Закар 1:6 - Коми Библия 2023

⁶ Но Менам кывъясӧй инісны. Сійӧ, мый йылысь Ме ӧлӧдӧмӧн висьтавлі Меным кесъялысь пророкъяс пыр, суис батьяснытӧ. Сэки найӧ бергӧдчывлісны мыжсьыныс шуалӧмӧн: ”Господь Саваоф кыдзи шуис, сідзи и вӧчис. Сійӧ вӧчис миянкӧд асланым бӧрйӧм туйным да лёк вӧчӧмным серти”».

Закар 1:6 Kruisverwysings

Ӧксыяслӧн 4 небӧг 15:12

Тадзи иніс Господьлӧн шуӧмыс, мый Сійӧ висьталіс Ехулы: «Тэсянь чужысьяс нёльӧд чужанвужйӧдз пондасны пукавны Израильлӧн юралан пуклӧсын». Тадзи и лоис.

Иов 6:29

Мӧвпыштӧй да лёксӧ энӧ вӧчӧй, тӧдӧй – ме абу мыжа!

Исай 21:17

Кедарса тышкасьысьяслӧн, ньӧввужйысь лыйсьысьяслӧн лыдыс кольӧ зэв этша». Тадзи висьталӧ Господь, Израильлӧн Ен.

Исай 44:26

Ме збыльмӧда сійӧ, мый юӧртіс Менам кесйӧгӧй, вӧча сійӧ, мый висьталісны Меӧн мӧдӧдӧмаяс. Ме висьтала, мый Ерусалимӧс бара лоӧ овмӧдӧма, Иуда каръясӧс выльысь лоӧ лэптӧма. Ме выльысь кыпӧда бырӧдӧм каръяс.

Исай 55:1

Кывзӧй, кодлӧн горшныд косьмӧ, локтӧй ставныд ва дінӧ! Весиг ті, кодлӧн абу сьӧмныд, локтӧй, босьтӧй да сёйӧй! Сьӧмтӧг да дон мынтытӧг босьтӧй вина да йӧв.

Исай 55:11

Тадзи жӧ Менам кывйӧй, мый петӧ Менам вомысь, оз бергӧдчы Ме дінӧ кушӧн, а вӧчӧ Менам кӧсйӧм серти, вӧчӧ ставсӧ, мый могысь Ме мӧдӧді сійӧс.

Еремей 23:20

Господьлӧн скӧрлуныс оз вешйы, кытчӧдз Сійӧ оз збыльмӧд Ассьыс шуӧмсӧ. Бӧръя лунъясӧ ті тырвыйӧ гӧгӧрвоанныд тайӧс.

Еремей 26:15

Сӧмын тӧдӧй, ті кӧ вианныд менӧ, сэки тіянлы, тайӧ карыслы да карас олысьяслы ковмас кывкутны мыжтӧм мортлӧн вирысь. Тіян дінӧ менӧ збыльысь мӧдӧдіс Господь, медым ме юӧрті став тайӧ кывъяссӧ».

Еремей 28:17

Сійӧ жӧ вонас, сизимӧд тӧлысьӧ, Хананей пророк куліс.

Еремей 32:24

Со, кар гӧгӧрыс вӧрӧг кыпӧдӧма тымӧд, медым босьтны сійӧс. Калдеяса тышкайӧз кытшалӧны тайӧ карсӧ, и сійӧс лоӧ сетӧма налӧн киӧ. Карса олысьясӧс лоӧ бырӧдӧма шыпуртӧн, тшыглунӧн да пӧрӧс висьӧмӧн. Инӧ сійӧ, мый Тэ водзвыв висьтавлін, и ӧні Тэ аддзан тайӧс.

Еремей 36:28

«Босьт аслыд мӧд гижӧд тубрас да гиж сэтчӧ став кывъяссӧ, мый вӧлі гижӧма воддза гижӧд тубрасас, кодӧс сотіс иудаса Ехояким ӧксы.

Еремей 39:16

«Мун да висьтав эфиопияса Эведмелеклы, мый Господь Саваоф, Израильлӧн Ен, тадзи висьталӧ: Ме збыльмӧда Ассьым кывъясӧс тайӧ карыслы лёк вылӧ, а ог бур вылӧ. Воас лун, кор тэ аддзан тайӧс.

Еремей 4:4

Иудаын да Ерусалимын олысьяс, вундыштчӧм пыр сиӧй асьнытӧ Господьлы, вундыштӧй ассьыныд сьӧлӧмнытӧ, медым тіян лёк вӧчӧмныд вӧсна Менам скӧрлунӧй эз ыпнит би моз, и сійӧс кусӧдны некод эз вермы.

Еремей 44:2

«Господь Саваоф, Израильлӧн Ен, тадзи висьталӧ: ті аддзылінныд став шогсӧ, мый Ме мӧдӧді Ерусалимлы да мукӧд иудаса каръяслы. Ӧні сэні из чукӧръяс, и олысьыс абу.

Еремей 44:28

Сӧмын этшаӧн пышъясны шыпуртысь да бергӧдчасны Египетысь Иуда муӧ. Сэки Египетӧ овмӧдчӧм Иуда войтырлӧн колясыс тӧдмалас, кодлӧн кывйыс инӧ: Менам али налӧн.

Еремей 44:29

Ме петкӧдла тіянлы индысьпас, мый Ме мыжда тіянӧс тайӧ муас, – висьталӧ Господь. – Ті тӧдмаланныд, мый тіян йылысь Менам кывъясӧй инасны. Тіянӧс суас шог”.

Еремей 44:6

Та вӧсна киссис Менам скӧрлунӧй да ярлунӧй, кутіс ыпъявны иудаса каръясын да ерусалимса уличьяс вылын. Ӧнӧдз тайӧ каръясыс – из чукӧр да овтӧмин.

Еремей 5:14

Господь Ен Саваоф тадзи висьталӧ: – Сыысь, мый найӧ шуалӧны татшӧм кывъяс, Ме пукта Ассьым кывъясӧс тэнад вомӧ, и вӧча найӧс биӧн. А тайӧ войтырыс лоӧ пескӧн, и биыс ньылыштас найӧс.

Бӧрданкыв 1:18

Господь веськыд, но ме кыпӧдчи Сылы паныд. Кывзӧй, войтыръяс, видзӧдлӧй менам дой вылӧ: менсьым ныв-зонмӧс нуӧдісны пленӧ.

Бӧрданкыв 2:17

Господь вӧчис, мый кӧсйис, збыльмӧдіс Ассьыс кывсӧ, важысянь шуӧмсӧ. Сійӧ жалиттӧг бырӧдіс тэнӧ, вӧрӧглы лэдзис нимкодясьны, тэнӧ мустӧмтысьясӧс вылӧ кыпӧдіс.

Бӧрданкыв 3:42

Ми мыж вӧчим, Тэныд паныд кыпӧдчим, и Тэ миянӧс эн прӧстит.

Езекиль 20:43

Сэні тіянлы тӧд выланыд усьӧ лёк оласногныд да уджъясныд, мыйӧн пежалінныд асьнытӧ. Сэки лёк вӧчӧм вӧснаныд ті зывӧктанныд асьнытӧ.

Езекиль 37:11

Господь шуис меным: «Морт пиӧй, тайӧ лыясыс – Израиль войтыр. Найӧ шуӧны, миян лыясным пӧ косьмисны, лачаным воши, миянлы воис пом.

Даниил 4:28

Ӧксы эз на удит помавны сёрнисӧ, енэжсяньыс кыліс нин гӧлӧс шы: «Кывзы, Навукодоносор ӧксы, тэ воштан юралӧмтӧ.

Осий 5:9

Ефремӧс лоӧ куштӧма мыждан лунӧ, тайӧс Ме юӧрта Израиль чужанкотыръяслы.

Осий 9:15

Быд лёксӧ найӧ вӧчисны Галгалын, сэні Ме понді мустӧмтны найӧс. Налӧн лёк уджъясысь Ме вӧтла найӧс Аслам керкаысь, дугда радейтны найӧс, ӧд налӧн юралысьясныс асныраӧсь.

Амос 9:10

Шыпурт помысь куласны Менам войтыр пӧвстысь став мыжа йӧзыс, кодъяс шуӧны: «Оз су миянӧс лёкыс, оз во сійӧ миянӧдз!»

Закар 1:7

Дарий ӧксылӧн мӧд веськӧдлан воӧ, шеват нима дас ӧтиӧд тӧлысьлӧн кызь нёльӧд лунӧ Закар пророклы, Иддо Береклӧн пилы, вӧлі Господьсянь кыв.

Малакий 3:18

Сэки ті бара аддзанныд веськыда олысь да лёк вӧчысь костын торъялӧмсӧ, аддзанныд, коді кесъяліс Енмыслы, а коді эз кесъяв.

Лыд 23:19

Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.

Лыд 32:23

Но онӧ кӧ тадзи вӧчӧй, Господьлы паныд мыж вӧчанныд и мыж вӧснаныд асьныд кывкутанныд.

Лыд 33:56

И мый Ме шуи вӧчны накӧд, вӧча тіянкӧд».

Матвей 24:35

Енэжыс да муыс бырас, а Менам кывъясӧй оз бырны.

Индӧд 28:15

«Став тайӧ ёрӧмыс локтас тіян вылӧ, онӧ кӧ кутӧй кывзысьны Господьлысь, асланыд Енлысь, да овны Сылӧн став индӧд-тшӧктӧмыс серти, мый талун висьтала тіянлы.

Индӧд 28:2

Став тайӧ бурсиӧмыс локтас тіян вылӧ, кутанныд кӧ кывзысьны Господьлысь, асланыд Енлысь.

Индӧд 28:20

Господь мӧдӧдас тіян вылӧ ёрӧм, шызьӧм да шӧйӧвошӧм быдторйын, кытчӧдз тіянӧс оз ло бырӧдӧма. Ті куланныд лёк вӧчӧмныд вӧсна, ӧд эновтінныд Господьӧс.

Индӧд 28:45

Став тайӧ ёрӧмыс локтас тіян вылӧ да вӧтчас тіян бӧрся, кытчӧдз оз ло бырӧдӧма тіянӧс, ӧд ті энӧ кывзысьӧй Господьлысь, асланыд Енлысь, да энӧ олӧй Сылӧн индӧд-тшӧктӧмъяс серти.

1 Фессалоникаӧ 5:4

Вокъяс, ті онӧ пемыдас олӧй. Сідзкӧ, сійӧ луныс оз во тіян дінӧ гусясьысь моз тӧдлытӧг,