Закар 9:3 - Коми Библия 2023

³ Тир лэптіс аслыс изкар, чукӧртіс эзысьсӧ лыа мында, зарнисӧ – ывлавыв няйт мында.

Закар 9:3 Kruisverwysings

Ӧксыяслӧн 2 небӧг 24:7

Сэсся мунісны Тир изкарӧ. Кытшовтісны хивейяслысь да ханаансаяслысь став карсӧ да локтісны Бер-Шеваӧ, Иуда мулӧн лунвыв карӧ.

Ӧксыяслӧн 3 небӧг 10:21

Соломон ӧксылӧн став юан дозйыс вӧлі зарниысь, а ливанса пуысь вӧчӧм керкаын став дозмук-кӧлуйыс вӧлі весалӧм зарниысь. Соломон веськӧдлан кадӧ эзысьсӧ эз вылӧ донъявны, та вӧсна эзысьысь вӧчӧмторйыс эз вӧв.

Ӧксыяслӧн 3 небӧг 10:27

Соломон ӧксы дырйи Ерусалимын эзысьыс вӧлі из мында, а сус пуыс вӧлі сы мында, мыйта вӧлі керӧсбердса муын быдмысь инжир пуыс.

Иов 22:24

Тэ кӧ зарнитӧ кутан лыддьыны бусӧн, Офирысь вайӧм зарнитӧ – ковтысса изъясӧн,

Иов 27:16

Лёк вӧчысьлӧн кӧ эзысьыс лоӧ лыа мында, паськӧмыс – ёг турун мында,

Иов 3:15

юралысьяскӧд, кодъяслӧн вӧлі зарни, кодъяс тыртісны керканысӧ эзысьӧн.

Исай 23:11

Господь нюжӧдіс Ассьыс кисӧ саридз весьтӧ да пыркнитіс войтыръясӧс. Господь тшӧктіс жугӧдны Ханаанлысь изкаръяссӧ.

Исай 23:8

Коді шуис, мый Тиркӧд тадзи лоас? Сійӧ индывліс ӧксыясӧс, сылӧн вузасьысьясыс вӧліны веськӧдлысьясӧн, найӧс вылӧ пуктісны став му пасьталаыс.

Езекиль 26:12

Вавилонсаяс мырддяласны тэнсьыд озырлунтӧ да эмбуртӧ. Найӧ жугласны карса стентӧ да мича керкаястӧ, саридзӧ шыблаласны изъястӧ, керъястӧ да весиг мутӧ.

Езекиль 27:27

Озырлуныд да вузӧсыд, тэнад кывтысьясыд, сынысьясыд да бӧжалысьясыд, тэнсьыд письтӧминъястӧ дзоньталысьясыд, вузасьысьясыд да тышкайӧзыд – ставӧн, коді ветліс корабль вылын, саридз пыдӧсӧ вӧйисны сійӧ лунӧ, кор тэ усин.

Езекиль 27:33

Саридзті тэ новлӧдлін ассьыд вузӧстӧ, вердін-пасьтӧдін войтыръясӧс. Аслад лыдтӧм-тшӧттӧм озырлунӧн да вузӧсӧн тэ озырмӧдін мувывса ӧксыясӧс.

Езекиль 27:34

Но саридзлӧн ыджыд гыыс жугӧдіс тэнӧ, нуис став йӧзтӧ да вузӧстӧ ва пыдӧсӧ.

Езекиль 28:1

Меным вӧлі Господьсянь кыв:

Амос 1:9

Господь тадзи висьталӧ: – Тир карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд пленӧ босьтӧмаясӧс вузалісны эдом войтырлы, вокыскӧд кӧрталӧм йитӧдсӧ вунӧдісны.

Нав Исус 19:29

сэсянь бергӧдчӧ да воӧ Рама карӧ, водзӧ мунӧ да воӧ Тир изкарӧ, бара бергӧдчӧ да мунӧ Хоса карӧ. Мудорыс помасьӧ Ыджыд саридз дорын. Нӧшта налы вичмисны Акзив,