Яков 5:4 - Коми Библия 2023

⁴ Со, кылӧ тіян му вылын уджалысьяслӧн горзӧмыс, ӧд ті энӧ мынтысьӧй налы. Налӧн горзӧмыс воис Господь Саваофлӧн пельӧдзыс.

Яков 5:4 Kruisverwysings

Олӧм 4:10

Господь шуис сылы: «Мый тэ вӧчин? Вокыдлӧн вирыс горзӧ Ме дінӧ му вывсянь.

Иов 34:28

Мыждӧ найӧс, ӧд гӧльяслӧн бӧрдӧмыс воис Сыӧдз, коньӧръяслысь ойзӧмсӧ Сійӧ кыліс.

Иов 7:2

Кесйӧг моз сійӧ корсьӧ пуксьывны гож сайӧ, медалӧм морт моз виччысьӧ удждон.

Псалтыр 9:12

Сьылӧй Господьлы, Сионын Олысьлы, войтыръяс пӧвстын висьтавлӧй Сылӧн уджъясыс йылысь!

Петӧм 22:27

Ӧд узьнысӧ водігӧн сылы нинӧмӧн лоӧ шебрасьнысӧ. Сійӧ шыасяс Ме дінӧ, и Ме кыла сійӧс, Ме ӧд бур сьӧлӧма.

Петӧм 3:9

Израиль войтырлӧн горзӧмыс воис Меӧдз. Ме аддза, кыдзи египетсаяс топӧдӧны найӧс.

Исай 1:9

Господь Саваоф кӧ эз видз коляс войтырсӧ, ми эськӧ бырим Содом моз, миянӧс эськӧ суис сійӧ жӧ, мый Гомораӧс.

Исай 5:7

Господь Саваофлӧн виноград йӧрыс – Израиль войтыр. Иуда войтыр – Сылӧн муса быдтасыс. Сійӧ кӧсйис аддзыны веськыда вӧчӧм, но аддзис вир кисьтӧм. Кӧсйис аддзыны веськыда олӧм, но аддзис бӧрдӧм-ойзӧм.

Исай 5:9

Ме кывлі, кыдзи Господь Саваоф шуис: – Керкаыс уна, но найӧ лоӧны кушӧсь, мича да ыджыд керкаясыс колясны олысьястӧг.

Еремей 22:13

– Курыд шог сылы, коді лэптӧ ассьыс керкасӧ ылӧг отсӧгӧн, оз лэпты ассьыс жыръяссӧ веськыдлун отсӧгӧн, коді уджӧдӧ матыссасӧ, а удждон оз мынты.

Левит 19:13

Некодӧс эн дзескӧд, некодлысь эн мырддяв. Медалӧм мортлысь удждонсӧ ас дінад асылӧдзыс эн кут.

Аввакум 2:11

Кар стенлӧн изъясыс пондасны горзыны, керкаяслӧн матичьясыс – шуавны:

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Матвей 9:37

Сійӧ шуис велӧдчысьясыслы: «Вунданыс уна, а вундысьыс этша.

Лука 18:7

А Енмыс ӧмӧй оз дорйы Ассьыс бӧрйӧмаяссӧ, кодъяс лун и вой корӧны отсӧгсӧ Сылысь? Сёрмас ӧмӧй Сійӧ сетны отсӧгсӧ?

Римӧ 9:29

Исай водзвыв висьтавліс: – Господь Саваоф кӧ эз видз коляс войтырсӧ, ми эськӧ бырим Содом моз, миянӧс эськӧ суис сійӧ жӧ, мый Гомораӧс.

Индӧд 15:9

Видзчысь, сьӧлӧмад эн лэдз шогмытӧм мӧвп, мый сизимӧд воыс, уджйӧз киритан воыс, матыстчӧ нин, и та вӧсна гӧль вокыдлы нинӧм он сет. Тэ кӧ он ло бур сьӧлӧма сы дінӧ, сійӧ кутас норасьны тэ вылӧ Господьлы, и тэ вылын лоӧ [ыджыд] мыж.

Колосӧ 4:1

Ыджыдъяс, лоӧй веськыдӧсь кесйӧгныдкӧд, быдӧнӧс сибӧдӧй ӧтмоза. Тӧдӧй, енэжас тіян вылын тшӧтш эм Ыджыдыс.