Яков 3:2 - Коми Библия 2023

² Ми ставным унаторйын мыжмам. Коді оз мыжмы сёрнинас, сійӧ тыр-бур морт да вермӧ кутны ставнас ассьыс вир-яйсӧ.

Яков 3:2 Kruisverwysings

Ӧксыяслӧн 3 небӧг 8:46

Но кор найӧ мыж вӧчасны Тэныд паныд, ӧд мыж вӧчтӧм мортыс абу, и Тэ скӧрман на вылӧ да сетан найӧс вӧрӧг киӧ, и кор найӧс нуӧдасны пленӧ ылӧ либӧ матӧ,

2 Каднебӧг 6:36

Но кор найӧ мыж вӧчасны Тэныд паныд, ӧд мыж вӧчтӧм мортыс абу, и Тэ скӧрман на вылӧ да сетан найӧс вӧрӧг киӧ, и кор найӧс нуӧдасны пленӧ ылӧ либӧ матӧ,

Иов 15:13

Мыйла тэнад лолыд пыксьӧ Енмыслы, мыйла тэнад вомысь петӧны татшӧм кывъясыс?

Псалтыр 34:13

Налӧн висигӧн ме пасьтавлі шогалан паськӧм, тшыгъялі-видзалі да кевмыси став сьӧлӧмсянь.

Псалтыр 39:1

Сьылысьясӧн веськӧдлысьлы. Давидлӧн псалом.

Шусьӧгъяс 10:19

Бызгысь вомаыд мыжӧ усьӧ, вомсӧ тупкысьыд – вежӧра.

Шусьӧгъяс 13:3

Топыд вома видзӧ ассьыс ловсӧ, паськыд вома бырӧдас асьсӧ.

Шусьӧгъяс 20:9

Коді вермӧ шуны, весалі пӧ ассьым сьӧлӧмӧс, сӧстӧмми пӧ аслам мыжъясысь?

Шусьӧгъяс 21:23

Коді вомсӧ оз паськӧдлы, ассьыс ловсӧ шогысь видзӧ.

Еклесиаст 7:20

Му вылас абу веськыда олысьыс, коді эськӧ мыжсӧ эз вӧчлы, а сӧмын бурсӧ.

Исай 64:6

Ми ставным пежӧсь, миян веськыдлунным няйтчӧм паськӧм кодь, ми ставным косьмӧм коръяс кодьӧсь, миян мыжъясным тӧвныр моз нӧбӧдӧны миянӧс.

Левит 13:39

поп мед видзӧдлас сійӧс. Чутъясыс кӧ еджгов-кельыдӧсь, сідзкӧ, тайӧ абу пеж висьӧм, висьысьыс сӧстӧм.

Матвей 12:34

Вижля йылӧм! Верманныд-ӧ бурсӧ висьтавны, асьныд кӧ лёкӧсь? Ӧд мыйӧн тырӧма мортыслӧн сьӧлӧмыс, сійӧ вомсьыс и петӧ.

Матвей 12:37

Аслад кывъяс вӧсна мыжман, аслад кывъяс вӧсна и мыждӧмысь мынан».

Римӧ 3:10

Гижӧма: – Веськыда олысьыс весиг ӧтик абу,

Римӧ 7:21

Казяла ас пытшкысь татшӧм индӧд: кӧсъя кӧ вӧчны бурсӧ, менам артмӧ лёкыс.

1 Коринфӧ 9:27

Ме топӧда ассьым вир-яйӧс да тшӧкта сійӧс кывзысьны, медым мукӧдлы Бур Юӧр висьтавлігӧн ачым вӧлі шогманаӧн.

Галатӧ 3:22

Гижӧдыс йӧртіс ставнысӧ мыж улас. Та вӧсна кӧсйысьӧмасӧ эскысьяс вермасны босьтны Исус Кристослы эскӧм пыр.

Галатӧ 5:17

Ӧд вир-яй кӧсйӧ, мый Лов оз кӧсйы, а Лов кӧсйӧ, мый вир-яй оз кӧсйы. Найӧ паныд сувтӧны ӧта-мӧдныслы. Та вӧсна ті онӧ вермӧй вӧчны кӧсъянасӧ.

Колосӧ 1:28

Сы йылысь ми висьтавлам быдӧнлы, велӧдам-туйдӧдам став мывкыдлунӧн, медым сувтӧдны быдӧнӧс Ен водзӧ Кристос пытшкын сӧвмӧмаясӧн.

Колосӧ 4:12

Чолӧм ыстӧ тіян Епафрасныд, Исус Кристослӧн кесйӧг. Кевмысигас сійӧ пыр тышын тіян вӧсна, мед эськӧ ті век сулалінныд зумыда да быдторйын тӧдінныд Енлысь кӧсйӧмсӧ.

Еврейяслы 13:21

Енмыс мед дасьтас тіянӧс быдпӧлӧс бур удж вылӧ, медым ті збыльмӧдінныд Сылысь кӧсйӧмсӧ. Исус Кристос пыр Сійӧ мед вӧчас тіян пытшкын ставсӧ, мый Сылы шогмана. Ошкӧм Сылы нэмъяс чӧж! Аминь.

Яков 1:26

Кодкӧ тіян пиысь кӧ лыддьӧ асьсӧ вежавидзысьӧн, но быдлаӧ вомсӧ восьтӧ, сійӧ ылӧдлӧ асьсӧ. Татшӧм мортыслӧн вежавидзӧмыс нинӧм оз сулав.

Яков 1:4

А зумыдлуныс мед вайӧдас ассьыс уджсӧ тіян пытшкын помӧдз, медым ті вӧлінныд дзоньнас тыр-бурӧсь, да тіян эз вӧв некутшӧм тырмытӧмтор.

Яков 2:10

Коді олӧ Индӧдыс серти, но торкӧ Индӧдсьыс кӧть ӧти тшӧктӧм, сійӧ лоӧ дзоньнас Индӧдсӧ торкысьӧн.

1 Петыр 3:10

– Кодлы муса олӧмыс, коді кӧсйӧ аддзыны шуда лунъяс, сійӧ мед видзас ассьыс кывсӧ лёк сёрниысь да вомсӧ пӧръясьӧмысь,

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.