Mateu 9:2 - Ibibiliya mu Shimakonde Imbodi Yaambi na dimbande dya Imbodi Yakala

² Mwe! Popo po, vanu kumwidanavo munu wakudidimanga mili vànadidye mwigoli. Yesu pagwene likulupililo lyave, andímwaulila wakudidimanga jo kushidoni, “Mwanangu lyunge ntima! Madambi ako andilivalivika.”

Mateu 9:2 Kruisverwysings

Mateu 9:22

Yesu kushiliuka. Pangwene, kumwaulila kushidoni, “Lyunge ntima mwanangu. Likulupililo lyako lindikuponia.” Kutunduvangila muwakati wowo nkongwe jo kupona.

Tiyagu 2:18

Inkulukika munu kushidoni, “Wako unkuvanavo likulupililo, nangu ninkuvanavo vitendo.” Ngulodya likulupililo lyako líkavele vitendo nangu ndakulodya likulupililo lyangu kwaindila yavitendo.

Vitendo 19:12

mpaka vanu kutwala malesho pamo na dinguvo dye dikumbíle likalogwe limwe Paulu kuka ndavakwaa valwele kutwala vanavo vilwele vyo kupona na majini aukalau momo kuumananga mumili.

Nshuwau 21:5

Nae kutwala kuvaudya, “Mmanavangu, hamuvenavo dyomba?” Vanavo do, “Um, mene.”

Mateu 8:10

Yesu paigwite malove ala andíshanga na andívaulila avalá váshimwoda kushidoni, “Ninkumwaulila mwiu doni, ku Ishilaeli akuno hangunava kumwona munu walikulupililo kenga aju.

Mateu 4:24

Nadoni shimbili shake shindyúmanikanga mushilambo uti sha Shiliya, venentete vashindavaidanavo kwake nae vanu vavénavo mauvilo akuvilingananga na malwele, vamajini, vashalala na vakulamala kutwala nae kuvaponia.

Valoma 5:11

I gweka avyo, namomo tunkulitamangila Nnungu kwaindila imwe Umu wetu Yesu Klistu átutadidye ambi apa tupate kwigwania.

Vitendo 14:9

Munu aju pashimwigwilila Paulu; Paulu pannodile ndoo, akamwone kuvanavo likulupililo lyakulota apone,

Nshuwau 16:33

Vinu avi nangu nimwaulila pakulota nkati mwangu, mwenu muvenavo amani. Mushilambo mundapata mauvilo kanji lyunge ntima; nangu nditema shilambo.”

Mateu 9:6

Napane pakulota mumanye doni, Mwana Wamunu ankuvanavo madalaka akulivalivila madambi mushilambo amu…” andímwaulila wakudidimanga jo kushidoni, “Takatuka! Twala igoli yako uke kwing'ande kwako.”

Mateu 8:16

Muwakati wayalyulo vanu kuvaidanavo kumwe Yesu vamajini voe. Nae majini lo, kwalilove lyake andíkumulanga namomo valwele uti andívaponia.

Nshuwau 2:25

Nae hashilota munu aumye ushuda wamunu mwaa andimanya shivéle muntima wamunu.

Malukushi 5:34

Yesu kutwala kushidoni, “Mwanangu, likulupililo lyako lindikuposha, wena kwaamani na pona shilwele shako!”

Malukushi 1:32

Napanelo muwakati wayalyulo liduva lìdimbile, vanu vandívaukanavo kumwe Yesu valwele uti na vanu vamajini.

Mateu 6:12

Makosha etu, tulivaliva kenga mo mwatuvalivalivila wetu vatutagela.

Mateu 9:5

Shakwashi shíkakamadyenge kutangola? Ni kushidoni, ‘Madambi ako andilivalivika,’ kwali kushidoni, ‘Takatuka twala mwanda uke’?

Mateu 14:27

Yesu kutangalenneu kushidoni, “Lyunge ntima! Ni nangu apa. Hamunajope.”

Malukushi 6:50

Vanavo uti vakamwone vanínjopa, nae kutangalenneu kushidoni, “Lyunge ntima! Ni nangu apa. Hamunajope!”

Malukushi 10:49

Yesu kwimila kutwala kushidoni, “Nsheme!” Vanavo kunshema aijá wakuputala mevo kumwaulila doni, “Lyunge ntima! Takatuka, ankukushema.”

Vitendo 23:11

Napanelo muliduva lyolyo shilo shake, Umu andímwimila Paulu pepi kutwala kumwaulila doni, “Lyunge ntima! Mwaa mo mwaumididye ushuda unguvalanganga nangu pa Yelusalemu apa, ku Loma undatandela momo.”