Яков 5:5 - Коми Библия 2023

⁵ Ті олінныд тайӧ му вылас лышкыда да быдторнас чӧсмасинныд. Ті тшӧгӧдінныд асьнытӧ, кыдзи пемӧсъясӧс тшӧгӧдӧны начкысян лун кежлӧ.

Яков 5:5 Kruisverwysings

Псалтыр 17:14

Господь муркнитіс енэжас, Медвылыссаыс сетіс Ассьыс гӧлӧс шысӧ, кисьтіс шер да биа ӧгыръяс.

Псалтыр 73:7

Найӧ сотісны Тэнсьыд вежаинтӧ, пежалісны Тэнад нимлысь оланінсӧ.

Шусьӧгъяс 17:1

Тыр пызан да зык-вена олӧм дорысь бурджык кос няньтор да лӧнь олӧм.

Шусьӧгъяс 7:14

«Бурасян вись ме вайи, кыв сетан вись талун вайи.

Еклесиаст 11:9

Нимкодясь, зонмӧй, аслад том кадӧ, сьӧлӧмыд мед долыдасьӧ томдырйиыд. Ветлы, кытчӧ сьӧлӧмыд кыскӧ, кытчӧ синмыд видзӧдӧ, но тӧд, мый ставсьыс таысь Ен вайӧдас тэнӧ Аслас ёрд водзӧ.

Исай 22:13

Но ті гажӧдчанныд да нимкодясянныд, начканныд ӧшъясӧс да ыжъясӧс, сёянныд яй да юанныд вина. Ті шуаланныд: «Кутам сёйны-юны, ӧд аски кулам».

Исай 3:16

Господь шуис: сионса нывъяс тшапӧсь, ветлӧдлӧны юрнысӧ чатӧртӧмӧн, ыштӧдӧны видзӧдласнаныс, восьлалӧны дзирнясьӧмӧн, зёльгӧны кокнысӧ мичмӧдан чепъясӧн.

Исай 47:8

Но ӧні кывзы тайӧс, лышкыда да тӧждысьтӧг олысь аньӧй. Тэ шуалан аслыд: «Ме кодь мӧдыс абу, ме некор ог коль дӧваӧн, ог вошты ассьым челядьӧс».

Исай 56:12

Найӧ шуалӧны: «Локтӧй, ме перъя вина, коддзымӧн юам сур. Аскиа луныс лоӧ татшӧм жӧ, да нӧшта на бурджык!»

Еремей 12:3

Господьӧй, Тэ тӧдан да аддзан менӧ, Тэ видзӧдан менам сьӧлӧмӧ да тӧдан, радейта-ӧ ме Тэнӧ. Торйӧд лёк вӧчысьясӧс начкысян лун кежлӧ, ыжъясӧс моз нуӧд найӧс начкӧм вылӧ.

Еремей 25:34

– Сыркъялӧй-бӧрдӧй, Иуда войтырӧс видзысьяс, туплясьӧй пӧим пытшкын, Иуда войтырлӧн ыджыдъяс. Воисны тіянӧс начкан да разӧдан лунъяс, ті усянныд-жугаланныд дона дозмук моз.

Езекиль 16:49

Со татшӧм вӧлі Содом чойыдлӧн мыжыс. Содом да сылӧн нывъясыс вӧліны тшапӧсь, найӧ лышкыда да кокньыда олісны, эз отсасьны гӧльяслы да коньӧръяслы.

Езекиль 39:17

Тэныд, морт пиӧй, Господь Ыджыдыс тадзи висьталӧ: чукӧст быдласянь лэбачьясӧс да вӧрса зверъясӧс. Мед найӧ чукӧртчасны Менам вись дорӧ, мый Ме начка налы Израиль керӧсъяс вылын. Сэні найӧ кутасны яй сёйны да вир юны.

Амос 6:1

Курыд шог тіянлы, войтыр пӧвстысь медтӧдчанаяслы, кодъяс вылӧ став Израиль лача кутӧ. Ті тӧждысьтӧг оланныд Сионын да Самария керӧс вылын.

Лука 16:19

«Вӧлі озыр морт. Сійӧ новліс пемыдгӧрд да шабді паськӧм, быд лун лышкыда гажӧдчис.

Лука 16:25

Ӧвраам шуис: ”Пиукӧй, эн вунӧд, мый тэ босьтін нин бурсӧ, а Лазарлы лёкыс вичмис. Ӧні сійӧ сьӧлӧмсӧ бурмӧдӧ тані, а тэ мучитчан.

Римӧ 13:13

Лунъюгыдын моз пондам овны бур ногӧн. Огӧ сетчӧй гажӧдчӧмӧ да кодалӧмӧ, гозъякост олӧм пежалӧмӧ да лэдзчысьӧм оласногӧ, вензьӧмӧ да вежалӧмӧ.

1 Тимофейлы 5:6

а лышкыда олысь дӧва – ловъявывсьыс кулӧма.

2 Тимофейлы 3:4

ӧта-мӧдсӧ вузалӧны, этшсӧ оз тӧдны да тшапӧсь. Енмыс дорысь налы мусаджык лышкыда олӧмыс.

2 Петыр 2:13

Налы лоӧ мынтысьӧма лёк вӧчӧмсьыныс. Найӧ яндысьтӧмӧсь да пежӧсь, радейтӧны гажӧдчыны лунъюгыднас, пукалӧны тіянкӧд ӧти пызан сайын, но пӧръясьӧны.

Иуда 1:12

Кор ті мусапырысь чукӧртчанныд ӧтвыв сёйны, татшӧм йӧзыс яндысьтӧг тшӧгӧдӧны асьнысӧ да лоӧны тіянлы крукӧдӧн. Найӧ – тӧвнырӧн новлӧдлан ватӧм кымӧръяс, вотӧс вайтӧм арся пуяс, вужнас нетшыштӧмаяс, кык пӧв кулӧмаяс.

Восьтӧм 18:7

Мӧдӧдӧй сылы шогсӧ да мучитчӧмсӧ сы мында, мыйта сійӧ курыштіс аслыс озырлунсӧ да ошкӧмсӧ. Ӧд сійӧ ошйысьӧ ас йывсьыс: «Ме – ӧксы-ань, пукала юралан пуклӧсын, ме абу дӧва, шогсӧ ог тӧд».

Ӧксыяслӧн 1 небӧг 25:36

Авигея локтіс гортас. Навал вӧлі лӧсьӧдӧма ӧксылы кодь ыджыд гаж. Сійӧ гажӧдчис да кодаліс. Авигея кыв эз шу сылы асылӧдзыс.

Ӧксыяслӧн 1 небӧг 25:6

Шуӧй: ”[Видза олан.] Лӧнь олӧм тэныд, тэнад керкалы да ставыслы, мый тэнад эм.