Закар 8:19 - Коми Библия 2023

¹⁹ – Господь Саваоф тадзи висьталӧ: нёльӧд, витӧд, сизимӧд да дасӧд тӧлысьясӧ видзалан лунъясыс лоӧны нимкодясян лунъясӧн, шуда гажӧдчан лунъясӧн Иуда войтырлы. Кутчысьӧй збыляс да лӧнь олӧмас!

Закар 8:19 Kruisverwysings

Ӧксыяслӧн 4 небӧг 25:1

Та вӧсна Седекейлӧн ӧкмысӧд веськӧдлан воӧ дасӧд тӧлысьлӧн дасӧд лунӧ вавилонса Навукодоносор ӧксы аслас тышкайӧзкӧд уськӧдчис Ерусалим кар вылӧ. Найӧ кытшалісны карсӧ да лэптісны сы гӧгӧр тымӧд.

Ӧксыяслӧн 4 небӧг 25:25

Но сизимӧд тӧлысьӧ Миспаӧ локтіс Элишам Нетанийлӧн Измаил пиыс, коді вӧлі ӧксы рӧдысь. Сыкӧд тшӧтш локтіс дас морт. Найӧ виисны Гедалийӧс, тшӧтш иудаса да калдеяса йӧзӧс, кодъяс вӧліны сыкӧд Миспаын.

Эсфир 8:17

Быд муын да быд карын – быдлаын, кӧні юӧртісны ӧксылысь тшӧктӧмсӧ, иудейяслӧн вӧлі нимкодьлун да долыдлун, найӧ сёйисны-юисны да гажӧдчисны. Мукӧд войтыръясысь унаӧн лоисны иудейясӧн, ӧд полісны наысь.

Эсфир 9:22

Ӧд тайӧ лунъясӧ иудейяс мынтӧдчисны вӧрӧгысь, тайӧ тӧлысяс шогыс бергӧдчис налы нимкодясьӧмӧ, бӧрдӧмыс – гажӧдчӧмӧ. Мед тайӧ лунъясӧ найӧ гажӧдчасны да нимкодясясны, мед ысталасны матыссаясыслы чӧскыдторъяс да гӧльяслы козинъяс.

Псалтыр 30:11

Шогын помасьӧ менам олӧмӧй, бӧрдӧмӧн тырӧма олан лунъясӧй. Аслам мыж вӧсна ме дзикӧдз вынтӧмми, менам лыясӧй косьмисны.

Псалтыр 34:15

А кор ме крукасьлі, найӧ ӧтув чукӧртчӧмӧн нимкодясисны. Ӧтвыв сёрнитчӧмӧн найӧ дугдывтӧг лёкӧдісны менӧ, и мыйысь – ог тӧд,

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Исай 35:10

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Исай 51:11

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Еремей 36:6

Но тэ мун Господьлӧн крамӧ видзалан лунӧ да сэтчӧ чукӧртчӧм войтырлы лыддьы гижӧд тубрасысь Господьлысь кывъяссӧ, мый тэ гижин менам висьталӧм серти. Лыддьы тайӧ кывъяссӧ тшӧтш асланыс каръясысь локтысь Иуда войтырлы.

Еремей 39:2

Седекейлӧн дас ӧтиӧд веськӧдлан воӧ нёльӧд тӧлысьлӧн ӧкмысӧд лунӧ карса стенсӧ жугӧдісны.

Еремей 52:4

Та вӧсна Седекейлӧн ӧкмысӧд веськӧдлан воӧ дасӧд тӧлысьлӧн дасӧд лунӧ вавилонса Навукодоносор ӧксы аслас тышкайӧзкӧд уськӧдчис Ерусалим кар вылӧ. Найӧ кытшалісны карсӧ да лэптісны сы гӧгӧр тымӧд.

Езекиль 18:8

Сетӧ кӧ уджйӧзӧн, бӧрсӧ содтӧдӧн оз босьт. Лёксӧ сійӧ оз вӧч, а вензьӧмъяс дырйи веськыда мыждӧ.

Езекиль 24:1

Ӧкмысӧд вонас дасӧд тӧлысьлӧн дасӧд лунӧ меным вӧлі Господьсянь кыв:

Закар 7:3

да юавны пророкъяслысь да Господь Саваоф крамын кесъялысь попъяслысь, колӧ-ӧ миянлы витӧд тӧлысьнас видзалӧмӧн пасйыны бӧрдан лун, кыдзи уна во чӧж нин ми вӧчам.

Закар 7:5

– Висьтав тайӧ муас олысьяслы да попъяслы: кор ті шогалінныд да видзалінныд сизимдас во чӧж витӧд да сизимӧд тӧлысьясӧ, Меным-ӧ тайӧс ті вӧчинныд?

Закар 8:16

Со мый тіянлы колӧ вӧчны: висьталӧй збыльсӧ ӧта-мӧдныдлы, бурасьӧм могысь веськыда мыждӧй ёрд выланыд.

Закар 8:18

Меным вӧлі Господь Саваофсянь кыв:

Закар 8:3

Господь тадзи висьталӧ: Ме бӧр локта Сионӧ, бара овмӧдча Ерусалимӧ. Ерусалимӧс шуасны эскана войтырлӧн карӧн, Господь Саваофлысь керӧссӧ – вежа керӧсӧн.

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.