Mark 4:1 - Kobon

¹ Jisas Ñɨg Waŋö Galili goƚ au amöm, nɨbi bɨ gau kalɨp kauyaŋ manö hag ñɨ mɨdö nɨŋöl gɨ, nɨbi bɨ iru yabɨƚ nöp ap magum gɨla. Anɨg geila, Jisas ñɨg magɨb ap adö u asɨköm, am ñɨg aŋ söl au mɨdöl gɨ, nɨbi bɨ ñɨg goƚ gau urak mɨdeila gau kalɨp manö hag ña.

Mark 4:1 Kruisverwysings

Mark 2:13

Jisas kauyaŋ amöm, Ñɨg Waŋö Galili goƚ au ajeia nɨŋöl gɨ, nɨbi bɨ iru nöp nɨŋöm mɨdeia au ap magum geila nɨŋöm Jisas kalɨp God Manö hag ña.

Mark 3:7

Jisas pen bɨ nɨpe gau udöm, amöm Ñɨg Waŋö Galili goƚ au am mɨdeila. Pen nɨbi bɨ Galili nɨbö iru nöp nɨp hain göm aula. Nɨpe nan nɨhön nɨhön gɨmɨdöp adö u haglö gau arö nɨŋöl gɨ, Judia nɨbi bɨ rɨmnap, Jerusalem nɨbi bɨ rɨmnap, ram mɨnöŋ Idumia nɨbi bɨ rɨmnap, ñɨg Jodan böŋ lödaŋ nɨbi bɨ rɨmnap, daun kub mɨhöp Daia Saidon nɨbi bɨ rɨmnap, nɨbi bɨ iru yabɨƚ Jisas nɨp nɨŋnɨg aula.

Mark 3:9

Jisas nɨbi bɨ iru nöp gö, kamɨŋ la u me, nɨp ud nɨŋno kamɨŋ lɨnɨm, a göm, nɨbi bɨ iru nɨbanö yabɨƚ apöm, nɨp cɨro cɨro ñöl gɨ auö, bɨ nɨpe gau kalɨp hagö, ñɨg magɨb ap ud lɨla.

Mark 4:36

Anɨg hagö, bɨ nɨpe gau nɨbi bɨ iru nöp ap mɨdeila gau kalɨp arö göm, ñɨg magɨb Jisas mɨdeia mɨgan u ranöm, hadla. Ñɨg magɨb rɨmnap halö aip arla.

Mark 5:2

ñɨg magɨb u arö göm, ujaŋɨd lugö nɨŋöl gɨ, magö anɨbu nöp, kɨjaki abaŋ al mɨdeia bɨ ap, wip rɨgöl mɨgan gau nɨbö apöm, Jisas mɨdeia au aua.

Mark 5:21

Jisas pen ñɨg magɨb udöm, kauyaŋ ado gɨ am Ñɨg Waŋö Galili böŋ lödaŋ goƚ au mɨdö nɨŋöl gɨ, nɨbi bɨ iru nöp nɨp aula.