Восьтӧм 7:9 - Коми Библия 2023

⁹ Сэсся ме видзӧдлі да аддзи, мый юралан пуклӧс водзын да Баля водзын сулаліс лыдтӧм-тшӧттӧм йӧз чукӧр. Найӧ вӧліны быд чужанвужйысь да чужанкотырысь, быд кыла йӧз пытшкысь да быд войтырысь. Найӧ вӧліны еджыд паськӧмаӧсь, а кианыс кутісны пальма росъяс

Восьтӧм 7:9 Kruisverwysings

Олӧм 13:16

Тэсянь чужысьыс лыа чир мында лоас. Вермас кӧ кодкӧ артавны лыа чирсӧ, вермас артавны и тэсянь чужысьсӧ.

Олӧм 49:10

Иуда киын пыр лоӧ юралан беддьыс, сылӧн кок бердын – ыджыдалан беддьыс, кытчӧдз оз лок Бурӧдысь, кодлысь кывзысьӧны войтыръяс.

Псалтыр 2:8

Кор Менсьым, и Ме вичмӧда Тэныд войтыръясӧс, сета Тэнад кипод улӧ став муюгыдсӧ.

Псалтыр 76:4

Кор казьтывла Ен йылысь, менӧ дзӧрӧдӧ, кор мӧвпала Сы йылысь, менсьым лолӧс личкӧ.

Псалтыр 77:2

Ме сёрнита тіянкӧд шусьӧгъясӧн, висьтала тіянлы важся нӧдкывъяс.

Псалтыр 98:3

Господьӧй, мед ошкасны Тэнсьыд ыджыд нимтӧ, Тэнад нимысь мед полӧны ставныс, Тэнад нимыд вежа!

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Еремей 3:17

Сійӧ кадас Ерусалим карсӧ шуасны Господьлӧн юралан пуклӧсӧн. Став войтыръясыс чукӧртчасны Ерусалимӧ, медым ыдждӧдлыны Господьлысь нимсӧ. Найӧ оз нин кутны овны асланыс лёк да чорыд сьӧлӧмныс серти.

Езекиль 47:5

Нӧшта мурталіс сюрс гырддза, и тайӧ вӧлі нин сэтшӧм ю, мый вуджнысӧ эг вермы. Ваыс вӧлі кыптӧма, мый позис сӧмын вартчыны, а келӧмнас вуджнысӧ эг нин вермы.

Даниил 4:1

Ме, Навукодоносор, лӧня олі аслам керкаын, ме вӧлі шуда аслам ӧксы керкаын.

Даниил 6:25

Та бӧрти Дарий ӧксы гижис став му вылас олысь войтыръяслы, чужанкотыръяслы да быд кыла йӧзлы: «Лӧнь олӧмыс мед содас тіянлы!

Осий 1:10

– Израиль войтырлӧн лыдыс лоӧ саридздор лыа мында, найӧс некод оз вермы лыддьыны-артавны. Кӧні вӧлі шуӧма налы: «Ті абу Менам войтыр», сэні налы шуасны: «Ті – ловъя Енлӧн ныв-пи».

Левит 23:40

Гажлӧн медводдза луннас босьтӧй мича пу вожъяс, пальма вожъяс да паськыд коръя пу вожъяс, юдорса бадьяс да гажӧдчӧй Господь Енныд водзын сизим лун чӧж.

Закар 10:8

– Ме чукӧста найӧс, чукӧрта ставнысӧ, ӧд Ме ньӧби найӧс, и найӧ важ мозыс бара лоӧны уна лыда войтырӧн.

Закар 2:11

Сійӧ лунӧ уна мукӧд войтыр локтасны Господь дінӧ да лоӧны Сылӧн войтырӧн. Господь кутас овны тэ ордын, и тэ тӧдмалан, мый Господь Саваоф мӧдӧдіс менӧ тэ дінӧ.

Лука 12:1

Сэккості чукӧрмис уна сюрс морт, найӧ весиг дзескӧдісны ӧта-мӧднысӧ. Исус медводз шыасис велӧдчысьяс дінас: «Видзчысьӧй фарисей няньшомысь, налӧн кодь кык бана оласногысь.

Лука 21:36

Лоӧй дасьӧсь да пыр кевмысьӧй, медым верминныд мынны ставсьыс, мый виччысьӧ тіянӧс, да сувтны Морт Пи водзӧ».

Иоан 12:13

Пальма росъяс босьтӧмӧн найӧ петісны Исуслы воча да горзісны: – Осанна! Бурсиӧма Господь нимӧн Локтысьӧс, Израильлысь Ӧксысӧ!

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

Ефесӧ 6:13

Та вӧсна босьтӧй Енсянь став вермасянторсӧ, медым тышкасиганыд верминныд водзсасьны лёкыслы паныд да петны вермысьясӧн.

Еврейяслы 11:12

Тадзи ӧти мортсянь, Ӧвраамсянь, коді вӧлі пӧрысь нин, чужис сы мында олысь, мыйта енэжас лыдтӧм-тшӧттӧм кодзулыс да саридз дорын лыаыс.

Еврейяслы 12:22

Мӧдарӧ, ті матыстчинныд Сион керӧс дінӧ да ловъя Енлӧн кар дінӧ, енэжвыв Ерусалим дінӧ. Ті локтінныд лыдтӧм-тшӧттӧм анделъяс дінӧ

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Восьтӧм 22:3

Нинӧм ёрӧмаыс оз ло тайӧ карас. Сэні лоӧ Енлӧн да Балялӧн юралан пуклӧсыс, и Енлӧн кесйӧгъясыс кутасны кесъявны Сылы.

Восьтӧм 3:18

Ме туйдӧда тэнӧ. Ньӧб Менсьым биын весалӧм зарни да озырмы. Ньӧб Менсьым еджыд паськӧм, медым вермин вевттьысьны, медым эз тыдав тэнӧ янӧдан пасьтӧм вир-яйыд. Ньӧб Менсьым мавтантор да мавт сыӧн синтӧ, медым аддзин.

Восьтӧм 4:4

Пуклӧс гӧгӧрыс вӧлі нӧшта на кызь нёль пуклӧс. Сэні пукалісны кызь нёль юрнуӧдысь. Найӧ вӧліны еджыд паськӧмаӧсь да зарни юркытшаӧсь.

Восьтӧм 5:11

Ме видзӧдлі да кылі уна анделлысь гӧлӧс шысӧ. Найӧ кытшалісны Енлысь пуклӧссӧ, нёль ловъя олысьӧс да юрнуӧдысьясӧс. Анделъяслӧн лыдыс вӧлі лыдтӧм-тшӧттӧм – сё миллионъясӧн.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.

Восьтӧм 6:11

Сэки быдӧнлы налы сетісны еджыд паськӧм да тшӧктісны виччысьыштны, кытчӧдз оз тыр на моз виӧм уджъёртъясныслӧн да вокъясныслӧн лыдыс.

Восьтӧм 7:8

Завулон чужанкотырысь – дас кык сюрс, Ӧсип чужанкотырысь – дас кык сюрс да Венямин чужанкотырысь – дас кык сюрс морт.