Закар 11:1 - Коми Библия 2023

¹ Восьт ассьыд дзиръяястӧ, Ливан, мед биыс ньылыштас тэнсьыд сус пуястӧ.

Закар 11:1 Kruisverwysings

Еремей 22:23

Тэ ошйысян ливанса сус пуысь вӧчӧм керкаӧн, поздысян сус пу вожъяс вылын. Но чужтысь аньӧс моз тэнӧ топӧдасны сьӧкыд дойяс, и тэ пондан ымзыны!

Езекиль 31:3

Ассуркӧд. Сійӧ коркӧ вӧлі ливанса сус пу кодь, мича вожъяса джуджыд пу, вуджӧрнас сайӧдысь, туганнас быдмис мукӧд пуясысь вылӧджык.

Аввакум 2:17

Ливанӧс куштӧм-бырӧдӧмыд бергӧдчас ас вылад, пемӧсъясӧс виалӧмсьыд кутан повны-дзӧрны. Йӧзлысь вирсӧ кисьтӧмысь, муяс да каръяс пазӧдӧмысь, сэні став олысьсӧ виалӧмысь асьтӧ лоӧ бырӧдӧма.

Аввакум 2:8

Кыдзи тэ куштін войтыръясӧс, тадзи жӧ войтыръяс пӧвстысь колясыс вӧчас тэкӧд. Йӧзлысь вирсӧ кисьтӧмысь, муяссӧ, каръяссӧ да сэтчӧс олысьяссӧ бырӧдӧмысь найӧ тэнӧ асьтӧ куштасны.

Аггей 1:8

Кайӧй керӧс вылӧ, вайӧй сэтысь пуяс да Менӧ пыдди пуктӧм могысь лэптӧй Менам сьӧлӧм серти крам, – висьталӧ Господь.

Закар 10:10

Ме бӧр вайӧда найӧс Египетысь, чукӧрта найӧс Ассурысь. Ме овмӧда найӧс Галаад муӧ да Ливанӧ, но весиг сэні налы оз кут тырмыны оланіныс.

Закар 11:2

Сыркъялӧмӧн бӧрд, кипарис, ӧд сус пуыд пӧрис, ыджыд пуястӧ бырӧдӧма. Сыркъялӧмӧн бӧрдӧй, васанса тупуяс, ӧд сук вӧрыд пӧрласис.

Закар 12:6

Сійӧ лунӧ Ме вӧча иудаса юралысьясӧс вӧрын ыпъялысь биӧн да кольтаяс костын ӧзтӧм бипурӧн. Найӧ бырӧдасны став войтыръяссӧ Ерусалим гӧгӧрысь – шуйгаладорсьыс и веськыдладорсьыс. А Ерусалимын олысьяс кольччасны овны асланыс карӧ».

Индӧд 32:22

Менам скӧрлунысь ӧзйис би, пыдӧстӧминӧдз сійӧ сотӧ ставсӧ. Мусӧ ньылыштӧ став быдтас-вотӧснас, керӧсъяс чишкалӧ подулӧдзыс.