Закар 10:3 - Коми Библия 2023

³ – Ме чорыда скӧрми найӧс видзысьяс вылӧ, найӧс нуӧдысьясӧс Ме мыжда. Господь Саваоф тӧждысяс Аслас ыжъяс вӧсна, Иуда чужанкотыр вӧсна, вӧчас найӧс тышӧ петысь вына вӧвъяс кодьӧн.

Закар 10:3 Kruisverwysings

Иов 39:25

Буксігӧн сійӧ гораа гӧрдлӧ, ылісянь исалӧ тышлысь дуксӧ, кылӧ тыш мунӧмсӧ да веськӧдлысьяслысь горӧдӧмсӧ.

Петӧм 4:31

Войтырыс эскис. Кор найӧ кылісны, мый Господь волӧма Израиль войтыр дінӧ да аддзӧма налысь сьӧкыдалӧмсӧ, муӧдзыс копыртчӧмӧн юрбитісны Господьлы.

Шусьӧгъяс 21:31

Вӧлӧс дасьтӧны тышкасян лун кежлӧ, но вермӧмсӧ Господь сетӧ.

Сьылан 1:9

Тэнад мича бандзибыд мыччысьлӧ юркытш сыръя увсьыд, тэнад сикӧтша сьыліыд мичасьыс-мича.

Исай 10:12

Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Исай 24:21

Сійӧ лунӧ Господь мыждас енэжвывса тышкакотыръясӧс енэжас, мувывса ӧксыясӧс – му вылас.

Еремей 10:21

Иуда войтырӧс видзысьяс – мывкыдтӧмӧсь, Господьӧс найӧ эз корсьны, та вӧсна налӧн нинӧм эз артмы, и налӧн войтырыс разаліс.

Еремей 11:22

Но Ме, Господь Саваоф, на йылысь тадзи висьтала: Ме мыжда найӧс. Налӧн зонъясыс куласны шыпуртысь, ныв-пиныс куласны тшыгъялӧмысь.

Еремей 25:12

Но сизимдас во кольӧм мысти Ме мыжда вавилонса ӧксыӧс да сылысь войтырсӧ налӧн лёк вӧчӧмъясысь, – висьталӧ Господь. – Налысь Калдея мусӧ Ме пыр кежлӧ вӧча овтӧминӧн.

Еремей 25:34

– Сыркъялӧй-бӧрдӧй, Иуда войтырӧс видзысьяс, туплясьӧй пӧим пытшкын, Иуда войтырлӧн ыджыдъяс. Воисны тіянӧс начкан да разӧдан лунъяс, ті усянныд-жугаланныд дона дозмук моз.

Еремей 50:6

Менам войтырӧй вӧлі вошӧм ыж чукӧр кодь, видзысьясныс кежӧдісны найӧс туйсьыс, разӧдісны керӧсвыв му пасьтала. Найӧ шӧйтісны-ветлӧдлісны керӧсъяс да ыбъяс вывті, вунӧдісны ассьыныс оланінсӧ.

Езекиль 34:11

Господь Ыджыдыс тадзи висьталӧ: Ме Ачым корся Ассьым ыжъясӧс да кута тӧждысьны на вӧсна.

Езекиль 34:12

Кыдзи ыж видзысь корсьӧ ассьыс разалӧм ыжъяссӧ, тадзи Ме корся Ассьым ыжъясӧс. Ме петкӧда найӧс быдлаысь, кытчӧ найӧ разалісны пемыд да кымӧра лунӧ.

Езекиль 34:2

«Морт пиӧй, пророкав Израиль войтырӧс видзысьяслы паныд. Шу налы, мый Господь Ыджыдыс тадзи висьталӧ: курыд шог Израиль войтырӧс видзысьяслы, кодъяс тӧждысьӧны сӧмын ас вӧснаныс, а войтыр вӧснаыс оз тӧждысьны.

Даниил 11:32

Йитӧд торкысьясӧс сійӧ ылӧдлӧмӧн кыскас ас дінас. А найӧ, кодъяс тӧдӧны ассьыныс Енсӧ, лоӧны зумыдӧсь да кутчысясны Енлӧн Индӧдас.

Софоний 1:8

Вись ваян лунӧ Ме, Господь, мыжда юралысьясӧс, ӧксылысь пиянсӧ да быдӧнӧс, коді пасьтасьӧ йӧз муын олысьяс ног.

Софоний 2:7

Сійӧ муыс вичмас Иуда чужанкотырлӧн коляслы, сэні найӧ пондасны видзны ыж-мӧснысӧ, войнас найӧ пондасны узьны-шойччыны аскалонса керкаясын. Ӧд Господь Ен кутас тӧждысьны на вӧсна, Сійӧ бара сетас налы бур олӧм.

Закар 11:17

– Курыд шог шогмытӧм видзысьлы, коді эновтіс ыж чукӧрсӧ! Шыпурт мед керыштас сылысь кисӧ да перъяс сылысь веськыд синсӧ! Мед сылӧн киыс дзикӧдз косьмас да сылӧн веськыд синмыс пемдас!»

Лука 1:68

– Ошка Господьӧс, Израильлысь Енсӧ! Сійӧ бергӧдчис Аслас войтырлань, дасьтіс сылы мездмӧм.

1 Петыр 2:12

Ентӧдтӧмъяс пӧвстын олӧй бур ногӧн. Сэки найӧ, кодъяс омӧльтӧмӧн шуӧны тіянӧс лёк вӧчысьясӧн, аддзасны бур вӧчӧмнытӧ да ошкасны Енсӧ Сылӧн локтігас.

Руфа 1:6

Ноеминь шуис бӧр мунны аслас чужанінӧ, ӧд сылы кывсис, мый Господь тӧждысьӧма Аслас войтырыс вӧсна – сетӧма налы нянь. Моньясыс шуисны тшӧтш мунны сыкӧд.