Закар 14:4 - Коми Библия 2023

⁴ Сійӧ лунӧ Господь тувччас Олив керӧс вылӧ, Ерусалимсянь асыввылӧ. Олив керӧс асыввывсянь рытыввывлань кык пельӧ потас. Керӧс джынйыс вешъяс войвывлань, мӧдыс – лунвывлань, а на костын артмас паськыд ковтыс.

Закар 14:4 Kruisverwysings

Ӧксыяслӧн 2 небӧг 15:30

А Давид кайис Олив керӧсӧ. Кӧмтӧгыс да юрсӧ вевттьӧмӧн сійӧ муніс и бӧрдіс. Сыкӧд мунысь йӧзыс тшӧтш вевттисны юрнысӧ да бӧрдісны.

Езекиль 11:23

Господьлӧн дзирдлуныс кыпӧдчис кар весьтысь да сувтіс керӧс весьтӧ, карсяньыс асыввылӧ.

Езекиль 38:20

Саридзса черияс, енэжвыв лэбачьяс, мувыв пемӧсъяс да гаг-веглясьысьяс да му вылын олысь став йӧзыс Ме водзын кутасны тіравны. Керӧсъяс усясны, кыртаяс зымгысясны, стенъяс киссясны.

Езекиль 43:2

Ме аддзи, мый асыввывсянь матыстчӧ Израиль Енлӧн дзирдлуныс. Ме кылі бузгысь ыджыд валысь кодь шы. Господьлӧн дзирдлунысь муыс югдіс.

Аввакум 3:6

Кор Сійӧ сувтӧ, муыс вӧрзьылӧ. Кор Сійӧ видзӧдлӧ, войтыръясӧс дзӧрӧм босьтӧ. Нэмӧвӧйся керӧсъяс потласьӧны-киссьӧны, важдырся мылькъяс муас пырӧны, а Господьлӧн туйясыс – бырлытӧмӧсь.

Закар 14:10

Ерусалимсянь лунвыв муыс Гевасянь Риммонӧдз лоӧ ластаӧн. Ерусалим кар сувтас важ местаас, кыптас ставсьыс вылӧ. Сійӧ паськӧдчас Венямин дзиръясянь Воддза да Пельӧс дзиръяясӧдз, Хананел башнясянь ӧксылӧн виноград пычкан гуӧдз.

Закар 14:7

Сійӧ луныс лоӧ аслыспӧлӧс: луныс ни войыс оз пуксьы, рытнас оз пемды. Тайӧ луныс йылысь тӧдӧ сӧмын Господь.

Закар 14:8

Сійӧ лунӧ Ерусалимсянь пондас визувтны ловъя ва. Визулыс юксяс кык пельӧ: ӧтиыс визувтас асыввыв саридзӧ, мӧдыс – рытыввыв саридзӧ. Ваыс кутас визувтны тӧв и гожӧм.

Закар 4:7

Коді тэ, джуджыд керӧсӧй? Шыльӧдӧм муӧн тэ лоан Зоровавель водзын. Йӧзлӧн гораа ошкигтырйи сійӧ пуктас крамлы пельӧс изсӧ.

Марк 11:23

«Эскӧй Енлы. Веськыда висьтала тіянлы: шуас кӧ кодкӧ тайӧ керӧсыслы: ”Кыпӧдчы да шыбитчы саридзас”, лоӧ тадзи. Сӧмын мед став сьӧлӧмнас майшасьтӧг эскас, мый шуӧмыс инас.