Закар 1:17 - Коми Библия 2023

¹⁷ Нӧшта юӧрт, мый Господь Саваоф тадзи висьталӧ: – Менам каръясын бара пуксяс бур олӧм. Господь бара бурӧдас Сионӧс, выльысь бӧръяс Ерусалим кар».

Закар 1:17 Kruisverwysings

2 Каднебӧг 6:6

А ӧні Ме бӧрйи Ерусалим кар, медым сэні вӧлі Менам нимӧй. Ме бӧрйи Давидӧс, медым сійӧ веськӧдліс Менам Израиль войтырӧн”.

Неемий 11:20

Мукӧд израильсаяс, попъяс да левитъяс олісны Иуда му пасьтала мукӧд каръясын, быдӧн батьсяньыс вичмӧм му вылын.

Неемий 11:3

Иуда муын мукӧд каръясын – быдӧн аслас карын да аслас овмӧсын – олісны израильсаяс, попъяс, левитъяс, крамбердса кесйӧгъяс да Соломонлӧн кесйӧгъяссянь чужысьяс. А Ерусалимын олісны Иуда муӧн юралысьяс,

Исай 14:1

Регыд нин воас сійӧ кадыс, кор лоӧ бырӧдӧма Вавилонӧс. Сэки Господь бурсьӧлӧмтчас Яков дінӧ да выльысь бӧръяс Израильӧс – бергӧдас найӧс асланыс муӧ. Йӧз муысь локтысьяс ӧтувтчасны Израиль войтыркӧд

Исай 44:26

Ме збыльмӧда сійӧ, мый юӧртіс Менам кесйӧгӧй, вӧча сійӧ, мый висьталісны Меӧн мӧдӧдӧмаяс. Ме висьтала, мый Ерусалимӧс бара лоӧ овмӧдӧма, Иуда каръясӧс выльысь лоӧ лэптӧма. Ме выльысь кыпӧда бырӧдӧм каръяс.

Исай 49:13

Нимкодясь, енэжыс, гажӧдчы, муыс, гораа нимкодясьӧй, керӧсъяс! Ӧд Господь бурӧдіс Ассьыс войтырсӧ, Сійӧ бурсьӧлӧмтчӧ Аслас коньӧръяс дінӧ.

Исай 51:12

– Ме, Ме – тэнӧ Бурӧдысьыс! Мыйла тэ полан мортысь, кодлӧн олӧмыс дженьыд, кодлӧн олан лунъясыс турунлӧн кодь?

Исай 51:3

Господь бурӧдас Сион, бурӧдас пазӧдӧм карсӧ, сылысь овтӧминсӧ вӧчас рай кодьӧн, сылысь кушинсӧ вӧчас Господьлӧн сад йӧрӧн. Сэні пондасны нимкодясьны да гажӧдчыны, кыпыда ошкыны да сьывны.

Исай 52:9

Кыпыда гажӧдчы, пазӧдӧм Ерусалим кар! Сьылӧй ставныд ӧтвылысь, ӧд Господь бурӧдіс Ассьыс войтырсӧ, мездіс Ерусалим.

Исай 54:8

Скӧрлунӧй ыпнитігӧн Ме кад кежлӧ бергӧдчи тэысь, но Ме кута буравны тэ дінӧ, лоа помтӧг бур сьӧлӧма тэ дінӧ, – висьталӧ Господь, тэнӧ Мездысь.

Исай 66:13

Ныв-писӧ бурӧдысь мам моз Ме бурӧда тіянӧс, бурӧда тіянӧс Ерусалимын.

Еремей 31:13

Нывъяс кутасны долыда йӧктыны, томъяс и пӧрысьяс – ӧтвылысь гажӧдчыны. Налысь бӧрдӧмсӧ Ме вежа нимкодясьӧм вылӧ, гажӧда-бурӧда найӧс шогсьыныс.

Еремей 33:13

Керӧсвывса, керӧсбердса да негевса каръяс гӧгӧр, Венямин муын, Ерусалим да мукӧд иудаса каръяс гӧгӧр ыж видзысьяс бара кутасны лыддьыны ыжъяслысь лыдсӧ, – висьталӧ Господь».

Еремей 33:9

Мувывса став войтыръяс водзын тайӧ карыс ваяс Меным нимкодьлун, ошкӧм да нималӧм. Кор войтыръяс кыласны бурыс да лӧньлуныс йылысь, мый Ме сета тайӧ карас олысьяслы, найӧс полӧм-дзӧрӧм босьтас.

Езекиль 36:33

Господь Ыджыдыс тадзи висьталӧ: воас лун, кор Ме сӧстӧммӧда тіянӧс став мыжсьыныд, овмӧда каръяснытӧ. Из чукӧръясысь выльысь лэптанныд каръяс,

Амос 9:14

Ме бӧр вайӧда пленысь Ассьым Израиль войтырӧс. Найӧ выльысь лэптасны кушмӧм каръяснысӧ да овмӧдчасны сэтчӧ. Найӧ пуктасны виноград пуяс, ассьыныс винасӧ кутасны юны. Сад йӧръясӧ пуктасны пуяс, налысь вотӧссӧ кутасны сёйны.

Авдий 1:20

Израильысь пленӧ нуӧдӧм тышкайӧз бӧр бергӧдчасны да босьтасны Ханаан му Сарепта карӧдз, Ерусалимысь Сефарадӧ пленӧ нуӧдӧмаяс бӧр локтасны да босьтасны негевса каръяс.

Закар 1:14

Та бӧрын мекӧд сёрнитысь андел шуис меным: «Юӧрт йӧзыслы, мый Господь Саваоф тадзи висьталӧ: – Ме вежӧгтӧмӧдз радейта Ерусалимӧс, ёна вежӧгтӧмӧй вӧсна доръя Сионӧс.

Закар 1:18

Ме лэпті синмӧс да аддзи нёль сюр.

Закар 2:12

Вежа муын Господь вӧчас Иудаӧс Аслас войтырӧн, бара бӧръяс Аслыс Ерусалим кар.

Закар 2:4

да шуис: «Мун ӧдйӧджык да висьтав мурталысь том мортлы: Ерусалим гӧгӧр оз нин кутны лэптыны стен, ӧд сы мында сэні олысьыс да ыж-мӧскыс лоӧ.

Закар 3:2

Господь шуис сӧтаналы: «Господь ӧлӧдӧ тэнӧ, сӧтана. Господь, коді бӧрйис Ерусалимӧс Аслас карӧн, тшӧктӧ ланьтны тэныд. Абу-ӧ тайӧ мортыс биысь перйӧм сэрапом кодь?»

Ефесӧ 1:4

Сійӧ бӧрйӧма миянӧс Кристос пытшкын му пуксьытӧдзыс на, медым вӧлім Сы водзын вежаӧсь да сӧстӧмӧсь. Ми ёна мусаӧсь Енмыслы,