Aposɨl 22:3 - Kobon

³ Kale agamɨj mɨdlö nɨŋöl gɨ, Pol kalɨp haga, “Yad Juda nɨbö u pen yɨp yag daula daun kub Dasas, Silisia Propins gau. Pen yad ap Jerusalem i, manö hag ñeb bɨ Gameliel aip mɨdem, kub gɨnö u me, apɨs bac bɨ lo manö nɨhön nɨhön hagla u magöŋhalö yɨp hag ñö, nɨŋbin. Anɨb u, kale God nɨp ud aij gun, a gɨmim, kƚiñ aij nöp gɨpim rö, yad u rö nöp gɨmɨdin.

Aposɨl 22:3 Kruisverwysings

Luke 10:39

Ram nɨpe u nɨñɨn ap mɨdeia. Hib nɨpe u Maria. Maria nɨpe Jisas mɨdeia söl au ap asɨköm, Jisas manö hageia u nɨŋmɨdeia.

Luke 2:46

Ammil ñɨn mɨhöp nɨgaŋ mañu nɨŋlö, nɨpe amöm God sabe gep ram u mɨdöm, bɨ lo manö hag ñeb bɨ gau aip asɨk mɨdöm, manö hagaila u nɨŋöm, manö rɨmnap hag nɨŋmɨdeia.

Luke 8:35

Hag ñɨlö, nan anɨbu nɨhön gö hagaböl a göm, apöm nɨŋla, bɨ kɨjaki yuö hiɨköm mɨdmɨdöp u, kamɨŋ lö, waƚɨj yɨmöm, Jisas ma iƚ söl au asɨk mɨdeia. Kale anɨbu nɨŋöm anɨnɨn gö pɨñɨŋ gɨla.

Aposɨl 11:25

Banabas pen bɨ Sol nɨp am daunam, a göm, daun kub Dasas ara.

Aposɨl 15:23

Köp ap kalɨ kƚiñ rɨköm, Pol Banabas bɨ gau ñɨla. Köp anɨg göl kalɨ kƚiñ rɨkla: Mam bɨ, kale mɨdpim? Hon namam kale, Jisas manö ud arep bɨ gau abe, Jisas nɨbi bɨ nɨpe gau kalɨp abad mɨdpil bɨ mɨhau abe, kalöp Juda nɨbi bɨ wasö daun kub Adiok abe, Siria Propins abe, Silisia Propins abe mɨdmim Jisas nɨp nɨŋ udpim gau, köp kalɨ kƚiñ rɨk yuabun.

Aposɨl 15:41

Pol nɨpe Siria Propins gau abe, Silisia Propins gau abe gɨ ajöl gɨ, nɨbi bɨ Jisas nɨp nɨŋ udla gau kalɨp God Manö rɨmnap halö hag ñɨ aij gö, kale nɨŋöm nɨŋ ud pɨdöŋ gɨ mɨdeila.

Aposɨl 21:20

Pol anɨg göl aiud anɨbu hageia nɨŋöm, God nɨp aij a göm, Pol nɨp hagla, “Mam. Ne nɨŋban, Juda nɨbi bɨ iru nɨbanö Jisas nɨp nɨŋ udpal u pen kƚö yabɨƚ göm hagpal, ‘Hon Juda nɨbi bɨ mɨdpun. Anɨb u, Juda lo adö u nöp gun,’ a gɨpal.

Aposɨl 21:39

Hageia, Pol haga, “Wasö, yad bɨ Juda ap. Yɨp yag daula daun kub Dasas, Silisia Propins gau. Daun kub yad u hib mɨdöp. Pen yɨp yau, a gɨmön, yad nɨbi bɨ gai i kalɨp manö ap hag ñɨnam,” a ga.

Aposɨl 23:34

Gapna nɨpe köp anɨbu amgö lɨ nɨŋöm, Pol nɨp haga, “Ram mɨnöŋ ne gai nɨbö?” ö ga. Hageia, Pol haga, “Yad Silisia Propins nɨbö,” a ga.

Aposɨl 23:6

Pen Pol nɨpe nɨŋa, bɨ Kansol kub mɨdeila anɨb gau rɨmnap Sadyusi nɨbi bɨ nɨŋla rö nɨŋla, rɨmnap Perisi nɨbi bɨ nɨŋla rö nɨŋla. Bɨ Sadyusi gau gasɨ kale u nɨŋöm hagmɨdal, “Ejol gau mɨdagpal. Ana mɨdagöp. Nɨbi bɨ gau umöm, böŋ nöp umöm, urakagnaböl,” a gɨmɨdal. Pen bɨ Perisi gau unbö gasɨ nɨŋagmɨdal. Gasɨ kale u nɨŋöm hagmɨdal, “Ejol gau mɨdpal. Ana mɨdöp. Nɨbi bɨ gau umöm, böŋ nöp umöm wasö, uraknaböl,” a gɨmɨdal. Pol nɨpe yam ke ke mɨdeila anɨbu nɨŋöm, manö kub hagöm, haga, “Mam bɨ. Bac bɨ yad gau magöŋhalö Perisi nɨbö; yad u rö nöp Perisi nɨbö nöp. Yad nɨbi bɨ umöm uraknaböl manö hagnö u me, yɨp pen manö kub hagaböl,” a ga. Anɨg hageia, bɨ Sadyusi Kansol kub gau asɨk ke ke löm, bɨ Perisi Kansol kub gau asɨk ke ke löm, manö pen pen hagla.

Aposɨl 26:5

Kale yɨp mɨlö padö nɨŋmɨdal. Yad bɨ Perisi, Juda lo manö nɨŋem, kƚö gem, asɨ masɨ gɨ aij yabɨƚ gɨpin. Kale nöp manö anɨbu waiö hageinaböl u, yad manö nɨŋö hagabin u a gɨmön nɨŋnabön.

Aposɨl 26:9

“Pen nöd yad ke, Jisas Nasared nɨbö manö hageila gau kalɨp gɨ naij gɨnam, a gem, gɨ nɨŋmɨdin.

Aposɨl 5:34

Anɨg hagla u pen, aŋ anɨb au bɨ ap mɨdeia, hib nɨpe u Gameliel. Nɨpe bɨ Perisi, lo manö hag ñeb bɨ kale ap. Juda nɨbi bɨ magöŋhalö nɨp nɨŋlö aij a gɨmɨdöp. Bɨ Gameliel anɨbu uraköm haga, “Bɨ ugan anɨbi kalɨp hagpe höŋ aröl. Yad kalöp manö ap hag ñɨn,” a ga. Anɨg hagö, bɨ anɨb gau hag höŋ yula.

Aposɨl 6:9

Pen Juda nɨbi bɨ ram mɨnöŋ ke ke gau nɨbö rɨmnap apöm Juda magum gep ram ap apöm God nɨp sabe gɨmɨdal; Juda magum gep ram anɨbu, “Mɨñi Nagɨ Mɨdagpun Ram” a gɨmɨdal. Bɨ Juda anɨb gau, rɨmnap Sairini daun nɨbö, rɨmnap daun kub Aleksadria nɨbö, rɨmnap Silisia Propins nɨbö, rɨmnap Esia Propins nɨbö. Kale Sɨdipen ga rö nɨŋöm, kƚö yabɨƚ göm nɨp manö pen pen hagla u pen,

Aposɨl 9:1

Pen Sol nɨpe Bɨ Kub manö aij nɨŋ udöm hain gɨmɨdal nɨbi bɨ gau kalɨp al pak lɨn, a göm, pör kƚö yabɨƚ gɨmɨdöp. Mañ ap nɨpe am God nɨp nan sabe gep bɨ kub yabɨƚ u nɨp haga,

Aposɨl 9:11

Hageia, Jisas haga, “Sol bɨ daun kub Dasas nɨbö u, God nɨp sabe göl gɨ, naböŋ nɨŋöb, bɨ Ananaias a gɨpal u nɨp am ud nɨŋajɨp, amgö nɨpe we ga u ñɨl nɨŋöb. Nɨpe mɨñi yɨp sabe göl gɨ mɨdöp Judas ram u. Anɨb u, ne adan ‘Yɨjɨg’ a gɨpal u ammön, Judas ram u amjakmön kalɨp hagmön, ‘Sol nɨp nɨŋnɨg auabin,’ a gɨmön,” a ga.

Aposɨl 9:30

Pen bɨ Jisas nɨp nɨŋ udla rɨmnap manö anɨbu nɨŋöm, nɨp uɫ gɨ dam daun kub Sisaria amöm yulö, daun kub Dasas ara.

Romans 11:1

Anɨb u, yad hag nɨŋeb ap mɨdöp: God Isrel nɨbi bɨ gau kalɨp böŋ nöp arö göp aka? Wasö yabɨƚ! Kalɨp böŋ nöp arö gagöp. Yad Pol u rö nöp Isrel nɨbö bɨ. Ebraham rɨkö, rɨk damöm, Benjamin nɨp rɨklö; Benjamin pen rɨk dam dapɨl ga iƚ u, yad mɨdpin.

2 Korid 11:22

Kale Hibru nɨbi bɨ? Yad u rö nöp Hibru bɨ ap. Kale Isrel nɨbi bɨ? Yad u rö nöp Isrel bɨ ap. Kale Ebraham iƚ ap? Yad u rö nöp Ebraham iƚ u mɨdpin.

Galesia 1:14

Bac bɨ manö u nɨŋ udem, kƚö yabɨƚ gɨmɨdin; bɨ Juda yad aip adɨp adɨp kub gɨno gau, kale gɨmɨdal rö wasö, yad añɨ Juda lo manö nɨŋ aij yabɨƚ gem, bac bɨ hagmɨdal rö kƚö gem gɨmɨdin.

Galesia 1:21

Pen yad hainö Siria Propins amem, Silisia Propins amem, gɨnö.