Закар 12:1 - Коми Библия 2023

¹ Водзвыв висьталӧм. Израиль йылысь Господьлӧн кыв. Господь, коді шевкнитіс енэжсӧ, пуктіс мулы подувсӧ да артмӧдіс морт пытшкын ловсӧ, висьталӧ:

Закар 12:1 Kruisverwysings

Олӧм 1:8

Ен нимтіс енэжвевтсӧ енэжӧн. [Ен аддзис, мый тайӧ бур.] Вӧлі рыт, вӧлі асыв – мӧд лун.

Олӧм 2:7

Господь Ен вӧчис муысь мортӧс, пӧльыштіс сылы ныр-вомас олӧмыслысь ловсӧ, и морт лоис ловъя олысьӧн.

Иов 26:7

Енмыс шевкнитіс войвывсӧ нинӧм весьтас, ӧшӧдіс мусӧ абутӧмас.

Иов 37:18

Тэ ӧмӧй Енмыскӧд артмӧдін енэжсӧ, ыргӧн рӧмпӧштан кодь ёнӧн вӧчин енэжвевтсӧ?

Псалтыр 104:2

Сьылӧй Сылы, ошкӧй Сійӧс, висьтавлӧй Сылӧн шензьӧдана уджъясыс йылысь!

Псалтыр 134:3

Ошкӧй Господьӧс, ӧд Сійӧ бур. Сьылӧмӧн ошкӧй Сылысь нимсӧ, ӧд Сылӧн нимыс мича.

Еклесиаст 12:7

Муысь вӧчӧм вир-яйыд бӧр бергӧдчас муӧ, а лолыд бӧр мунас Ен дінӧ, коді сетіс сійӧс.

Исай 40:12

Коді мурталіс васӧ аслас соддзӧн, коді мурталіс енэжсӧ кинас, коді веситіс мувывса буссӧ, вескиӧн тӧдмаліс керӧсъяслысь сьӧктасӧ?

Исай 40:22

Господь пукалӧ му кытш весьтын, а му вылас олысьясыс Сылы чирк кодьӧсь. Сійӧ шевкнитіс енэжсӧ вонйӧс моз, паськӧдіс сійӧс дӧрачомйӧс моз, медым сэні овны.

Исай 42:5

Господь Ен вӧчис енэжсӧ да шевкнитіс сійӧс, вӧчис му да ставсӧ, мый сэні быдмӧ. Мувывса войтырлы Сійӧ сетӧ олӧм, мувывса йӧзлы – ловшы. Сійӧ тадзи висьталӧ:

Исай 44:24

Господь, коді ньӧбис тэнӧ, вӧчис тэнӧ мамыдлӧн кынӧмас, тадзи висьталӧ: – Ме – Господь, Ме вӧчи ставсӧ, ӧтнамӧн шевкниті енэжсӧ, Аслам вына киӧн Ме вольсалі мусӧ.

Исай 45:12

Ме вӧчи мусӧ, вӧчи му вылас йӧзӧс. Менам киӧй шевкнитіс енэжсӧ, Ме веськӧдла енэжвыв вынъясӧн.

Исай 45:18

Господь эм Ен, Сійӧ вӧчис енэжсӧ, вӧчис-артмӧдіс мусӧ, вӧчис сійӧс зумыдӧн, эз вӧч мусӧ кушӧн, но артмӧдіс мусӧ, медым сэні вӧлі олӧм. Господь тадзи висьталӧ: – Ме – Господь, и мӧд Енмыс абу.

Исай 48:13

Менам киӧй вӧчис мусӧ, Менам веськыд киӧй шевкнитіс енэжсӧ. Ме чукӧста найӧс, и найӧ ӧтвылысь сувтасны Ме водзӧ.

Исай 51:13

А Господьӧс тэ вунӧдан. Сійӧ вӧчис тэнӧ, шевкнитіс енэжсӧ, зумыда сувтӧдіс мусӧ. Мыйла тэ пыр полан дзескӧдысьлӧн скӧралӧмысь, полан сыысь, коді дась тэнӧ бырӧдны? Но кӧні нӧ тэнӧ дзескӧдысьлӧн скӧралӧмыс?

Исай 57:16

Ме ог кут помтӧг мыждыны, ог кут пыр скӧравны, ӧд тадзи кӧ кута вӧчны, сэки Ме водзын дзикӧдз нюкыртчас мортлӧн лолыс, нюкыртчас Меӧн вӧчӧм ловъя олысь.

Еремей 10:12

Аслас вынӧн Господь вӧчис мусӧ, Аслас мывкыдлунӧн муюгыдыслы пуктіс подувсӧ, Аслас вежӧрлунӧн шевкнитіс енэжсӧ.

Еремей 30:10

– Эн пов, Менам Яков кесйӧгӧй, – висьталӧ Господь, – эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.

Еремей 30:16

Но тэнӧ бырӧдысьясӧс лоӧ бырӧдӧма, тэнӧ дзескӧдысьясӧс лоӧ нуӧдӧма пленӧ, тэнсьыд мырддялысьяслысь лоӧ мырддьӧма, тэнӧ куштысьясӧс Ме кушта.

Еремей 38:16

Седекей ӧксы гусьӧн кыв сетіс Еремейлы: «Ловъя Господь водзын, коді сетіс миянлы олӧм, ме кыв сета, мый ог лэдз тэнӧ вины, ог сет тэнӧ налы, кодъяс кӧсйӧны босьтны тэнсьыд олӧмтӧ».

Еремей 50:34

Но найӧс Мездысьыс вына, Сылӧн нимыс – Господь Саваоф. Сійӧ доръяс найӧс да налӧн мулы сетас лӧньлун, а Вавилонын олысьяслы ыстас полӧм-тіралӧм.

Еремей 51:15

Аслас вынӧн Господь вӧчис мусӧ, Аслас мывкыдлунӧн муюгыдыслы пуктіс подувсӧ, Аслас вежӧрлунӧн шевкнитіс енэжсӧ.

Бӧрданкыв 2:14

Пророкъясыд висьтавлісны тэныд ковтӧм да ылӧг восьтӧмсӧ, а тэнсьыд мыжтӧ эз эрдӧдны, эз видзны тэнӧ пленӧ нуӧдӧмысь. Ковтӧм да пӧрйӧдлан аддзылӧмъяс найӧ юӧртісны тэныд.

Езекиль 18:4

Став йӧзыс Менам киын. Батьыслӧн и пиыслӧн олӧмыс – Менам киын. Коді мыжсӧ вӧчис, сійӧ и кулас.

Йоиль 3:19

Иуда войтырӧс виалӧм-дзескӧдӧм понда, налӧн муын мыжтӧм вир кисьтӧм понда Египет му лоӧ кушинӧн, Эдом – овтӧминӧн.

Йоиль 3:21

Налысь вирсӧ кисьтӧмысь Ме водзӧс перъя, Египетӧс да Эдомӧс ог коль мыждытӧг. Господь олӧ Сионын!

Закар 9:1

Водзвыв висьталӧм. Господьлӧн кывйыс олӧ Хадрак муын, шойччӧ Дамаск карын. Господь видзӧдӧ мувывса став олысьыс бӧрся: Израиль чужанкотыръяс бӧрся,

Малакий 1:1

Водзвыв висьталӧм. Малакий пыр Израильлы вӧлі Господьсянь кыв.

Лыд 16:22

Но Мӧисей да Аарон кымынь уськӧдчисны муас да шуисны: «Енмӧй, Тэ став ловъя олысьыслӧн Ен! Тэ ӧмӧй став войтырыс вылӧ скӧрман ӧти мортлӧн мыж вӧсна?»

Еврейяслы 12:9

Мувывса батьяс миянӧс ставнымӧс чирыштлісны, но ми найӧс пыдди пуктім. Сідзкӧ, кымын пӧв ёнджыка на колӧ кывзысьны енэжвыв Батьлысь, медым овны.