Закар 2:8 - Коми Библия 2023

⁸ Господь Саваоф Ассьыс дзирдлунсӧ петкӧдлӧм могысь мӧдӧдіс менӧ войтыръяс дінӧ, кодъяс куштісны тіянӧс. Сійӧ тадзи висьталӧ на йылысь: – Коді инмӧдчас Менам войтыр дінӧ, сійӧ инмӧдчас Менам донатор дінӧ.

Закар 2:8 Kruisverwysings

Олӧм 20:6

Ен шуис сылы вӧтас: «Ме тӧда, тэнад сьӧлӧмыд сӧстӧм. Та вӧсна Ме видзи тэнӧ мыж вӧчӧмысь, эг лэдз инмӧдчывны ань дінӧ.

Ӧксыяслӧн 4 небӧг 24:2

Господь мӧдӧдіс Ехоякимлы паныд калдея, арамей, моав да аммон тышкайӧзӧс, медым бырӧдны Иуда му, кыдзи висьталіс Господь Сылы кесъялысь пророкъяс пыр.

Псалтыр 17:8

Муыс сыркмунліс да вӧрзис, керӧсъяс кыпмунлісны да вешйисны места вывсьыс, сэтшӧма скӧрмис Господь.

Шусьӧгъяс 7:2

Ов менам туйдӧдӧм да тшӧктӧмъяс серти, синтӧ моз найӧс видз,

Исай 49:19

Тэнсьыд муястӧ куштӧма, сэні эз коль олысьыс, тэнсьыд мутӧ дзикӧдз пазӧдӧма. Но тэныд дзескыд лоӧ уна лыда олысьяс вӧсна, тэнӧ куштысьяс дзикӧдз ылыстчасны тэ дінысь.

Еремей 12:14

Господь тадзи висьталӧ: «Израиль войтыркӧд орччӧн олысь лёк войтыръясӧс Ме нетшышта асланыс муысь, ӧд найӧ уськӧдчисны Израиль му вылӧ, мый Ме вичмӧді Аслам войтырлы. Иуда войтырӧс тшӧтш нетшышта на пӧвстысь.

Еремей 27:7

Став войтыръясыс пондасны кесъявны сылы, сылӧн пиыслы да пиыслӧн пиыслы, кытчӧдз оз во кад, кор сійӧ аслас войтырыскӧд кутас кесъявны мукӧд войтыръяслы да вына ӧксыяслы.

Езекиль 25:12

«Господь Ыджыдыс тадзи висьталӧ: эдом войтыр ёна мыжмис, ӧд чорыда водзӧс перйис Иуда войтырлысь.

Езекиль 25:15

Господь Ыджыдыс тадзи висьталӧ: филистимсаяс дугдывтӧг мустӧмтісны да пыр кӧсйисны бырӧдны Иуда войтырӧс. Найӧ увтыртісны да водзӧс перйисны Иуда войтырлысь.

Езекиль 26:2

«Морт пиӧй, Ерусалим йылысь Тирын олысьяс нимкодясьӧмӧн шуалӧны, киссьӧма пӧ войтыръяслы пыраніныс, а воссьӧма миянлы. Ми пӧ кутам озырмӧдчыны, а Иерусалимӧс лоӧ куштӧма.

Езекиль 26:20

Ме шыбита тэнӧ пыдӧстӧминӧ, мӧдӧда важӧн нин кулӧмаяс пӧвстӧ, овмӧда му пыдӧсӧ, важӧн нин пазӧдӧм каръяс пӧвстӧ. Тэнад керкаясыд кушмасны, но ловъяяслысь мусӧ Ме мичмӧда.

Езекиль 35:5

Тэ важысянь мустӧмтан Израиль войтырӧс. Налӧн шог дырйиныс, найӧс мыждан кадӧ, тэ лэптін на вылӧ шыпурттӧ.

Езекиль 36:11

Ме вайӧда уна йӧзӧс да уна ыж-мӧскӧс, и найӧ кутасны чужтысьны-рӧдмыны. Ме вӧча тіянӧс воддза кодь уна лыда войтырӧн, и воддза дорысь унджык на бурсӧ кута вӧчны тіянлы. Сэки ті тӧдмаланныд, мый Ме – Господь.

Езекиль 38:11

да шуан, ме пӧ уськӧдча му вылӧ, кӧні каръяс гӧгӧр стенмыс абу. Йӧзыс пӧ сэні олӧны лӧня да повтӧг, кар гӧгӧрныс стен, дзиръя ни иган абу.

Езекиль 38:14

Та вӧсна, морт пиӧй, пророкав Гоглы, мый Господь Ыджыдыс тадзи висьталӧ: сійӧ кадас, кор Менам Израиль войтырӧй кутас повтӧг овны, тэ ӧмӧй он кут тӧдны та йылысь?

Амос 1:11

Господь тадзи висьталӧ: – Эдом войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд шыпуртӧн дзескӧдісны вокъяснысӧ, эз жалитны найӧс, налӧн ыпъялан скӧрлуныс эз дугдыв, лӧгалӧмыс эз куслы.

Амос 1:13

Господь тадзи висьталӧ: – Аммон войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд виисны йӧзсӧ Галаадын, весиг кынӧма аньяслысь рушкунысӧ вожӧдісны, медым паськӧдны ассьыныс оланінсӧ.

Амос 1:9

Господь тадзи висьталӧ: – Тир карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд пленӧ босьтӧмаясӧс вузалісны эдом войтырлы, вокыскӧд кӧрталӧм йитӧдсӧ вунӧдісны.

Микей 4:11

Ӧні тэныд паныд чукӧртчисны войтыръяс, найӧ шуалӧны: «Вай янӧдам Сион нылӧс, кутам видзӧдны сійӧс бырӧдӧмсӧ».

Микей 5:6

Найӧ кутасны шыпуртӧн веськӧдлыны Ассур муӧн, веськӧдлыны Нимродлӧн муӧн карса дзиръя дорын. Лӧнь олӧм вайысь мездас миянӧс ассурсаяслӧн кипод улысь, кор найӧ пырасны миян муӧ, кор кутасны талявны мунымӧс.

Микей 7:10

Тайӧс аддзас менӧ мустӧмтысь, коді шуавліс меным, кӧні пӧ Господь, тэнад Енмыд. Сійӧ яналас, а ме аддза, кыдзи туйвыв няйтӧс моз сійӧс таляласны.

Аввакум 2:17

Ливанӧс куштӧм-бырӧдӧмыд бергӧдчас ас вылад, пемӧсъясӧс виалӧмсьыд кутан повны-дзӧрны. Йӧзлысь вирсӧ кисьтӧмысь, муяс да каръяс пазӧдӧмысь, сэні став олысьсӧ виалӧмысь асьтӧ лоӧ бырӧдӧма.

Аввакум 2:8

Кыдзи тэ куштін войтыръясӧс, тадзи жӧ войтыръяс пӧвстысь колясыс вӧчас тэкӧд. Йӧзлысь вирсӧ кисьтӧмысь, муяссӧ, каръяссӧ да сэтчӧс олысьяссӧ бырӧдӧмысь найӧ тэнӧ асьтӧ куштасны.

Софоний 2:8

Ме кывлі Моавлысь омӧльтӧмсӧ, кывлі аммон войтырлысь лёкӧдӧмсӧ, кыдзи найӧ увтыртісны Менсьым войтырӧс, кыдзи повзьӧдлісны, мый уськӧдчасны на вылӧ.

Закар 2:11

Сійӧ лунӧ уна мукӧд войтыр локтасны Господь дінӧ да лоӧны Сылӧн войтырӧн. Господь кутас овны тэ ордын, и тэ тӧдмалан, мый Господь Саваоф мӧдӧдіс менӧ тэ дінӧ.

Закар 2:9

Регыд Ме лэпта киӧс тіянӧс куштысь войтыръяс вылӧ, и налӧн жӧ кесйӧгъясыс куштасны найӧс. Сэки ті тӧдмаланныд, мый Господь Саваоф мӧдӧдіс менӧ.

Закар 8:5

Изэрдъяс тырасны челядьӧн, найӧ пондасны ворсны ывлаын.

Малакий 3:1

Ме ыста Ассьым юӧртысьӧс, сійӧ Меным туй дасьтас. Виччысьтӧг локтас Аслас крамӧ Господь, кодӧс ті корсянныд, локтас йитӧд йылысь юӧртысь, кодӧс ті виччысянныд. Со, Сійӧ локтӧ нин, – висьталӧ Господь Саваоф. –

Матвей 25:40

Ӧксы шуас налы: ”Веськыда висьтала тіянлы: тайӧс кӧ ті вӧчинныд Менам ичӧт вокъясысь ӧтилы, сідзкӧ, вӧчинныд Меным”.

Матвей 25:45

Сійӧ вочавидзас: ”Веськыда висьтала тіянлы: тайӧс кӧ ті энӧ вӧчӧй ичӧтъяс пиысь ӧтилы, сідзкӧ, энӧ вӧчӧй Меным”.

Иоан 14:26

Менам Батьӧй мӧдӧдас Менам ним кузя Дорйысьӧс – Вежа Лолӧс. Сійӧ велӧдас тіянӧс быдторйӧ да казьтыштас тіянлы ставсӧ, мый Ме висьтавлі тіянлы.

Иоан 17:18

Тэ мӧдӧдін Менӧ муюгыдас. Тэ моз жӧ Ме мӧдӧді найӧс муюгыдас.

Ап. уджъяс 9:4

Сійӧ усис муас да кыліс шыасьӧм: «Савл, Савл, мыйла вӧтлан Менӧ?»

Индӧд 32:10

Сійӧ аддзис тайӧ войтырсӧ овтӧминысь, куш да шуштӧм пельӧсысь, тӧждысис на вӧсна, дорйис найӧс, синмӧс моз видзис.

2 Фессалоникаӧ 1:6

Енмыс веськыда вӧчӧ: тіянӧс дзескӧдысьяслы Сійӧ мынтысьӧ дзескӧдӧмӧн.

1 Иоан 4:14

Батьыс мӧдӧдіс Писӧ мездыны муюгыдсӧ. Ми ас синмӧн аддзылім тайӧс, и ӧні висьталам та йылысь.