Яков 1:14 - Коми Библия 2023

¹⁴ Но быд мортӧс ыштӧдӧ сылӧн лёк кӧсйӧмыс. Лёк кӧсйӧмыс ылӧдлӧ мортсӧ да кыскӧ сійӧс лёкас.

Яков 1:14 Kruisverwysings

Олӧм 3:6

Ань аддзис, мый вотӧсыс чӧскыд, пуыс синтӧ гажӧдӧ да кыскӧ ас дорас, ӧд сетӧ тӧдӧмлун. Ань нетшыштіс вотӧссӧ да сёйис, сэсся сетіс верӧсыслы, и сійӧ тшӧтш сёйис.

Олӧм 6:5

Кор Господь [Ен] аддзис, мый мувывса йӧзлӧн олӧмыс тшыкӧма, и мый налӧн мӧвпъясыс да сьӧлӧм кӧсйӧмъясыс пыр лёкӧсь,

Олӧм 8:21

Висьпуктанінсянь чӧскыд ӧвтӧмнас лолалігӧн Господь [Ен] шуис Аслыс: «Ог кут сэсся ёрны мусӧ морт вӧсна. Мортлӧн мӧвпъясыс томсяньыс тырӧмаӧсь лёкнас, но водзӧ Ме ог кут бырӧдны став ловъя олысьсӧ, кыдзи Ме вӧчи.

Ӧксыяслӧн 2 небӧг 11:4

Давид тшӧктіс кесйӧгъясыслы вайӧдны аньӧс. Сӧстӧммӧдчӧм бӧрын Вирсавия локтіс Давид дінӧ, и Давид узис сыкӧд. Сэсся Вирсавия бӧр муніс гортас.

Иов 31:27

менам сьӧлӧмӧй кӧ гусьӧн копрасис налы, ме кӧ ыстылі налы ки пыдӧсын окыштӧмӧс,

Иов 31:9

Менам сьӧлӧмӧй кӧ ыштыліс ань вылӧ, ме кӧ кыйӧдлі матыссалысь гӧтырсӧ сылӧн ӧдзӧс дорас,

Шусьӧгъяс 4:23

Ставсьыс медъёна видз ассьыд сьӧлӧмтӧ, ӧд сьӧлӧмыд – олӧмыслӧн визувтанін.

Исай 44:20

Татшӧм мортыс быттьӧ бус бӧрся вӧтлысьӧ, сылӧн вежӧрыс пемдӧма, и сійӧ шедӧма ылӧгас. Сійӧ оз вермы мездыны асьсӧ да шуны: «Менам киӧн вӧчӧмторйыс – ылӧг».

Осий 13:9

Тэ ачыд асьтӧ бырӧдан, Израиль, ӧд тэ кыпӧдчин Меным паныд, тэныд отсӧг Сетысьлы паныд.

Матвей 15:18

Мый петӧ вомсьыд, сійӧ петӧ сьӧлӧмсьыд да пежалӧ асьсӧ мортсӧ.

Матвей 15:20

Тайӧ пежалӧ мортсӧ, а ки мыськытӧг сёйӧмыд оз пежав».

Матвей 4:1

Та бӧрын Лов нуӧдіс Исусӧс овтӧминӧ, медым омӧльыс ыштӧдіс Сійӧс.

Матвей 5:28

Ме шуа тіянлы: ань вылӧ ыштӧмӧн видзӧдысь сьӧлӧмас гозъякост олӧм пежаліс нин.

Римӧ 7:11

Индӧдлӧн тшӧктӧмыс пыр мыжыс кежӧдіс менӧ да виис сы отсӧгӧн.

Римӧ 7:13

Сідзкӧ, бур Индӧдыс ӧмӧй вайис меным кулӧмсӧ? Эз. Бур Индӧдыс пыр мыжыс вайис меным кулӧмсӧ. Тадзи мыжыс восьтіс ачыс асьсӧ – тшӧктӧмыс пыр лоис лёксьыс-лёкӧн.

Ефесӧ 4:22

Тіянӧс велӧдісны эновтны важ мортлысь оласногнытӧ да ыштана лёк кӧсйӧмъяснытӧ, ӧд найӧ тшыкӧдӧны тіянӧс.

Еврейяслы 3:13

Быд лун ышӧдӧй ӧта-мӧднытӧ, кытчӧдз позьӧ на шуны ”талун”, мед тіян пиысь некодлӧн эз чорзьы сьӧлӧмыс мыжыслӧн ылӧдлӧм вӧсна.

Яков 1:13

Ыштӧдӧм дырйи некод мед оз шу: «Енмыс менӧ ыштӧдӧ». Лёк вылас ӧд Енсӧ некод оз вермы ыштӧдны, и Ачыс Енмыс некодӧс оз ыштӧд.

Яков 1:15

Лёк кӧсйӧмыс содӧ-быдмӧ да чужтӧ мыж, а вӧчӧм мыжыс чужтӧ кулӧм.