Закар 11:7 - Коми Библия 2023

⁷ Вузасьысьяс медалісны менӧ, медым ме видзи начкыны шуӧм ыжъясӧс. Ме босьті кык бедь, ӧтиыслы сеті Буралӧм ним, мӧдыслы – Ӧтувъялун ним. Наӧн ме видзи ыжъясӧс.

Закар 11:7 Kruisverwysings

Псалтыр 23:4

Сӧмын сійӧ, кодлӧн киыс мыжтӧм да сьӧлӧмыс сӧстӧм, коді кывсӧ оз сет весьшӧрӧ, оз ылӧдлы [ассьыс матыссасӧ] Господь нимӧн.

Псалтыр 27:4

Мынтысь налы уджъясныс да лёк вӧчӧмныс серти, мынтысь налы сы серти, мый вӧчисны асланыс киӧн. Сет налы сійӧ, мый асьныс корсисны.

Исай 11:4

Сійӧ веськыда мыждас коньӧръясӧс, гӧльясӧс доръяс збыльыс серти. Аслас чорыд кывнас сійӧ чирыштас мувывса олысьясӧс, аслас ловшынас виас лёк вӧчысьясӧс.

Исай 40:11

Ыж видзысь моз Сійӧ видзӧ Ассьыс чукӧрсӧ, баляясӧс босьтӧ ки вылас да новлӧдлӧ Аслас морӧс бердын, вайсьӧм ыжъясӧс нуӧдӧ тӧждысьӧмӧн.

Исай 61:1

Господь Ыджыдлӧн Лолыс Ме вылын, ӧд Господь мавтыштіс Менӧ висьтавны бур юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, дорӧмаяслы чепъяс орӧдӧм йылысь,

Еремей 39:10

Сӧмын войтыр пӧвстысь медся гӧльяссӧ, кодъяслӧн нинӧм эз вӧв, Навузардан, ӧксыӧс видзысьяслӧн юралысь, кольӧдіс овны Иуда муӧ да сетіс налы виноград йӧръяс да видз-муяс.

Левит 27:32

Ыж-мӧссӧ арталігӧн пемӧс кутысь мед сиас Господьлы быд дасӧд пемӧссӧ.

Микей 7:14

Аслад бедьнад видз Ассьыд войтыртӧ, Ассьыд ыжъястӧ, кодъяс ас кежысь олӧны Кармил вӧрын. Лэдз налы важ мозыс йирсьыны Васан ыб вылын да Галаад муын.

Софоний 3:12

Тэ пӧвстысь Ме кольӧда коньӧр да рам сьӧлӧма войтырӧс, найӧ пондасны лача кутны Менам нимӧй вылӧ.

Закар 11:14

Сэсся ме чеги Ӧтувъялун нима бедьсӧ. Тадзи орӧді Иуда да Израиль костын воклунсӧ.

Закар 11:4

Господь, менам Ен, тадзи висьталӧ: «Видз ыжъясӧс, кодъясӧс шуӧма начкыны.

Матвей 11:5

– Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.

Марк 12:37

Давид шуӧ Сійӧс Господьӧн. Кыдзи нӧ Сійӧ Давидлы пиӧн лоӧ?» Унаӧн окотапырысь кывзісны Исусӧс.

Иоан 10:16

Тайӧ йӧрас кындзи Менам эмӧсь мукӧд ыжъяс, найӧс Меным тшӧтш колӧ вайӧдны. Найӧ кыласны Менсьым гӧлӧс шыӧс, сэки лоас ӧти чукӧр да ӧти видзысь.

Яков 2:5

Кывзӧй, муса вокъяс! Енмыс бӧрйис тайӧ муюгыдсьыс гӧльясӧс, медым озырмӧдны найӧс эскӧмӧн да вичмӧдны налы Юраланінсӧ, мый Енмыс кӧсйысис сетны Сійӧс радейтысьяслы.

Ӧксыяслӧн 1 небӧг 17:40

Сійӧ босьтіс киас ассьыс бедьсӧ, бӧрйис шорысь вит шыльыд из да пуктіс нопъяс. Аслас нопйӧн да из лыйлан кӧвйӧн Давид петіс филистимсалы паныд.

Ӧксыяслӧн 1 небӧг 17:43

Сійӧ шуис: «Ме вылӧ беддьӧн [да изйӧн] петін? Ме ӧмӧй пон?» [Давид вочавидзис: «Абу, но тэ понйысь на лёк».] Сэки филистимса ёрис Давидӧс аслас енъясӧн.