Luke 16:19 - Kobon

¹⁹ “Bɨ ap mani nan nɨpe iru yabɨƚ mɨdmɨdöp. Nɨpe waƚɨj aij aij nöp yɨmöm, nan ñɨŋeb aij aij nöp ñɨŋmɨdöp.

Luke 16:19 Kruisverwysings

Mark 15:17

waƚɨj aɫɨ mɨlöbö ap, gapman bɨ kub gau rol gɨ mɨdmɨdal rö Jisas nɨp rɨm ñöm, nan kalɨ kalɨ halö rɨmnap rɨk dapöm, kiŋ rol gɨpal usajɨl bad rö ap göm, nɨp nabɨc cög adö laŋ rol gɨ ñɨla.

Mark 15:20

Nɨp anɨg göl hag juöm, waƚɨj aɫɨ mɨlöbö nɨp rɨm ñɨla u ud ju yuöm, waƚɨj nɨpe ke u yɨm ñöm, mab ba laŋ al pak lɨnɨg ud arla.

Luke 15:13

Ñö, ñɨ nɨpe hain u magö uƚep magö ap mɨdöm, nap nan nɨp ud asɨk ña gau magöŋhalö sɨkim göm, mani udöm, dam ram mɨnöŋ mɨlö gau arnab. Am anɨb gau mɨdöm, nɨbi si nan naij gau göl gɨ, mani nan nɨpe ud arnab gau, haƚöwaƚö nɨbi bɨ gau ñɨ pɨs gɨnab.

Luke 16:1

Jisas bɨ nɨpe gau kalɨp haga, “Bɨ kub nan iru mɨdnab ap, bɨ nan nɨpe abad mɨdep bɨ ap hag lö, nan nɨpe gau abad mɨdeinab. Pen bɨ kub u, manö ap nɨŋnab, bɨ nan nɨpe abad mɨdnab anɨbu, nan nɨpe gau haƚöwaƚö gɨnab.

Luke 16:18

“Pen, bɨ ap nɨbi udöm arö göm, am nɨbi hain nɨbö ap udnab u, nɨbi si udnab. Pen bɨ ap uraköm, nɨbi u, bɨ udöm arö gɨnab nɨbi anɨbu, udnab u, nɨpe u rö nöp nɨbi si udnab.

Luke 16:20

Pen ram ajöŋ iƚ goƚ nɨpe au, bɨ use use halö nan mɨdagmɨdöp bɨ ap dap lɨlö mɨdmɨdöp. Hib nɨpe Lasaras.

Repelesin 17:4

Pen nɨbi nɨŋnö anɨbu, waƚɨj hagape nɨbi kub lɨbal rö löm, kabö gol iru nöp, kabö aij aij mani kub rauep iru nöp, magö pro kɨbap mɨƚep rö rud gab “pöl” a gɨpal u iru nöp, hañ romaŋ nɨpe gau magöŋhalö lö, mailö mailö göl gɨ mɨdeia. Kap kabö gol udöm gɨla ap ud mɨdeia. Kap mɨgan anɨb yaŋ, bɨ aip si göm nan si prɨ naij yabɨƚ geia gau ajmaŋ rau mɨdeia.

Repelesin 18:16

hagnaböl, ‘Wasö e! Wasö e! Daun kub ke yabɨƚ e! Daun kub kƚiñ aij anɨbi, waƚɨj aij aij, laplap aij yabɨƚ linɨn rɨk dam pak al dör gɨmɨdal u, laplap mu, laplap aɫɨ udöm rɨb adɨk lɨ mɨdmɨdöp; kabö gol, kabö pro aij aij ke ke mani kub rauep, magö pro kɨbap mɨƚep rö rud gab “pöl” a gɨpal u udöm rɨb adɨk lɨ mɨdmɨdöp.

Repelesin 18:7

Nan iru nöp udnam, a göm, hib nɨpe ke dap ranöb rö u, nɨp pen ilön mab unbö ke yabɨƚ ñö, mög yabɨƚ gɨnɨm. Gasɨ nɨpe ke nɨŋöm hagöp, ‘Yad nɨbi kwin aui asɨk mɨdpin. Yad nɨbi adu mɨdagpin; mɨŋör rɨmnap yɨp udnɨm rö lagöp,’ a göp.