Яков 3:17 - Коми Библия 2023

¹⁷ Но вылісянь сетӧм мывкыдлуныс – медвойдӧр сӧстӧм, сэсся лӧнь, рам, кывзысьысь, тырӧма буралӧмӧн да бур уджъясӧн. Сійӧ оз торйӧд мортӧс чужӧм вылӧ видзӧдӧмӧн, сійӧ ставсӧ вӧчӧ сьӧлӧмсяньыс.

Яков 3:17 Kruisverwysings

Ӧксыяслӧн 3 небӧг 3:12

Ме вӧча тэнад корӧм серти. Ме сета тэныд ыджыд мывкыдлун да сюсь вежӧр. Тэ кодь мортыс эз вӧв, и тэ бӧрын оз ло.

Ӧксыяслӧн 3 небӧг 3:28

Став Израиль войтыр кыліс ӧксылӧн веськыда мыждӧм йылысь. Ставнысӧ полӧм босьтіс ӧксыысь. Найӧ гӧгӧрвоисны, мый Енмыс сетӧма Соломонлы мывкыдлун, медым веськыда мыждыны.

Ӧксыяслӧн 3 небӧг 3:9

Сідзкӧ, сет меным сюсь вежӧр, медым ме веськыда мыжді Тэнсьыд войтыртӧ да кужи торйӧдны бурсӧ лёксьыс. Ӧд вермас-ӧ кодкӧ веськӧдлыны Тэнад уна лыда войтырӧн?»

1 Каднебӧг 22:12

Господь мед сетас тэныд мывкыдлун да вежӧр, Сійӧ мед сувтӧдас тэнӧ веськӧдлыны Израиль войтырӧн, а тэ ставсӧ вӧч аслад Господь Енлӧн Индӧд серти.

1 Каднебӧг 22:9

Но тэнад чужас пи, сійӧ лоас лӧня олысь морт. Ме доръя сійӧс став кытшалысь вӧрӧгысь. Сылӧн нимыс лоӧ Соломон, сылӧн веськӧдлан кадӧ Ме сета Израильлы лӧнь олӧм да шойччӧг.

Иов 28:12

Но кытысь аддзыны мывкыдлунсӧ? Кӧні олӧ сюсь вежӧрыс?

Иов 28:23

Сӧмын Енмыс тӧдӧ мывкыдлун дорӧ туйсӧ, тӧдӧ сылысь оланінсӧ.

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

Петӧм 36:2

Мӧисей корис Безалелӧс, Оголиавӧс да мукӧд вӧчасьны кужысьӧс, кодъяслӧн вӧлі Господьсянь мывкыдлун да сьӧлӧмсянь уджавны кӧсйӧм.

Шусьӧгъяс 2:6

Ӧд мывкыдлунсӧ сетӧ Господь, тӧдӧмлуныс да вежӧрсялӧмыс локтӧ Сысянь.

Исай 2:4

Господь отсалас воны ӧти кывйӧ войтыръяслы, кутас веськыда мыждыны чужанкотыръясӧс. Сэки йӧзыс дорасны шыпуртъясысь гӧръяс, шыясысь – чарлаяс. Войтыръяс ӧта-мӧдныслы паныд оз нин лэптыны шыпуртсӧ, водзӧ оз кутны велӧдчыны тышкасьны.

Исай 32:6

Ӧд мывкыдтӧм мортлӧн сёрниыс мывкыдтӧм, сійӧ мӧвпалӧ лёк вӧчӧм йылысь, сылӧн оласногыс шогмытӧм, сійӧ омӧльтӧ Господьӧс, няньтӧг кольӧ тшыг мортӧс, горш косьмысьлы оз сет ва.

Исай 40:11

Ыж видзысь моз Сійӧ видзӧ Ассьыс чукӧрсӧ, баляясӧс босьтӧ ки вылас да новлӧдлӧ Аслас морӧс бердын, вайсьӧм ыжъясӧс нуӧдӧ тӧждысьӧмӧн.

Даниил 1:17

Енмыс сетіс тайӧ нёль зонмыслы мывкыдлун, тӧдӧмлун да гижӧмторъяс гӧгӧрвоӧмлун, а Данииллы Енмыс сетіс нӧшта на сямлун гӧгӧрвоны быдпӧлӧс аддзылӧм-петкӧдчылӧм да вӧтъяс.

Малакий 2:9

Ме янӧда тіянӧс, став войтырыс кутас увтыртны тіянӧс, ӧд ті онӧ ветлӧй Менам туйӧд, а велӧдіганыд кӧсъянныд шогмыны мортлы.

Малакий 3:3

Сійӧ пуксяс, медым сывдыны-весавны эзысь. Сійӧ весалас Левийлысь пиянсӧ, сывдас найӧс эзысь-зарниӧс моз, медым найӧ торкавтӧг вайисны Господьлы вись.

Матвей 23:28

Ортсысяньныд, видзӧдны кӧ, веськыда олысьяс кодьӧсь, а пытшкӧсныд пӧръясьӧмӧн да лёк вӧчӧмӧн тырӧма.

Матвей 5:8

Шудаӧсь сӧстӧм сьӧлӧмаяс, ӧд найӧ Енмӧс аддзасны.

Матвей 5:9

Шудаӧсь йӧзӧс бурӧдысьяс, ӧд найӧс Енлӧн ныв-пиӧн шуасны.

Лука 21:15

Ме сета тіянлы мывкыдлун сёрнитны. Мыжалысьяс оз вермыны паныд сувтны тіянлы да налы оз сюр воча кывйыс.

Лука 6:36

Лоӧй Батьныд моз бур сьӧлӧмаӧсь».

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Иоан 1:47

Исус аддзис Сы дінӧ локтысь Нафанаилӧс да шуис сы йылысь: «Тайӧ мортыс збыльысь Израиль войтырысь, сійӧ оз ылӧдчы».

Ап. уджъяс 11:24

Варнава вӧлі бур морт, тырӧма Вежа Лолӧн. Сылӧн вӧлі зумыд эскӧм. Унаӧн сэки бергӧдчисны Господь дінӧ.

Ап. уджъяс 9:36

Иоппияын оліс Тавита ань, сылӧн нимыс лоӧ: газель. Тайӧ аньыс тшӧтш вӧлі велӧдчысьяс лыдын. Уна бур сійӧ вӧчис йӧзыслы, отсасис гӧльяслы.

Римӧ 12:18

Верманныд кӧ, олӧй лӧня ставныскӧд.

Римӧ 12:9

Радейтӧй восьса сьӧлӧмӧн, ылыстчӧй лёксьыс да кутчысьӧй бурас.

Римӧ 15:14

Вокъяс, ме тӧда, тіян бурлуныс да тӧдӧмлуныс тырвыйӧ, ті верманныд туйдӧдны ӧта-мӧднытӧ.

1 Коринфӧ 12:8

Ӧтилы Лолыс сетӧ мывкыд кывъяс, мӧдлы – тӧдӧмлун, мед юксьыны мукӧдкӧд,

2 Коринфӧ 10:1

Ӧткымынӧн ме йылысь шуӧны, мый ме, Павел, на дінын рам, а кор ылын наысь, сэки ме чорыд накӧд. Но ме шыася тіян дінӧ Кристос бурлунӧн да мелілунӧн.

2 Коринфӧ 6:6

Ми олам сӧстӧма. Миян эм тӧдӧмлун, терпитӧм, бурлун. Миянӧн веськӧдлӧ Вежа Лов да сьӧлӧмсянь муслун.

2 Коринфӧ 7:11

Видзӧдлӧй, мый вайис тіянлы Ен кӧсйӧм серти шогсьӧмныд: кутшӧма ті зілянныд петкӧдлыны ассьыныд мыжтӧмлуннытӧ, дӧзманныд лёк вӧчысь вылӧ да лёк вӧчӧмсӧ мустӧмтанныд. Кутшӧма ті гажтӧмтчанныд миянысь, ловнаныд ыпъяланныд да кӧсъянныд мыжаӧс веськыда мыждыны. Ті быд боксянь петкӧдлінныд ассьыныд сӧстӧмлуннытӧ.

2 Коринфӧ 9:10

Кӧдзысьлы кӧйдыссӧ Сетысьыс да няньӧн Пӧткӧдысьыс сетӧ кӧйдыссӧ тшӧтш тіянлы. Сійӧ быдтӧ тіянлысь пуктастӧ да уна пӧв содтӧ тіян веськыда олӧмлысь вотӧссӧ,

Ефесӧ 5:9

Ӧд Ловлӧн вотӧсыс – бурлун, веськыдлун да збыльлун.

Филипӧ 1:11

кутанныд вайны веськыда олӧмыслысь вотӧссӧ Енсӧ ошкӧм да аттьӧалӧм могысь. Тайӧ уджсӧ кутас вӧчны тіян пытшкын Исус Кристос.

Филипӧ 4:8

Вокъяс, нӧшта кора тіянӧс: мӧвпалӧй сӧмын збыльыс, шогманаыс, веськыдыс, сӧстӧмыс, бурыс, мичаыс, ошканаыс да нимкодьыс йылысь.

Колосӧ 1:10

Кевмысям, медым ті быдторйын вӧлінныд Господьлы шогманаӧсь, и медым бурсӧ вӧчӧмӧн вайинныд вотӧс да быдминныд Енсӧ тӧдмалӧмас.

1 Фессалоникаӧ 2:7

Ми, Кристослӧн апостолъяс, вермим эськӧ локны тіян дінӧ юрнымӧс чатӧртӧмӧн, но ми вӧлім меліӧсь тіянкӧд да тӧждысим тіян вӧсна, кыдзи мам тӧждысьӧ аслас кагаыс вӧсна.

1 Тимофейлы 5:21

Ен водзын, Господь Исус Кристос водзын да бӧрйӧм анделъяс водзын кора тэнӧ: кутчысь тайӧ туйдӧдӧмас. Нинӧм эн вӧч ассяньыд, чужӧм вылӧ видзӧдӧмӧн.

2 Тимофейлы 2:24

Господьлӧн кесйӧг оз вензьы, мӧдарӧ, сійӧ быдӧнкӧд мелі, кужӧ велӧдны да оз дӧзмы.

Титлы 1:15

Сӧстӧмлы ставыс сӧстӧм, а пежасьӧмалы да эскытӧмлы нинӧм абу сӧстӧм. Налӧн пежасьӧма вежӧрыс, весиг сьӧлӧмыс.

Титлы 3:2

Мед оз омӧльтны некодӧс, зыкӧ оз пырны, лоасны шаньӧсь да быдӧнкӧд рамӧсь.

Еврейяслы 12:11

Дерт, быдпӧлӧс чирыштӧм вайӧ шогсьӧм, а оз нимкодьлун. Но бӧрыннас татшӧм чирыштӧмыс вайӧ мортлы бур вотӧс: лӧньлун да веськыдлун.

Еврейяслы 12:14

Тӧждысьӧй быдӧнкӧд овны лӧня, лоӧй вежаӧсь, ӧд вежалунтӧг некод оз аддзы Господьӧс.

Яков 1:17

Быдпӧлӧс бурсетӧмыс да тыр-бур козиныс воӧ вылісянь, югыдыслӧн Батьсянь. Сійӧ некор оз вежсьыв, Сылӧн югыдыс некор оз кус.

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.

Яков 2:13

Ӧд буралӧмыд ёна ыджыдджык мыждӧм дорысь. Но коді оз ло бур сьӧлӧма мӧд дінӧ, сійӧс лоӧ мыждӧма бурсьӧлӧмтчытӧг.

Яков 2:4

Тадзи вӧчигӧн ті торйӧданныд йӧзсӧ бурджык да лёкджык вылӧ да лоанныд лёкнога мыждысьясӧн.

Яков 3:15

Ӧд татшӧм мывкыдыс – абу вылісянь сетӧм мывкыд, сійӧ – мувывса, мортсянь да пеж ловъяссянь.

Яков 4:8

Матыстчӧй Ен дінас, и Сійӧ матыстчас тіян дінӧ. Мыськӧй кинытӧ, мыж вӧчысьяс! Кык бана шаньгаяс, сӧстӧммӧдӧй сьӧлӧмнытӧ!

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

1 Петыр 2:1

Ӧвсьӧй быдсяма лёк вӧчӧмысь, ылӧдчӧмысь, вежалӧмысь да суклясьӧмысь, энӧ лоӧй кык бана шаньгаясӧн.

1 Петыр 2:18

Кесйӧгъяс, Енсьыс полӧмӧн кывзысьӧй асланыд ыджыдъяслысь. Кывзысьӧй энӧ сӧмын буръяслысь да рамъяслысь, а тшӧтш скӧръяслысь.

1 Иоан 3:18

Челядьӧй, кутам радейтны ӧта-мӧднымӧс огӧ кывъясӧн да сёрниӧн, но збыль сертиыс да уджъясӧн.

1 Иоан 3:3

Сы вылӧ татшӧм лача кутысь сӧстӧммӧдӧ асьсӧ, мед лоны Сы кодь сӧстӧмӧн.