1 Peter 1:1 - Sei di Uka Ago Ruaka di Buka Bedakai

¹ Na Peter, kaere bi Iesu Keriso di nifeidena amiye— Sei di auba reyo vene kaere bi Pontus, Galatia, Cappadocia, Asia ma Bithynia gagani gaganiri rerevaida nisi amededi vene idana kana rofu mina bura reyaka.

1 Peter 1:1 Kruisverwysings

Matthew 10:2

Ye mina nifeidena vene 12 di roka roka bi: ouresi bi Simon (ini roka yokoi bi Peter) ma ini usika Andrew; Zebedee di mida mida James ma ini dubuini John;

Matthew 24:22

Ye Sei yaku mina vegu no di ari de moi tumu reyagadu, amiye yokoi moi vegu de riyagadu, idu ini auba reyo vene dada mina ari moi tumu rego.

Matthew 4:18

Iesu Galilee moka daidai tora seriri nana digasa uba dubuisa veyo, Simon (Peter vo niyadi) ma ini usika Andrew, kaere bi koruri fate makugamadi, adina bi oyena rutu vene.

Luke 18:7

Sei yaku gua ini auba resi moiyo vene, kaere uru ari ina rofu isaka nidedi, bi ini ago neidesi ini vegu moi rama rigo, ba ide? Kiya kiya aedego ba?

John 11:52

mirona vene dada maka de, idu Sei di mida mida gagani gaganiri rerevaida niyadi ka egogo resi moi yokoi maka rigo.

John 7:35

Ye Jew vene iniye iniye nikaiteyadi, “Mina amiye bi goidu digika redo ma de baku regifa? Ini mokena bi Greek vene di gagani uni amiye amededi sanari disi Greek vene oteimago ba?

Moimai di vegu 18:2

Mironari bi Jew amiye ini roka bi Aquila baku reyo, kaere bi Pontus ri vata niyo. Ina bi ini rema Priscilla sa ruika Italy gutuna okiyadi, ini adina bi Claudius, kaere bi Rome di kini, yaku ago gira maro Jew vene Rome feresi diyaganedi. Paul bi ina vene vegi bosi

Moimai di vegu 18:23

Mironari ari ne doba ameyo, feresi Galatia ma Phrygia di gagani tora di gagani neineiri diga bogasa resi usi dina vene tau rofu egira ago magamo.

Moimai di vegu 19:10

Mina bi lagani remanu moi raga reyo, ye Asia gaganiri Jew ma Greek vene amededi tau yaku Varika amiye di ago neideyadi.

Moimai di vegu 6:9

Idu amiye be bi uka yokoi maka de dudu ini beika regamo mina rofu; ina vene bi usa usa yava yokoi roka Erufuna vene, kaere bi gagani gagani roka Cyrenia, Alexandria, Cilicia ma Asia ri amededi Jew vene. Ina vene vakoi gogo resi kamini Stephen sa kayamo reyadi.

Moimai di vegu 8:4

Mina dada mokena vari gira aeyadi vene, kaere bi gagani gaganiri rerevaida nisi diyadi, yaku sina buni niodoro regamadi.

1 Corinth vene 16:19

Asia di ekalesia vene ya yuata nifeideyadi. Aquila ma Priscilla ma ekalesia vene ini yavari egogo rededi vene, Varika amiye dudu ya yuata tora nifeideyadi.

2 Corinth vene 1:8

Usika ourena, Asia gaganiri esika esika moiyafa, mina diba niyagane ura resifa. Ini adina mina toe una fafau aeyo bi tora iniye, ye una yaku duku rena ka yeiva de reyafa, ma uni uka ka yau niyo, ye una bi gua muyegifa mokeyafa.

Galatia vene 1:2

Nai usika ourena tau gade minari nasa amesi ya Galatia ekalesia vene rofu yuata nisifa:

Ephesus vene 2:12

Mirona ituari ya bi Keriso gaima iniye amegasa Israel vene rofu gagani bouna vene, uka ago di nitore reyo ago idana vene rofu kana. Ya bi uka mokena nufa de ma konori Sei sa amena de regamadi.

Ephesus vene 2:19

Mina dada ya bi gua idana vene ma okina vene de, idu ya bi Sei di vene di auta rena vene ma Sei di yava vene.

2 Timothy 1:15

Ya ya diba Asia gaganiri vene tau noibanu bi na ferei tavoi reyadi, Phygelus ma Hermogenes ka.

Hebrew vene 11:13

Ina vene tau gade mokena vari gira aena nufa, muyegasa nitore reyo beika baika de moiyadi, idu gaimari vegasa faiva nisi nigamadi bi okina vene ma mina konori ni meki reyo vene.

James 1:1

Mina bi James, Sei ma Varika amiye Iesu Keriso di moimai rei tavoi reida amiye, rofu: Ya Israel di rubu 12 vene kaere kono tora noibanuri rerevaida reyadi, ya rofu yuata nifeideida.

1 Peter 2:11

Nai uka maida amiye, amiye idana ma rerevaida ni dina vene kana, ya usa nida ya kaya yi roaita di ura rena kana ga refa; mina bi toga toga vimasa ruda rebigedi.

2 Peter 1:1

Mina bi na Simon Peter, Iesu Keriso di moimai rei tavoi reida amiye ma nifeidena amiye— Mina bi uni Sei kaere bi Iesu Keriso moi vegu rina amiye di mokena rorobo dudu bi una kana mokena vari gira aena buni moiyadi vene di:

Niokuna sina 1:11

Yomakai niyo, “Beika veisa bi bukari bura resi dubu rofu mina taoni 7 ri moi feide: Ephesus, Smyrna, Pergamum, Thyatira, Sardis, Philadelphia ma Laodicea.”