Восьтӧм 8:5 - Коми Библия 2023

⁵ Сэсся андел босьтіс тшынӧдчан доз, пуктіс сэтчӧ висьпуктанінысь бисӧ да шыбитіс сійӧс му вылӧ. Сэні кылісны гора шыяс, чардаліс-гымаліс, да муыс вӧрис.

Восьтӧм 8:5 Kruisverwysings

Ӧксыяслӧн 3 небӧг 19:11

Господь шуис: «Пет да сувт керӧс вылӧ Господь водзӧ. Господь мунас тэ дінті». Кыпӧдчис ыджыд тӧвныр, сійӧ поткӧдліс керӧсъяс да жугліс изкыртаяс. Тӧвнырыс муніс Господь водзвылын, но Господь эз вӧв тӧвнырын. Тӧвныр бӧрти заводитчис му вӧрӧм, но Господь эз вӧв му вӧрӧмын.

Псалтыр 18:13

Коді казялас ассьыс мыжъяссӧ? Господьӧй, весав менӧ гуся мыжъясысь,

Петӧм 19:16

Коймӧд луннас водз асывсянь гымаліс-чардаліс, Синай керӧс вевттьысис сук кымӧрӧн, кыліс горасьыс-гора буксан шы. Чомъяс дінын став войтырыс полӧмысла тіраліс.

Исай 29:6

Господь Саваоф локтас тэ дінӧ гым да му вӧрӧм моз, ыджыд шыа бушков да гартчан тӧвныр моз, ставсӧ сотысь би моз.

Исай 30:30

Господьлӧн вына шыыс грымӧбтас, Сійӧ петкӧдлас Ассьыс вына кисӧ, Сылӧн скӧрлуныс лоӧ вывті яр, ставсӧ сотысь би кодь, бушков да сувтса зэр кодь, гырысь шер кодь.

Исай 66:6

Со, гора шы кылӧ карысь, шыыс петӧ крамысь, кылӧ Господьлӧн гӧлӧс шыыс, Сійӧ мыждӧ паныд сувтысьясӧс.

Еремей 51:11

– Ёсьтӧй ньӧвъяснытӧ, тыртӧй наӧн ньӧвпуртӧснытӧ. Господь ышӧдіс мидияса ӧксыясӧс тыш вылӧ, ӧд Сійӧ шуис бырӧдны Вавилон. Господь водзӧс перйӧ Вавилонлысь, водзӧс перйӧ Аслас крамыс вӧсна.

Левит 16:12

Господь водзысь висьпуктанінысь мед босьтас тшынӧдчан доз тыр ӧгыр да кык китыр ниртӧм чӧскыд дука тшынӧдчантор. Мед пыртас найӧс Вежаинын ӧшалысь дӧра сайӧ.

Закар 14:5

Ті котӧрӧн пышъянныд керӧсъяс костӧд тайӧ ковтысӧдыс, коді нюжӧдчас Асилӧдз. Ті понданныд пышйыны на моз, кодъяс иудаса Озей ӧксыалан кадӧ пышйисны му вӧрӧмысь. Сэки локтас Господь, менам Ен, став Аслас вежаяскӧд.

Матвей 24:7

Войтыр войтырлы паныд сувтас, муяс ӧта-мӧдныслы паныд кыпӧдчасны. Уналаын лоас му вӧрӧм да тшыгъялӧм, йӧзсӧ суас кулана висьӧм.

Лука 12:49

«Ме локті би вайны му вылӧ да ёна кӧсъя, медым сійӧ ӧзйис нин.

Ап. уджъяс 16:26

Виччысьтӧг муыс пондіс ёна вӧрны, дзескыдінлӧн подулыс вӧрзис, ӧдзӧсъяс воссисны, пукалысьяслӧн ки-коксьыныс кӧртӧдъяс разьсисны.

Ап. уджъяс 4:31

Кевмысьӧм бӧрас чукӧртчанінын муыс вӧрзис. Ставныс тырисны Вежа Лолӧн да повтӧг пондісны висьтавны Енлысь кывсӧ.

Восьтӧм 11:13

Дзик пыр муыс кутіс ёна вӧрны, и карыслӧн дасӧд юкӧныс киссис. Му вӧригас куліс сизим сюрс морт, а мукӧдыс ёна повзисны да кутісны ошкыны енэжвывса Енмӧс.

Восьтӧм 11:19

Енэжас воссис Енлӧн крамыс, и крамысь тыдовтчис Йитӧд куд. Сэки кутіс чардавны-гымавны, кылісны гора шыяс, муыс кутіс вӧрны, да киссис гырысь шер.

Восьтӧм 4:5

Пуклӧссянь петісны чардби да гым шы. Пуклӧс водзас ӧзйис сизим би, Енлӧн сизим лолыс.

Восьтӧм 6:12

Кор Баля жугӧдіс квайтӧд печатьсӧ, ме аддзи, мый муыс кутіс ёна вӧрны, шондіыс пемдіс да лои сьӧд дӧра кодь, а тӧлысьыс лои вир гӧрд рӧма.

Восьтӧм 8:3

Сэсся матыстчис нӧшта ӧти андел да сувтіс тшынӧдчан висьпуктанін водзӧ. Киас сійӧ кутіс зарни тшынӧдчан доз. Сылы вӧлі сетӧма уна ладан, медым вежа войтырлӧн кевмысьӧмъяснас пуктыны сійӧс зарни тшынӧдчан висьпуктанін вылӧ, мый сулаліс юралан пуклӧс водзын.