Закар 8:23 - Коми Библия 2023

²³ Господь Саваоф тадзи висьталӧ: сійӧ лунъясӧ быд иудейлӧн паськӧм бӧждорӧ кутчысясны мукӧд войтыръясысь дас морт, ас кыв вылас найӧ шуасны: «Ми тэкӧд мунам, ӧд ми кывлім, мый тэнад войтыркӧд Ен».

Закар 8:23 Kruisverwysings

Олӧм 31:41

Тадзи вӧлі кызь во чӧж тэ ордын олігӧн. Ме кесъялі тэныд дас нёль во кыкнан нылыд вӧсна да квайт во пемӧсъясыд вӧсна, а тэ дасысь удждонӧс вежлін.

Олӧм 31:7

А сійӧ кымынысь пӧрйӧдліс менӧ, дасысь удждонӧс вежліс. Но Енмыс эз лэдз сылы меным лёксӧ вӧчны.

Ӧксыяслӧн 4 небӧг 2:6

Илля бара шуис Елисейлы: «Кольччы татчӧ, а менӧ Господь тшӧктӧ мунны Йӧрдан ю дорӧ». Но Елисей вочавидзис: «Ловъя Господь водзын да тэ водзын шуа: ме тэысь ог кольччы». И найӧ водзӧ мунісны.

1 Каднебӧг 12:18

Сэки Енлӧн Лолыс лэччис Амасай вылӧ, комын тышкамортӧн веськӧдлысь вылӧ, и сійӧ шуис: Ми – тэнад йӧз, Давид, ми тэкӧд, Ессейлӧн пи! Лӧнь олӧм тэныд, лӧнь олӧм тэнад отсасьысьяслы! Тэнад Енмыд отсалӧ тэныд. Давид сибӧдіс локтысьясӧс да пуктіс найӧс веськӧдлыны тышкайӧзӧн.

2 Каднебӧг 15:9

Аса чукӧртіс Иуда да Венямин чужанкотыръяс, тшӧтш на пӧвстӧ Ефрем, Манассей да Симеон чужанкотыръясысь овмӧдчӧм йӧзӧс. Ӧд Израиль войтыр пӧвстысь унаӧн сувтісны Аса дор, кор найӧ аддзисны, мый сыкӧд Господь, сылӧн Енмыс.

Эсфир 8:17

Быд муын да быд карын – быдлаын, кӧні юӧртісны ӧксылысь тшӧктӧмсӧ, иудейяслӧн вӧлі нимкодьлун да долыдлун, найӧ сёйисны-юисны да гажӧдчисны. Мукӧд войтыръясысь унаӧн лоисны иудейясӧн, ӧд полісны наысь.

Иов 19:3

Ті ӧтарӧ омӧльтанныд менӧ, яндысьтӧг увтыртанныд.

Еклесиаст 11:2

Юк озырлунтӧ сизим либӧ кӧкъямыс пельӧ, он ӧд тӧд, кутшӧм сьӧкыд кад пуксяс му вылас.

Исай 3:6

Сэки морт матыстчас аслас матыссаыс дінӧ, шуас аслас вокыслы: «Тэнад эм на мый пасьтавнытӧ, ло миян юралысьӧн, веськӧдлы тайӧ пузувтӧм мунас».

Исай 4:1

Сійӧ лунӧ сизим ань кутчысясны ӧти айлов дінӧ да шуасны: – Ассьыным нянь кутам сёйны, ассьыным паськӧм кутам новлыны, сӧмын гӧтрась миян вылӧ – вешты миян вылысь яналӧмсӧ!

Исай 45:14

Господь тадзи висьталӧ: – Ставыс тайӧ, мый чукӧртісны египетсаяс, мыйӧн вузасьӧм помысь озырмисны эфиопияса олысьяс да саваса гырысь йӧз, вуджас тэныд, Менам войтырӧй, ставыс лоӧ тэнад. Найӧ, чептӧн дорӧмаяс, мунасны тэ бӧрся, уськӧдчасны тэ водзӧ да кутасны кевмысьӧмӧн шуавны: «Сӧмын тэкӧд Енмыс, и мӧд Енмыс абу!»

Исай 45:24

«Выныс да веськыдлуныс сӧмын Господьлӧн», – шуасны Ме йылысь. Господьӧс мустӧмтысьяс яналӧмӧн локтасны Сы дінӧ.

Исай 55:5

Ті чукӧстанныд ас дінаныд войтырӧс, кодӧс водзынджык энӧ тӧдлӧй. Войтыръяс, кодъяс эз тӧдлыны тіянӧс, тэрмасьӧмӧн локтасны тіян дінӧ Господь Енныд вӧсна, Израильлӧн вежа Ен вӧсна, ӧд Сійӧ нимӧдіс тіянӧс.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.

Исай 60:3

Войтыръяс локтасны тэнад югыдыд дінӧ, ӧксыяс чукӧртчасны тэнад яръюгыд кыа дінӧ.

Исай 66:18

Ӧд Ме тӧда налысь уджъяссӧ, тӧда налысь мӧвпъяссӧ. Ме локта да чукӧрта войтыръясӧс да быд кыла йӧзӧс. Найӧ локтасны да аддзасны Менсьым дзирдлунӧс.

Микей 5:5

Сійӧ ваяс лӧнь олӧм. Кор ассурса тышкайӧз пырасны миян муӧ да кутасны талявны миянлысь изкаръяс, ми кыпӧдам налы паныд сизим веськӧдлысьӧс, кӧкъямыс юралысьӧс.

Софоний 3:19

Сійӧ кадас Ме мыжда ставнысӧ, кодъяс дзескӧдісны тэнӧ, Сион. Ме мезда чотысьясӧс, чукӧрта вӧтлӧмаясӧс. Быд муын, кӧні вӧлі найӧс янӧдӧма, Ме нимӧда найӧс, быдлаын найӧс кутасны ошкыны.

Лыд 14:22

мый найӧ, кодъяс аддзылісны Менсьым дзирдлунӧс да Менсьым шензьӧданаторъясӧс, мый Ме вӧчи Египетын да овтӧминын, но эз кывзысьны Менсьым да дасӧдысь нин дӧзмӧдісны Менӧ,

Лука 8:44

Сійӧ матыстчис Исус дінӧ мышсяньыс да инмӧдчыліс паськӧм дорышас. Вир мунӧмыс пырысьтӧм-пыр дугдіс.

Ап. уджъяс 19:12

Павеллысь юрвевттьӧдсӧ да мукӧд паськӧмсӧ пуктывлісны висьысьяс вылӧ, и найӧ дзик пыр бурдлісны, пеж ловъяс петалісны на пытшкысь.

1 Коринфӧ 14:25

сэки сылӧн гуся мӧвпъясыс воссясны. Тайӧ мортыс копыртчас Ен водзӧ да шуас: «Енмыс збыльысь тіянкӧд!»

Нав Исус 8:35

Кор Исус ставсӧ лыддис Израиль войтырлы, сійӧс кывзісны айулов, аньяс да челядь, тшӧтш на пӧвстын олысь йӧз муысь локтысьяс. Ставсьыс, мый Мӧисей тшӧктіс, весиг ӧти кыв эз коль лыддьытӧг.