Закар 8:17 - Коми Библия 2023

¹⁷ Энӧ мӧвпалӧй лёксӧ вӧчны ӧта-мӧдныдлы, кыв сетіганыд энӧ пӧръясьӧй, ӧд ставсӧ тайӧс Ме мустӧмта, – висьталӧ Господь.

Закар 8:17 Kruisverwysings

Псалтыр 10:3

Кор жугӧдӧма подувсӧ, мый вермас вӧчны веськыда олысь?

Псалтыр 101:3

Эн дзеб меысь Ассьыд чужӧмбантӧ, менам шогсигӧн копырт мелань Ассьыд пельтӧ. Тэ дінӧ ме шыася, тэрмась вочавидзны меным.

Шусьӧгъяс 3:29

Матыссаыдлы, коді олӧ тэкӧд лӧня, лёк вӧчны эн мӧвпав.

Шусьӧгъяс 6:14

Сійӧ – ылӧг сьӧлӧма, пыр мӧвпалӧ лёк вӧчны, дугдывтӧг кӧдзӧ зыксьӧм.

Шусьӧгъяс 8:13

Коді Господьысь полӧ, сійӧ мустӧмтӧ лёксӧ. Тшапитчӧм да асьтӧ вылӧ пуктӧм, лёк оласног да ылӧг сёрни ме мустӧмта.

Еремей 4:14

– Ерусалим, сӧстӧммӧд ассьыд сьӧлӧмтӧ лёксьыс, сэки тэ мездман. Дыр-ӧ на тэ пондан видзны сьӧлӧмад лёк мӧвпъястӧ?

Еремей 4:2

Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

Еремей 44:4

Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс. Ме тшӧкті налы юӧртны тіянлы, мед ті энӧ вӧчӧй татшӧм пежсӧ, ӧд Ме мустӧмта татшӧмторсӧ.

Аввакум 1:13

Тэнад синмыд – сӧстӧм, лёкыс да ылӧгыс вылӧ Тэ он вермы видзӧдны. Мыйла Тэ нинӧм он вӧч, а сӧмын видзӧдан ылӧдчысьяс вылӧ? Мыйла Тэ чӧв олан, кор лёк вӧчысь ньылыштӧ веськыда олысьӧс?

Закар 7:10

Дӧваясӧс да батьтӧм-мамтӧмъясӧс, йӧз муысь локтысьясӧс да гӧльясӧс энӧ дзескӧдӧй, ӧта-мӧдныдлы лёксӧ вӧчны энӧ мӧвпалӧй.

Закар 8:18

Меным вӧлі Господь Саваофсянь кыв:

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Матвей 12:35

Бур морт аслас бур видзанінысь бурсӧ петкӧдӧ, лёк морт аслас лёк видзанінысь лёксӧ петкӧдӧ.

Матвей 15:19

Буретш сьӧлӧмысь петӧны лёк мӧвпъяс, морт виӧм, гозъякост олӧм пежалӧм, кырсалӧм, гусясьӧм, пӧръясьӧм да омӧльтӧм.

Матвей 5:28

Ме шуа тіянлы: ань вылӧ ыштӧмӧн видзӧдысь сьӧлӧмас гозъякост олӧм пежаліс нин.