Яков 4:4 - Коми Библия 2023

⁴ Гозъякост олӧм пежалысьяс, ті ӧмӧй онӧ тӧдӧй, мый мувывсакӧд ӧтувтчысь Енлы паныд сувтӧ? Сідзкӧ, коді кӧсйӧ ӧтувтчыны мувывсакӧд, сійӧ Енлы паныд сувтӧ.

Яков 4:4 Kruisverwysings

Олӧм 3:15

Тэ да ань костӧ, тэсянь чужысь да аньсянь чужысь костӧ пукта лӧгалӧм: сійӧ пасьвартас юртӧ, а тэ сылы коклябӧрас чушкан».

Псалтыр 21:8

Мекӧд аддзысигӧн ставныс лёкӧдӧны менӧ, юрнас довкйӧдлӧмӧн шуалӧны:

Псалтыр 50:18

Ме эськӧ вайи Тэныд вись, но Тэ он кӧсйы сійӧс, сотан вись оз шогмы Тэныд.

Исай 57:3

Матыстчӧй татчӧ, кимӧститчысьлӧн челядь, гозъякост олӧм пежалысьлӧн да кырсалысь аньлӧн чужысьяс.

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.

Еремей 9:2

Сюрис кӧ меным овтӧминын шойччанін, ме эськӧ эновті ассьым войтырӧс да муні на дінысь. – Найӧ ставныс пежалісны йитӧдӧс, мый Ме кӧрталі накӧд, найӧ – ылӧдчысьяс.

Езекиль 16:32

Тэ – гозъякост олӧм пежалысь гӧтыр, коді ветлӧ верӧсыс вывті.

Осий 3:1

Господь шуис меным: «Мун да бара радейт гӧтыртӧ, коді мусукыскӧд пежалӧ гозъякост олӧмнытӧ. Радейт, кыдзи Ме, Господь, радейта Израиль войтырӧс, коді кежис мукӧд енъяс дінӧ и окотапырысь сёйӧ идолъяслы вайӧм изюм».

Матвей 12:39

Исус воча шуис: «Лёк да пежас ылалӧм йӧз кӧсйӧны аддзывны индысьпас, но Иона пророк пасысь кындзи оз ло налы мӧдыс.

Матвей 16:4

Лёк да пежас ылалӧм йӧз кӧсйӧны аддзывны индысьпас, но Иона пророк пасысь кындзи оз ло налы мӧдыс». Сэсся Исус колис найӧс да муніс сэтысь.

Матвей 6:24

Морт оз вермы кесъявны кык ыджыдлы. Ӧтисӧ кӧ радейтӧ, мӧдсӧ мустӧмтӧ. Ӧтисӧ кӧ пыдди пуктӧ, мӧдсӧ увтыртӧ. Ті онӧ вермӧй кесъявны Енлы, кесъяланныд кӧ озырлунлы».

Лука 19:27

Менӧ мустӧмтысьясӧс, менам юралӧмлы паныд сувтысьясӧс вайӧдӧй татчӧ да виӧй найӧс менам син водзын”».

Иоан 15:19

Ті кӧ вӧлінныд муюгыдсьыс, сэки эськӧ мусаӧсь вӧлінныд муюгыдыслы. Но ті абу муюгыдсьыс, ӧд Ме бӧрйи тіянӧс сэтысь, сійӧн муюгыдыс мустӧмтӧ тіянӧс.

Иоан 17:14

Ме висьталі налы Тэнсьыд кывтӧ. Муюгыдыс мустӧмтӧ найӧс, ӧд найӧ Ме моз абу тайӧ муюгыдсьыс.

Иоан 7:7

Тіянӧс йӧзыс оз мустӧмтны, а Менӧ мустӧмтӧны, ӧд Ме висьтала, мый налӧн уджъясыс лёкӧсь.

Римӧ 5:10

Ми кӧ, Енмыслы коркӧя паныд сувтысьяс, бурасим Сыкӧд Пиыслӧн кулӧм пыр, дерт нин, ӧні ми, бурасьӧмаяс, мездмам Кристослӧн олӧм пыр.

Римӧ 8:7

Вир-яйсянь мӧвпалӧмыд эм Енлы паныд сувтӧм. Татшӧм мортыс оз сетчы Ен Индӧдлы, да и оз вермы.

1 Коринфӧ 1:20

Коді нӧ мывкыда йӧзыс? Коді велӧдчӧмаыс? Коді нӧ тайӧ му вылас вежӧраыс? Эз-ӧ тайӧ мувывса мывкыдлунсӧ Енмыс йӧйталӧмӧ бергӧд?

1 Коринфӧ 1:21

Енмыс Ассьыс мывкыдлунсӧ петкӧдліс мувывса йӧзлы, но йӧзыс асланыс мывкыдлунӧн Енсӧ эз гӧгӧрвоны. Сэки Енмыс мӧвпыштіс мездыны найӧс, кодъяс эскӧны миян висьталӧмлы. Тайӧ висьталӧмсӧ йӧзыс шуӧны йӧйталӧмӧн.

Галатӧ 1:10

Йӧзсянь-ӧ, Енсянь-ӧ виччыся ме ошкӧмсӧ? Йӧзлы ӧмӧй зіля шогмынысӧ? Ме кӧ зіли шогмыны йӧзлы, сэки эськӧ эг вӧв Кристослӧн кесйӧг.

Яков 1:27

Мортыс кӧ видзӧ асьсӧ тайӧ мувывса пежсьыс, сійӧ кӧ тӧждысьӧ батьтӧм-мамтӧм челядь вӧсна да дӧваяс вӧсна налӧн сьӧкыдалігӧн – тайӧ эм Ен Бать водзын сӧстӧм да пежасьтӧм вежавидзӧм.