Закар 1:16 - Коми Библия 2023

¹⁶ Та вӧсна Господь тадзи висьталӧ: Ме бӧр бергӧдча Ерусалим дінӧ да лоа бур сьӧлӧма сы дінӧ. Сэні выльысь лэптасны Менсьым крамӧс, – висьталӧ Господь Саваоф, – мурталӧм бӧрын выльысь лэптасны Ерусалим кар.

Закар 1:16 Kruisverwysings

Иов 38:5

Тӧдан-ӧ, коді индіс муыслы мурталан пассӧ? Коді муӧд нюжӧдіс мурталан кӧвсӧ?

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Исай 34:11

Сійӧ лоӧ пеликанъяслӧн да ёжъяслӧн оланінӧн, сэтчӧ овмӧдчасны сюзьяс да кырнышъяс. Господь мурталас сійӧс кӧвйӧн, веситас вескиӧн, медым вӧчны сійӧс кушӧн да мыгӧртӧмӧн.

Еремей 30:18

Господь тадзи висьталӧ: – Ме выльысь сувтӧда Яковлысь чомъяссӧ, бурсьӧлӧмтча сылӧн оланін дінӧ. Карсӧ выльысь лоӧ лэптӧма аслас керӧс вылӧ, изкарыс кутас сулавны аслас местаын.

Езекиль 40:3

Господь вайӧдіс менӧ сэтчӧ, и ме аддзи кар дзиръя дорын сулалысь мортӧс. Сійӧ вӧлі быттьӧ ыргӧнысь. Киас сійӧ кутіс шабді кӧв да мурталан бедь.

Езекиль 47:3

Морт муніс асыввывлань. Сылӧн киас вӧлі мурталан кӧв, сійӧ мурталіс сюрс гырддза да келӧдіс менӧ визувтысь ва вомӧн. Ваыс вӧлі кок шегйӧдз.

Езекиль 48:35

Ставнас карса стенмыс лоӧ дас кӧкъямыс сюрс гырддза кузьта. Тайӧ лунсяньыс Ерусалим карлӧн нимыс лоӧ ”Тані Господь”».

Аггей 1:14

Господь ышӧдіс Шеалтиэллысь Зоровавель писӧ, Иуда муын юралысьӧс, да Иоседеклысь Исус писӧ, аркирейӧс, тшӧтш коляс войтырсӧ, и найӧ локтісны да кутісны лэптыны Господь Саваофлысь, асланыс Енлысь, крамсӧ.

Закар 10:6

Ме вынаӧн вӧча Иуда чужанкотырӧс, мезда Ӧсиплысь рӧдсӧ, Ме бурсьӧлӧмтча на дінӧ да бӧр вайӧда найӧс. Найӧ бара Менам лоӧны, быттьӧ Ме некор эг и эновтлы найӧс. Ме ӧд Господь, налӧн Ен, Ме кыла налысь кевмӧмсӧ.

Закар 2:4

да шуис: «Мун ӧдйӧджык да висьтав мурталысь том мортлы: Ерусалим гӧгӧр оз нин кутны лэптыны стен, ӧд сы мында сэні олысьыс да ыж-мӧскыс лоӧ.

Закар 2:5

Ме лоа сы гӧгӧр биа стенмӧн, – висьталӧ Господь. – Лоа сы пытшкын дзирдлунӧн».

Закар 2:6

– Тэрмасьӧй, тэрмасьӧй! Пышйӧй войвыв муысь, – висьталӧ Господь. – Ӧд тӧвруӧс моз Ме разӧді тіянӧс нёльнан му пельӧсӧ, – висьталӧ Господь. –

Закар 4:9

– Зоровавель пуктіс подувсӧ крамлы, сійӧ помӧдзыс и лэптас сійӧс. Сэки ті тӧдмаланныд, мый Господь Саваоф мӧдӧдіс менӧ тіян дінӧ.

Закар 8:3

Господь тадзи висьталӧ: Ме бӧр локта Сионӧ, бара овмӧдча Ерусалимӧ. Ерусалимӧс шуасны эскана войтырлӧн карӧн, Господь Саваофлысь керӧссӧ – вежа керӧсӧн.