Закар 1:19 - Коми Библия 2023

¹⁹ Ме юалі мекӧд сёрнитысь анделлысь: «Мый тайӧ?» Андел вочавидзис: «Тайӧ сюръясыс найӧ, кодъяс вӧтлісны-разӧдісны Иудаысь, Израильысь да Ерусалимысь олысьяссӧ мукӧд муясӧ».

Закар 1:19 Kruisverwysings

Ӧксыяслӧн 3 небӧг 22:11

Кенаанлӧн Седекей пиыс вӧчис аслыс кӧрт сюръяс да шуис: «Господь тадзи висьталӧ: ”Тайӧ сюръяснас тэ люкалан арамейясӧс да бырӧдан найӧс”».

Ездра 4:1

Иуда да Венямин чужанкотыръясӧс мустӧмтысьяс тӧдмалісны, мый пленысь локтӧмаяс лэптӧны крам Господьлы, Израильлӧн Енлы.

Ездра 4:4

Та бӧрын сэтчӧс муын олысьяс пондісны повзьӧдлыны Иуда войтырӧс да падмӧдны найӧс крамсӧ лэптӧмысь,

Ездра 4:7

Бӧрынджык персияса Артаксеркс ӧксылӧн веськӧдлігӧн Бишлам, Мифредат да Табел асланыс йӧзкӧд ыстісны ӧксылы гижӧд. Сійӧс гижӧма вӧлі арамей кыв вылын.

Ездра 5:3

Крам лэптысьяс дінӧ локтісны Авар-Нахара муын юралысь Таттенай, Шетар-Бозенай да налӧн уджъёртъясыс. Найӧ юалісны: «Коді лэдзис тіянлы лэптыны тайӧ крамсӧ да водзӧ уджавны тані?»

Псалтыр 75:4

Сэні Сійӧ чегъяліс ньӧвъяс, жугліс сайӧд, шыпурт да мукӧд тышкасянтор.

Псалтыр 75:5

Енмӧй, Тэ дзирдалан югыда, нэмӧвӧйся керӧсъясысь Тэ ёна ыджыд.

Еремей 48:25

Моавлысь сюрсӧ керыштӧма, сылысь кисӧ чегӧма, – висьталӧ Господь.

Даниил 12:7

Ме аддзи шабді паськӧма анделӧс, коді сулаліс ва весьтын. Веськыд да шуйга кисӧ енэжланьыс кыпӧдӧмӧн сійӧ кыв сетіс помтӧг Олысь водзын: «Коляс ӧти кадколаст, сэсся кык кадколаст да нӧшта кадколаст джын. Кор вежа войтырӧс лоӧ разӧдӧма, сэки ставыс тайӧ инас».

Даниил 7:16

Ме матыстчи сэні сулалысьяс пӧвстысь ӧти дінӧ да юалі сылысь, мый ставыс тайӧ лоӧ. Сійӧ висьталіс меным да гӧгӧрвоӧдіс тайӧ аддзывлӧмторсӧ.

Амос 6:13

Ті нимкодясянныд Ло-Девар кар босьтӧмысь, шуанныд, асланым вынӧн пӧ Карнаим босьтім.

Аввакум 3:14

Кор вӧрӧгъяс ыджыд тӧвныр моз уськӧдчӧны да разӧдӧны миянӧс, кор найӧ нимкодясьӧны да гусьӧн ньылыштӧны коньӧрӧс, сэки Тэ асланыс шыӧн бытшкан налысь юралысьсӧ.

Закар 1:18

Ме лэпті синмӧс да аддзи нёль сюр.

Закар 1:21

Ме юалі: «Мый найӧ лӧсьӧдчӧны вӧчны?» Господь вочавидзис: «Сюръясыс вӧтлісны-разӧдісны Иуда войтырӧс сідз, мый некод юрсӧ эз лысьт кыпӧдны. А тайӧ дорччысьясыс локтісны, мед повзьӧдны вӧтлысьясӧс-разӧдысьясӧс да чегъявны сюръяссӧ сійӧ войтыръяслысь, кодъяс уськӧдчисны Иуда му вылӧ да разӧдісны сэтчӧс олысьясӧс».

Закар 1:9

Ме юалі: «Ыджыдӧй, тайӧ кодъяс?» Мекӧд сёрнитысь андел шуис меным: «Ме тэныд петкӧдла, кодъяс найӧ».

Закар 2:2

Ме юалі сылысь: «Кытчӧ тэ мунан?» Сійӧ вочавидзис: «Муртавны Ерусалимлысь пасьта-кузьтасӧ».

Закар 8:14

Господь Саваоф тадзи висьталӧ: кор тіян батьяс скӧрмӧдісны Менӧ, Ме шуи мыждыны тіянӧс и эг веж Ассьым кывйӧс, – висьталӧ Господь Саваоф. –