Nshuwau 1:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Nnungu, hapali munu ata jumo ángwene ila jumo wagweka, àvele Nnungu, jo áijeme pashuva sha Tatamunu ni átutadidye tummanye.

Nshuwau 1:18 Kruisverwysings

Mateu 11:27

Vinu uti aningukamudya Atata. Hapali junji ámmanyite Mwana ila Atata na hapali ámmanyite Atata ila Mwana pamo namu aijá walota kunnodya mwene Mwana.

Lukashi 10:22

Atata aningukamudya vinu uti. Hapali munu junji ámmanyite Mwana pakavele Atata na hapali ámmanyite Atata pakavele Mwana pamo namu aijá walota kummalangangila Mwana.”

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 12:41

Ishaiya anditangola malove ala mwaa andyóna lishangelo lyake Yesu na anditangola amwamba nae.

Nshuwau 13:23

Napane andíikala pepi-pepi namu nae po pandamu nkwóda wake jumo aijá washinnagwaledya namene Yesu.

Nshuwau 14:9

Yesu kutwala kushidoni, “Nangu ndiikala namu mwenu muwakati woe, mpaka ambi haunava kungumanya Pilipo? Munu ángugwene nangu, animwona Atata. Napanelo wako utangola dashi doni, ‘Ngulodya Tatamunu’?

Nshuwau 17:26

Nangu ndivatadya vamanye lina lyako namomo ndauka mushu ndivatadya vakumanye pakulota linagwaledyo lyauvenavo kwangu nangu lipagwe nkati mwave na nangu ngupagwe nkati mwave.”

Nshuwau 17:6

“Nangu nditadya lina lyako limanyike kwa avalá vaungupele mushilambo amu. Vovo vo, vavelé vako kutwala wako kungupa nangu na vanavo vankwigwilila lilove lyako.

Nshuwau 3:11

Ninkukwaulila mwiu mwiu, shatumanyite ni shatutangola, shatugwene ni shatumya ushuda kanji ushuda wetu hamunakulupila shinu.

Nshuwau 6:46

I kenga apali munu ángwene Tatamunu ila aijá áaleke kwa Nnungu, aju ni ángwene Tatamunu.

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

Vakoloshu 1:15

Nae ni ing'ope ya Nnungu ákaaneka, ntandi kuvalekwa waviumbi uti

I Timoti 1:17

Ambi napane kumwe Umu wangwengwe, ákapela, ákaaneka, jo Nnungu jumo, kwake nae kupagwe ishima na lishangelo ngwengwe ngwengwe. Ame.

I Timoti 6:16

jumo ákapela, ánama mulilangadyo lyakavandika munu, aijá ákangwene munu pakati pavanu na ákaululika kwaneka. Kwake nae ipagwe ishima na dimongo díkamalilika. Ame.

I Nshuwau 4:12

Hapali ata munu jumo ángwene Nnungu; wetu tukanagwaladyania, Nnungu ankupagwa nkati mwetu na linagwaledyo lyake linkuwikila popo nkati mwetu.

I Nshuwau 4:20

Aijá áashidoni, “ninkunnagwaledya Nnungu” kanji ammangedya nung'unumunu, ajo nshwang'a mwaa aijá ákannagwaledya nung'unumunu wamwona hayululika kunnagwaledya Nnungu aijá wakangwene.

I Nshuwau 4:9

Amu ni mwaladyadidye Nnungu linagwaledyo lyake pakati petu wetu pantumididye Nnungu Mwana jumo jojo mushilambo amu pakulota tuname kwaindila yake.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.