Закар 10:1 - Коми Библия 2023

¹ Корӧй Господьлысь тувсовъя зэр, кор сійӧ вермӧ лоны. Господь кыпӧдӧ сьӧд кымӧръяс, кисьтӧ му вылӧ сувтса зэр, сетӧ быдӧнлы мувыв быдтас.

Закар 10:1 Kruisverwysings

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Иов 29:23

Зэрӧс моз найӧ виччысьлісны менсьым висьталӧмӧс, быттьӧ тувсовъя зэрӧн веськӧдісны горшнысӧ.

Псалтыр 104:13

Ӧти войтырсянь найӧ вуджлісны мӧд войтыр дінӧ, ӧти муысь – мӧд муӧ.

Псалтыр 135:7

Сійӧ вӧчис ыджыд югзьӧданторъяс, Сылӧн буралӧмыс оз помасьлы.

Псалтыр 65:9

Сійӧ видзӧ миянлысь олӧмнымӧс, оз сет лигышмунны миян кокъяслы.

Псалтыр 72:6

Та вӧсна найӧ сикӧтшӧн моз мичмӧдӧмаӧсь асьнысӧ ышнясьӧмнас, мича паськӧмӧн моз вевттьӧмаӧсь асьнысӧ виалӧм-дзескӧдӧмнас.

Шусьӧгъяс 16:15

Ӧксылӧн югыд видзӧдласын – олӧм, сылӧн бур сьӧлӧмыс тувсов зэр кодь.

Исай 30:23

Господь сетас тэныд кӧдзӧм му вылӧ зэр, муыс сетас нянь, ассьыс быдтассӧ, сійӧ лоӧ озыр да пӧтӧса. Сійӧ лунӧ тэнад ыж-мӧскыд пондасны йирсьыны паськыд видз вылын.

Исай 44:3

Потласьӧм му вылӧ Ме кисьта ва, косьмӧм му вылын писькӧда юяс. Тэсянь чужысьяс вылӧ Ме кисьта Ассьым лолӧс, тэнад челядь вылӧ – Ассьым бурсиӧмӧс.

Исай 5:6

Ме дзикӧдз эновта сійӧс, ог кут тӧждысьны, ог кут весавны, сійӧ тырас йӧнмӧн да ёг турунӧн. Ме шуа кымӧръяслы, и найӧ оз сетны зэрсӧ.

Еремей 10:13

Кор Сійӧ сетӧ гӧлӧс шысӧ, ваыс енэжас гораа ызгӧ. Му помсяньыс Сійӧ кыпӧдӧ кымӧръяс, мӧдӧдӧ чардби да зэр, Аслас видзанінысь лэдзӧ тӧвныр.

Еремей 14:22

Мукӧд войтыръяслӧн идолъясыс ӧмӧй вермасны мӧдӧдны зэр? Енэжыс ӧмӧй вермас ачыс кисьтны сувтса зэр? Господьӧй, миян Енмӧй, он ӧмӧй зэрсӧ Тэ мӧдӧд? Тэ вылӧ ми лача кутам, ӧд ставсӧ тайӧс Тэ вӧчан!

Еремей 5:24

Найӧ оз шуны: «Ми полам Господьысь, асланым Енмысь, коді ас кадӧ сетӧ миянлы арся да тувсовъя зэр, индӧ миянлы нянь чукӧртан кад».

Еремей 51:16

Кор Сійӧ сетӧ гӧлӧс шысӧ, ваыс енэжас гораа ызгӧ. Му помсяньыс Сійӧ кыпӧдӧ кымӧръяс, мӧдӧдӧ чардби да зэр, Аслас видзанінысь лэдзӧ тӧвныр.

Езекиль 34:26

Ме бурсиа найӧс да бурсиа Менам керӧс гӧгӧрысь мусӧ. Ас кадӧ Ме сета налы зэр, и сійӧ ваяс налы бурсиӧм.

Езекиль 36:37

Господь Ыджыдыс тадзи висьталӧ: нӧшта Ме збыльмӧда Менам Израиль войтырлысь корӧмсӧ да ыж чукӧрлысь моз содта налысь лыдсӧ.

Осий 10:12

Кӧдзӧй аслыныд веськыдлунсӧ, сэки вунданныд буралӧм. Гӧрӧй аслыныд выль муяс, воис кад корсьны Господьӧс. Господь локтас да зэр моз кисьтас тіян вылӧ веськыдлунсӧ.

Осий 6:3

Сідзкӧ, тӧдмаламӧй Господьӧс, сьӧлӧмсянь зілямӧй тӧдны Сійӧс. Сійӧ локтас, и тайӧ збыль, кыдзи асъя кыалӧн петӧмыс збыль. Сійӧ локтас миян дінӧ зэр моз, мусӧ киськалысь тувсовъя зэр моз».

Амос 4:7

Ме зэрсӧ тіянлы эг сет, кор вундан кадӧдз вӧлі куим тӧлысь на. Ӧти кар вылӧ кисьті зэрсӧ, а мӧд кар вылӧ – эг. Кӧнкӧ зэрліс, а кӧнкӧ зэртӧмысла муыс косьмис.

Микей 5:7

Яков рӧдлӧн колясыс лоӧ войтыръяс пӧвстын Господьсянь мӧдӧдӧм лысва кодь, турунсӧ киськалӧм зэр кодь. Найӧ оз нин пондыны видзӧдны морт вылӧ, оз нин пондыны лача кутны йӧз вылӧ.

Иоан 16:23

Сійӧ лунӧ ті нинӧм нин онӧ юалӧй Менсьым. Веськыда, веськыда висьтала тіянлы: Бать сетас тіянлы ставсӧ, мый коранныд Сылысь Менам нимӧн.

1 Коринфӧ 3:6

Ме кӧдзи, Аполос киськаліс, а быдтіс Енмыс.

Индӧд 28:23

Енэжыс юр весьтаныд лоӧ ыргӧн вевт кодь, муыс кок уланыд – кӧрт кодь.

Яков 5:7

Вокъяс, терпитӧмӧн виччысьӧй Господьлысь локтӧмсӧ. Видзӧдлӧй, кутшӧм терпитӧмӧн му вӧдитысь виччысьӧ муыслысь дона быдтассӧ. Сійӧ виччысьӧ арся да тувсов зэръяс.