Яков 5:1 - Коми Библия 2023

¹ Ӧні висьтала тіянлы, озыръяс: сыркъялӧмӧн бӧрдӧй, ӧд тіянӧс суасны шогъяс.

Яков 5:1 Kruisverwysings

Псалтыр 17:14

Господь муркнитіс енэжас, Медвылыссаыс сетіс Ассьыс гӧлӧс шысӧ, кисьтіс шер да биа ӧгыръяс.

Шусьӧгъяс 11:28

Аслас озырлун вылӧ лача кутысь усяс, а веськыда олысь веж пу моз кутас вежӧдны.

Шусьӧгъяс 11:4

Скӧралан лунӧ озырлуныд оз отсав, но веськыдлуныд кулӧмысь мездас.

Исай 13:6

Ырзӧмӧн бӧрдӧй, ӧд Господьлӧн луныс матын нин, сійӧ локтӧ Ставсӧвермысьсянь да бырӧдӧ ставсӧ.

Исай 15:3

Найӧ ветлӧны туй вывті шогалан паськӧмӧн, пукалӧны керка вевт вылын да бӧрдӧны, пукалӧны изэрд вылын да бӧрдӧны, бӧрдӧны кыз синваӧн.

Еремей 4:8

Та вӧсна пасьталӧй ассьыныд шогалан паськӧмнытӧ, сыркъялӧй-бӧрдӧй, ӧд Господьлӧн яр скӧрлуныс абу вешйӧма миян дінысь.

Еремей 9:23

Господь тадзи висьталӧ: – Мывкыда морт мед оз ошйысь аслас мывкыдлуннас, вына морт мед оз ошйысь аслас вынйӧрнас, озыр морт мед оз ошйысь аслас озырлуннас.

Езекиль 19:2

– Энь левъясысь тэнад мамыд вӧлі медбур, сійӧ куйліс левъяс пӧвстын, пиянсӧ быдтіс том левъяскӧд.

Езекиль 30:2

«Морт пиӧй, пророкав. Шу, мый Господь Ыджыдыс тадзи висьталӧ: ырзӧмӧн бӧрдӧй локтан лун йылысь,

Йоиль 1:11

Шогсьӧй, нянь быдтысьяс, бӧрдӧй, виноград йӧрын уджалысьяс. Шобді да ид нянь кулӧма,

Йоиль 1:13

Попъяс, пасьталӧй шогалан паськӧм да бӧрдӧй, ырзӧмӧн бӧрдӧй, висьпуктанін дорын кесъялысьяс! Пырӧй крамӧ, менам Енлы кесъялысьяс, весиг войнас энӧ пӧрччӧй шогалан паськӧмнытӧ, ӧд тіян Енлӧн крамӧ оз нин вайны нянь вись да вина вись.

Йоиль 1:5

Садьмӧй, кодалысьяс, ырзӧмӧн бӧрдӧй, сыркъялӧмӧн бӧрдӧй, вина юысьяс, ӧд босьтӧма тіян вомдорысь винанытӧ.

Микей 6:12

Татчӧс карса озыръяс виалӧны-дзескӧдӧны, олысьясыс пӧръясьӧны, оз сёрнитны веськыда.

Софоний 1:18

Господьлӧн скӧралан лунӧ налӧн эзысь-зарниныс оз вермы мездыны найӧс, Господьлӧн скӧрлуна биыс бырӧдас ставнас мусӧ, Сійӧ виччысьтӧг бырӧдас му вылас став олысьсӧ.

Индӧд 32:15

[Яков сёйис,] Ешурун тшӧгис да лои асныра, тшӧгис, кызіс да госсяліс. Сійӧ эновтіс Енсӧ, ассьыс Вӧчысьсӧ, мустӧмтіс ассьыс вына Мездысьсӧ.

Яков 1:11

Шонді петас, пӧжас да косьтас турунсӧ. Дзоридзыс сылӧн усьӧ, мичлуныс бырӧ. Дзик тадзи кусӧ озыр мортлӧн мырсян-пессян олӧмыс.

Яков 2:6

Но ті увтыртанныд гӧльясӧс. Оз ӧмӧй озыръяс дзескӧдны тіянӧс да кыскыны тіянӧс ёрдӧ?

Яков 4:13

Ӧні висьтала тіянлы, кодъяс шуанныд, талун-аски пӧ ми мӧдӧдчам сэтшӧмтӧ карӧ да олыштам сэні во чӧж, кутам пӧ вузасьны да озырмӧдчыны сэні.

Яков 4:9

Шогсьӧй, сыркъялӧй да бӧрдӧй! Тіян серамныд мед пӧрас бӧрдӧмӧ, а гажӧдчӧмныд – шогсьӧмӧ.