Яков 1:11 - Коми Библия 2023

¹¹ Шонді петас, пӧжас да косьтас турунсӧ. Дзоридзыс сылӧн усьӧ, мичлуныс бырӧ. Дзик тадзи кусӧ озыр мортлӧн мырсян-пессян олӧмыс.

Яков 1:11 Kruisverwysings

Ӧксыяслӧн 2 небӧг 22:46

Найӧ нюкыртчӧмаӧсь, тіралӧны асланыс изкаръясын.

Псалтыр 102:11

Кутшӧм ыджыд коластыс енэжа-муа костас, сэтшӧм ыджыд Господьлӧн буралӧмыс Сыысь полысьяс дінӧ.

Псалтыр 102:4

Мездӧ тэнӧ кулӧмыслӧн кабыр улысь, кытшалӧ тэнӧ буралӧмнас да мелілуннас.

Псалтыр 103:15

Тэ сетан вина, медым гажӧдны мортлысь сьӧлӧмсӧ, нянь, медым ёнмӧдны мортӧс, вый, медым югъяліс мортлӧн чужӧмыс.

Псалтыр 37:2

Господьӧй, эн янӧд менӧ лӧгалігад, эн мыжды менӧ скӧралігад.

Псалтыр 39:6

Господьӧй, менам Енмӧй, Тэ вӧчин уна шензьӧданатор, Тэ дугдывтӧг мӧвпалан миян йылысь. Кодӧс позяс ӧткодявны Тэкӧд? Ме эськӧ кӧсйи висьтавны Тэнад уджъясыд йылысь, но весиг лыддьӧдлынысӧ ог вермы найӧс.

Псалтыр 90:6

Он повзьы пемыдас ветлысь пӧрӧс висьӧмысь и луншӧр кадӧ бырӧдысь висьӧмысь.

Еклесиаст 5:15

Мортыд кутшӧмӧн локтіс муюгыдас, сэтшӧмӧн и эновтас сійӧс. И тайӧ – ыджыд лёктор. Мый бурсӧ вайис сылы весьшӧрӧ мырсьӧм-уджалӧмыс?

Исай 28:1

Курыд шог юркытшлы, мыйӧн ошйысьӧны код юра ефремсаяс. Курыд шог нярмӧм дзоридзлы – ефремсаяслӧн мичмӧданторлы да ошйысянторлы. Курыд шог карлы, коді сулалӧ керӧс вылын, бур муа ковтыс весьтын. Сэтчӧс олысьяссӧ вермӧма винаыс.

Исай 28:4

Нярмӧм дзоридзкӧд, ефремсаяслӧн мичмӧданторкӧд да ошйысянторкӧд, коді быдмӧ керӧс вылын, бур муа ковтыс весьтын, лоӧ кадысь водз воӧм инжиркӧд моз – коді аддзас сійӧс, босьтас киас да дзик пыр ньылыштас.

Исай 49:10

Найӧ оз кутны тшыгъявны, налӧн оз кут косьмыны горшныс, найӧс оз пӧж шондіыс, ӧд найӧс пондас нуӧдны Сійӧ, коді бур сьӧлӧма на дінӧ, Сійӧ вайӧдас найӧс ва петанінъяс дорӧ.

Матвей 13:6

Петас шонді, пӧжны пондас, и омӧль вужъя петасыд косьмас.

Матвей 20:12

”Ми кузь лунтыр гож водзын мырсим, а бӧрынджык локтӧмаяс сӧмын час уджалісны, да налы тэ дзик миянлы моз мынтін”.

Матвей 6:30

Енмыс кӧ тадзи пасьтӧдӧ видзвыв турунӧс, коді талун быдмӧ, а аски веськалӧ пачӧ, оз ӧмӧй Сійӧ пасьтӧд тіянӧс, этша эскысьяс!

Марк 4:6

Петас шонді, пӧжны пондас, и омӧль вужъя петасыд косьмас.

1 Коринфӧ 7:31

Тайӧ мувывса озырлуннас вӧдитчысь мед олӧ сідзи, быттьӧ сылӧн нинӧм абу, ӧд став тайӧ мувывсаыс регыд бырас.

1 Петыр 1:4

босьтны сӧстӧм, сісьмытӧм да бырлытӧм озырлун, мый видзӧма тіянлы енэжын.

1 Петыр 5:4

Медыджыд Видзысьыс локтас да козьналас тіянлы сісьмытӧм дзирдалан юркытш.