Закар 2:9 - Коми Библия 2023

⁹ Регыд Ме лэпта киӧс тіянӧс куштысь войтыръяс вылӧ, и налӧн жӧ кесйӧгъясыс куштасны найӧс. Сэки ті тӧдмаланныд, мый Господь Саваоф мӧдӧдіс менӧ.

Закар 2:9 Kruisverwysings

Исай 10:32

Ассурса тышкайӧз талун нин воӧдчасны Нов кар дорӧ, кинысӧ кыпӧдӧмӧн найӧ пондасны ыршасьны Сион керӧслы паныд, ерусалимса вывтасінлы паныд.

Исай 11:15

Господь косьтас Египетса саридзлысь куръясӧ, нюжӧдас юлань Ассьыс кисӧ да кыпӧдас ыджыд тӧвныр, Сійӧ юкас юсӧ сизим шор вылӧ, и йӧзыс сэті подӧн вуджасны.

Исай 12:6

Сионын олысьяс, гажӧдчӧй да нимкодясьӧй! Израильлӧн Вежаыс ыджыд, Сійӧ тіян пӧвстын».

Исай 13:2

Керӧс йылӧ кыпӧдӧй дӧрапас, кинаныд шенасьӧй, гораа чуксалӧй тышкайӧзӧс, медым найӧ пырасны юралысьяслӧн дзиръяӧд.

Исай 14:2

да вайӧдасны найӧс Израиль муӧ. Сэні, Господьлӧн му вылын, Израиль войтыр босьтас тайӧ йӧзсӧ аслыс кесйӧгӧ. Израиль войтыр босьтас пленӧ дзескӧдысьясӧс да кутас ыджыдавны нартитысьяс вылын.

Исай 19:16

Сійӧ лунӧ египетсаяс лоӧны аньяс кодьӧсь. Повзьӧмнысла найӧ пондасны тіравны Господь Саваофысь, кор Сійӧ кисӧ лэптас на вылӧ.

Исай 26:1

Сійӧ лунӧ Иуда муын кутасны сьывны татшӧм сьыланкыв: – Миян эм зумыд кар, оз стенъяс да тымӧдъяс видзны сійӧс, а Енмыс видзӧ сійӧс.

Исай 33:1

Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Исай 33:21

Сэні Господь лоӧ миянлы визув ваӧн да паськыд юӧн. Сэті оз кут кывтны вӧрӧглӧн пыж, оз кут кывтны ыджыд корабль.

Исай 33:23

Кор тэнад гезъясыд личаласны, оз нин вермыны кутны шолга да зэвтны тӧвдӧра, сэки кутан юклыны тышын шедӧдӧм ыджыд эмбуртӧ, весиг чотысьяс уськӧдчасны юклыны сійӧс.

Исай 4:5

Сэки Господь ставнас Сион керӧссӧ да сэні гажӧдчыны чукӧртчысьясӧс луннас вевттяс кымӧрӧн, а войнас вевттьӧд пыдди лоӧ тшын да ыпъялысь би. Тадзи ставсӧ лоӧ вевттьӧма дзирдлунӧн.

Исай 48:16

Матыстчӧй Ме дінӧ да кывзӧй! Водзысяньыс Ме висьтавлі тіянлы восьсӧн. Сійӧ кадсяньыс, кор ставыс тайӧ заводитчис, Ме вӧлі сэні нин. Ӧні Господь Ыджыдыс сетіс меным Ассьыс ловсӧ да мӧдӧдіс менӧ.

Исай 60:18

Тэнад муын водзӧ оз ло виалӧм-дзескӧдӧм, оз ло мырддялӧм да бырӧдӧм тэнад муын. Аслад стенъяслы тэ сетан ”Мездӧм” ним, аслад дзиръяяслы – ”Ошкӧм” ним.

Исай 60:19

Луннас шондіыс оз нин понды тэныд югдӧдны, тӧлысьыс оз понды дзирдавны, но Ачыс Господь лоӧ тэныд бырлытӧм югыдӧн, тэнад Енмыд лоӧ тэнад дзирдлунӧн.

Еремей 27:7

Став войтыръясыс пондасны кесъявны сылы, сылӧн пиыслы да пиыслӧн пиыслы, кытчӧдз оз во кад, кор сійӧ аслас войтырыскӧд кутас кесъявны мукӧд войтыръяслы да вына ӧксыяслы.

Еремей 28:9

Пророк кӧ юӧртӧ лӧнь олӧм йылысь, и сылӧн кывъясыс инасны, сӧмын сэки тӧдмаласны, мый сійӧс збыльысь Господь мӧдӧдіс».

Еремей 8:19

– Ылі муысь Ме кыла Аслам войтырлысь отсӧг йылысь горзӧмсӧ: «Сионын ӧмӧй абу Господьыс, сэні ӧмӧй абу ӧксыыс?» Мыйла найӧ скӧрмӧдісны Менӧ асланыс идолъясӧн, мукӧд войтыръяслӧн шогмытӧм идолъясӧн?

Езекиль 39:10

Видз-муяс вылысь да вӧрысь налы оз ковмы ваявны пес, ӧд вӧрӧглӧн тышкасянторъясыс лоӧны налы пес пыдди. Израиль войтыр куштас найӧс, кодъяс сійӧс куштісны, мырддяс мырддялысьяслысь эмбурсӧ, – висьталӧ Господь Ыджыдыс.

Йоиль 2:27

Сэки ті тӧдмаланныд, мый Ме ола Израиль войтыр пӧвстын, мый Ме – Господь, тіян Енныд, и Меысь кындзи мӧд Енмыс абу. Менсьым войтырӧс некор оз ло янӧдӧма.

Аввакум 2:17

Ливанӧс куштӧм-бырӧдӧмыд бергӧдчас ас вылад, пемӧсъясӧс виалӧмсьыд кутан повны-дзӧрны. Йӧзлысь вирсӧ кисьтӧмысь, муяс да каръяс пазӧдӧмысь, сэні став олысьсӧ виалӧмысь асьтӧ лоӧ бырӧдӧма.

Аввакум 2:8

Кыдзи тэ куштін войтыръясӧс, тадзи жӧ войтыръяс пӧвстысь колясыс вӧчас тэкӧд. Йӧзлысь вирсӧ кисьтӧмысь, муяссӧ, каръяссӧ да сэтчӧс олысьяссӧ бырӧдӧмысь найӧ тэнӧ асьтӧ куштасны.

Софоний 2:9

Та вӧсна Ме кыв сетӧмӧн кӧсйыся Аслам олӧмӧн, – висьталӧ Господь Саваоф, Израильлӧн Ен, – Моав лоӧ Содом кодь, аммон войтыр лоӧ Гомора кодь, налӧн муясыс тырасны ёг турунӧн, лоӧны сола гуӧн, пыр кежлӧ лоӧны овтӧминӧн. Менам коляс войтырӧй куштас найӧс, Менам войтырысь ловйӧн кольӧмаяс босьтасны налысь мусӧ.

Софоний 3:15

Господь вештіс тэ вылысь Ассьыс мыждӧмсӧ, Сійӧ вӧтліс тэнӧ мустӧмтысьясӧс. Господь, Израильлӧн Ӧксы, тэ пӧвстын, тэныд оз нин ков повны, мый вӧчасны лёксӧ.

Закар 2:11

Сійӧ лунӧ уна мукӧд войтыр локтасны Господь дінӧ да лоӧны Сылӧн войтырӧн. Господь кутас овны тэ ордын, и тэ тӧдмалан, мый Господь Саваоф мӧдӧдіс менӧ тэ дінӧ.

Закар 2:8

Господь Саваоф Ассьыс дзирдлунсӧ петкӧдлӧм могысь мӧдӧдіс менӧ войтыръяс дінӧ, кодъяс куштісны тіянӧс. Сійӧ тадзи висьталӧ на йылысь: – Коді инмӧдчас Менам войтыр дінӧ, сійӧ инмӧдчас Менам донатор дінӧ.

Закар 4:9

– Зоровавель пуктіс подувсӧ крамлы, сійӧ помӧдзыс и лэптас сійӧс. Сэки ті тӧдмаланныд, мый Господь Саваоф мӧдӧдіс менӧ тіян дінӧ.

Закар 6:15

Йӧзыс ылісянь локтасны, мед отсавны лэптыны Господьлысь крамсӧ. Сэки ті тӧдмаланныд, мый Господь Саваоф мӧдӧдіс менӧ тіян дінӧ. Тайӧ ставыс инас, ті кӧ понданныд сьӧлӧмсяньныд кывзысьны Господьлысь, асланыд Енлысь.

Закар 9:15

Господь Саваоф доръяс Ассьыс войтырсӧ. Найӧ ньылыштасны вӧрӧгнысӧ, кок уланыс таляласны вӧрӧглысь лыйсян изъяссӧ, пондасны равзыны вина юысьяс моз, вир резан тасьті моз вирӧссясны, лоӧны вирӧн резӧм висьпуктанін пельӧс кодьӧсь.

Иоан 13:19

Ме водзвыв висьтала тайӧс, медым лоӧм бӧрас ті эскинныд, мый Ме збыльысь Сійӧ, кодӧн Ачымӧс шуа.

Иоан 16:4

Тайӧс Ме висьталі тіянлы, медым сійӧ кадыс воигӧн ті тӧд выланыд уськӧдінныд Менсьым кывъясӧс. Водзынсӧ тайӧс эг висьтавлы тіянлы, ӧд Ме вӧлі тіянкӧд».