mina esika aita moisifa yaku toga toga vegu ameibobina vabara tora iniye ina kana koina, bi mina rofu una dogo redo.

2 Corinth vene 6:10

iriyeduka resifa kana, idu toga ada resifa; baku baku resifa vene kana, idu amiye tau moi gugura nufa rigamafa; beika yokoi nufa kana, idu una bi beika baika tau noibanu nufa.

Galatia vene 5:22

Idu Vima bi yomina moi ogau rido: uka mana, ada rena, uka amuta, toro rena, uka buni, buni iniye, mokena vari gira aena,

Philippi vene 2:26

Ina bi toga ya vene vegika uka esika resi vorivori redo, ini adina bi ini gauka sina neideyadi.

Philippi vene 3:3

Adina una bi roaita nugana vene rama, idu una bi kaere Sei di Vima dudu, Sei nivakesi Iesu Keriso vabara masi roaita di vegu rofu, mokena vari gira de aesifa.

Philippi vene 4:4

Varika amiye rofu bi toga ada rebifa. Dudusa nigida: Ada refa!

1 Thessalonica vene 1:6

Ya vene bi una ma Varika amiye yaku amesifa kana mina reyadi; gokai esika esika tora gade moiyadi, idu Vima kikifa yaku ada ya vene maro, ma ya yaku ago buni moi gira riyadi.

James 1:2

Nai usika ourena, ida bouna bouna dudu ebene regori, bi ada rena dudu maka mokefo,

James 1:9

Ye gugura keika ekalesia amiye kaere moi odoro rido, bi ni-ika reyaine,

James 4:9

Yi no rofu iriyeduka resi guruo resi isaka nifa; yi yoga nina bi isaka nina kana ma yi ada rena bi agubo nina kana moi kero refa!

1 Peter 3:17

Adina bi buni fafau esika moigedi bi buni, Sei ina ura redo vonisi, idu vegu no rena fafau esika moina bi buni de.

1 Peter 4:7

Beika tau koina nigedi meda bi negau niyo. Mina dada yuka vana nari resi yi guriguri dada yi mokena nari refa.

1 Peter 5:10

Ye mina neitua keika guraugedi, ma gabi bi buni tora gade di Sei, kaere ini toga toga ameibobina vabara Keriso ideri ya rofu raka niyo, bi iniye ya dudusa moi rorobo risi yo nisi egira resi ya moi are rego.