Восьтӧм 8:2 - Коми Библия 2023

² Ме аддзи Ен водзын сулалысь сизим анделӧс, налы вӧлі сетӧма сизим труба.

Восьтӧм 8:2 Kruisverwysings

Закар 4:10

Весиг найӧ, кодъяс нинӧмӧ пуктісны крам панӧмсӧ, кутасны нимкодясьны, кор Зоровавельлӧн киысь аддзасны изъя кӧв. «Сизим биыс – тайӧ Господьлӧн синъясыс, кодъяс видзӧдӧны став муюгыд бӧрсяыс».

Матвей 18:10

«Кывзӧй, тайӧ ичӧтъясысь весиг ӧтикӧс энӧ ӧтдортӧй. Висьтала тіянлы: енэжын налӧн анделъясныс век енэжвыв Батьлӧн чужӧмбан водзынӧсь.

Матвей 24:31

Кор кылас трубалӧн гора шыыс, Сійӧ мӧдӧдас анделъяссӧ нёльнан му вежтасас, медым чукӧртны Ассьыс бӧрйӧмаяссӧ став му пельӧссьыс.

Лука 1:19

Андел вочавидзис: «Ме, Гавриил, сулала Ен водзын. Менӧ мӧдӧдӧма сёрнитны тэкӧд, висьтавны тайӧ Бур Юӧрсӧ тэныд.

Лука 21:36

Лоӧй дасьӧсь да пыр кевмысьӧй, медым верминныд мынны ставсьыс, мый виччысьӧ тіянӧс, да сувтны Морт Пи водзӧ».

1 Коринфӧ 15:52

Тайӧ лоӧ зэв ӧдйӧ, син лапнитігкості, бӧръя трубалӧн тутӧстігӧн. Труба тутӧстас, и кулӧмаяс ловзясны сісьмытӧмӧн, а ми – вежсям.

1 Фессалоникаӧ 4:16

Кор кылас чукӧстӧм шы, кор шыасяс архангел да кылас Енлӧн труба шыыс, Ачыс Господь лэччас енэжсяньыс. Сэки медводз ловзясны кулӧмаяс, кодъяс эскисны Кристослы.

Восьтӧм 1:4

Иоан чолӧмалӧ асияса сизим вичкоӧс: буралӧм да лӧнь олӧм тіянлы Сысянь, коді эм, вӧлі и локтас, тшӧтш Сылӧн пуклӧс водзын олысь сизим ловсянь

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Восьтӧм 15:1

Сэсся енэжсьыс ме нӧшта на аддзи шензьӧдана да ыджыд индысьпас. Ме аддзи сизим анделӧс, кодъяслӧн вӧлі бӧръя сизим бырӧданторйыс. Тайӧ бырӧданторъяснас помасис Енлӧн скӧрлуныс.

Восьтӧм 16:1

Сэсся крамсьыс ме кылі гора гӧлӧс шы. Сійӧ шуис сизим анделлы: «Мунӧй да кисьтӧй Ен скӧрлуна сизим чашасӧ му вылӧ».

Восьтӧм 8:13

Сэсся ме аддзи енэж шӧрӧдыс лэбысь анделӧс. Сійӧ гораа горзіс: «Шог, курыд шог му вылын олысьяслы, ӧд мукӧд куим анделыс регыд нин пондасны тутсыны трубаӧ!»

Восьтӧм 8:6

Сэки сизимнан анделыс, кодъяслӧн вӧлі сизим труба, дасьтысисны тутсыны.

Восьтӧм 9:1

Кор витӧд анделыс тутсіс трубаӧ, ме аддзи енэжсянь му вылӧ усьӧм кодзув. Сылы вӧлі сетӧма пыдӧстӧминысь восьтансӧ.