Luke 2:2 - Kobon

² Nöd api iƚ göm nɨbi bɨ hib udla ñɨn u, gapman bɨ kub Kwairinias Siria Propins nɨbi bɨ kalɨp abad mɨdmɨdöp.

Luke 2:2 Kruisverwysings

Madyu 4:24

Anɨg gö, ram mɨnöŋ Siria nɨbi bɨ gau magöŋhalö manö anɨbu nɨŋöm, nɨbi bɨ nan nɨhön nɨhön ga gau daulö, Jisas gö kamɨŋ lɨmɨdöp. Nɨbi bɨ anɨb gau, rɨmnap nan ga; rɨmnap hañ romaŋ ilön kub ga; rɨmnap kɨjaki abaŋ ala; rɨmnap amgö mɨmainö auö, ap lug paköm gɨl gɨl gɨmɨdal; rɨmnap ñɨn ma kɨƚa ga; pen nɨbi bɨ nan nɨhön nɨhön ga gau daulö, Jisas gö magöŋhalö kamɨŋ la.

Luke 2:1

Pen ñɨn aŋ anɨbu, gapman bɨ kub Sisa Ogasdas nɨpe lo löm haga, “Nɨbi bɨ yad abad mɨdpin gau, kale magöŋhalö hib kale udöl,” a ga.

Luke 2:3

Anɨb u, nɨbi bɨ ram mɨnöŋ mɨlö kub gau ke nɨbö ke nɨbö ap yɨharɨŋ mɨdeila gau, ado gɨ ram mɨnöŋ kale ke hib udnɨg arla.

Luke 3:1

Rom gapman bɨ kub yabɨƚ Sisa Daibirias ram mɨnöŋ gau gau abad mɨdmɨdöp, mɨ in la unbö ajɨp böŋ daŋ. Pen nɨpe mɨlö gau mɨdöm, bɨ abad mɨdep aŋ yagol nɨpe rɨmnap hag lö, am ram mɨnöŋ rɨmnap abad mɨdmɨdal. Bɨ nɨpe Podias Pailod ram mɨnöŋ Judia nɨbi bɨ gau kalɨp abad mɨdmɨdöp. Bɨ nɨpe Herod ram mɨnöŋ Galili nɨbi bɨ gau kalɨp abad mɨdmɨdöp. Herod nɨmam nɨpe Pilip ram mɨnöŋ Iduria nɨbi bɨ gau abe, ram mɨnöŋ Drakonaidis nɨbi bɨ gau abe kalɨp abad mɨdmɨdöp. Bɨ nɨpe Laisenias ram mɨnöŋ Abilini nɨbi bɨ gau kalɨp abad mɨdmɨdöp.

Aposɨl 13:7

Daun kub Pepos au, Saipras gapman bɨ kub yabɨƚ hanmɨdöp, hib nɨpe Segias Polas. Bɨ anɨbu nɨpe bɨ gasɨ nɨŋ kɨd yabɨƚ hiɨköm nɨŋmɨdöp. Nɨpe Banabas aip Sol aip, God Manö yɨp haglö nɨŋɨn, a göm, kalɨp hagö apil, nɨp God Manö hag ñɨlö. Pen bɨ kuj cage aimö gep bɨ u nɨpe bɨ kub anɨbu bɨ nɨŋeb nɨpe ap.

Aposɨl 18:12

Pen Rom bɨ kub gau Galio nɨp hag lɨlö, nɨpe amöm Akaia Propins abad mɨdeia ñɨn u, Juda nɨbi bɨ gau, Pol nɨp nɨŋlö mulu lugö, manö hag adö añɨ löm, nɨp ud sɨsɨ lɨ dam manö kub hagnɨg arla.

Aposɨl 23:26

Yad Klodias Lisias. Nöp gapman bɨ kub Piliks köp i kalɨ kƚiñ rɨkabin. Ne mɨdpan?

Aposɨl 26:30

Pol anɨg hagö, Kiŋ Agripa u, Gapna Pesdas u, Agripa nɨñɨn Benis u, nɨbi bɨ mɨdeila gau magöŋhalö uraköm, höŋ amöm, hagla, “Nɨbi bɨ rɨmnap gɨ naij gɨlö me, manö kub hagöm, rɨmnap nagɨ löm, rɨmnap böŋ nöp al pak lɨnaböl. Pen bɨ i nan naij ap gagöp, wasö,” gɨla.

Aposɨl 5:37

Pen hainö, hib hon udla ñɨn u, u rö nöp bɨ Judas Galili nɨbö u haga, ‘Hon gapman gau aip pen pen gun, kalɨp rɨdɨk gɨ yunabun,’ a ga. Anɨg hagö, nɨbi bɨ iru nöp manö nɨp udöm, urak gapman aip pen pen gɨla. Pen mɨd damöm, bɨ anɨbu nɨp u rö nöp al pak lɨlö, nɨbi bɨ manö nɨp nɨŋ udmɨdal gau ke ke arla pɨs ga.