Titu 3:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Mitau napane víkave mana, linyemye pamo na lishauma lyavanyakala, ushaka na mitau kwamwaa walilamulo mwaa vinu avyo, havive mana na vyabule.

Titu 3:9 Kruisverwysings

II Timoti 2:14

Vakumbuwange vanu vinu avi umya ushuda pamevo pake Nnungu pakulota havanataukanange kwamalove mwaa haipali paida ila vabamalegwa avalá vaigwilíla.

II Timoti 2:23

Napane ita mitau víkave mana na vyaujinga umanya doni, vyanavo vimalilikila muugombi.

I Timoti 4:7

Kanji napane ita dinano díkave ishima na dyashinyakala ila lidyavalakedye shinamidyo shakunjopa Nnungu.

II Timoti 2:16

Linyemye napane mushitangodi shíkave ishima na shíkave mana mwaa shosho sho, shinkuvatadya vanu vamamodye ungave Nnungu.

Titu 1:14

valeka kwigwilila dinano dyashiyuda pamo na malamulo avanu valódya lukoi umwiu.

I Vakolintu 8:1

Napanelo kwaing'ano yavyakulya vyavavaumidya vannungu vakushang'apa, tunkumanya mwamutangalela mwenu kenga, “Wetu uti tunkuvanavo limanyilo.” Limanyilo ali kanji linkuntadya munu alyone ila linagwaledyo linkudenga.

I Vakolintu 13:2

Ndikavanavo kulava na kumanya vipii uti na umanyimanyi uti, ndikavanavo likulupililo uti pakulota ngushe mashinga kanji ndikanavanavo linagwaledyo, hangunava shinu.

Tiyagu 4:1

Ding'ondo na kupwatananga vipagwíte pakati penu po, vyalakela kwashi? Da havinaalakela shinu nkati muditamaa dyenu adilá dyakunyata ditandána ing'ondo nkati mwenu mo?