Восьтӧм 7:14 - Коми Библия 2023

¹⁴ «Ыджыдӧй, тэ ачыд тӧдан», – вочавидзи ме. Сэки сійӧ шуис меным: – Тайӧ йӧзыс мунісны уна сьӧкыд пыр. Найӧ мыськисны паськӧмнысӧ Баля вирӧн, и паськӧмныс лои еджыд.

Восьтӧм 7:14 Kruisverwysings

Иов 11:16

Тэ вунӧдан шогъястӧ, найӧ лоӧны тэныд визувтӧм ва кодьӧн.

Петӧм 37:3

Зарниысь кисьтіс нёль кольча да йитіс найӧс кудлӧн нёльнан улі пельӧсас: кыксӧ – ӧтар бокас, а мӧд кыксӧ – мӧдар бокас.

Исай 1:18

Локтӧй да сёрнитчам, – висьталӧ Господь. Тіян мыжъясныд кӧ пемыдгӧрд рӧмаӧсь, найӧ лоӧны лым кодь еджыдӧсь. Мыжъясныд кӧ чим гӧрд рӧмаӧсь, найӧ лоӧны еджыд вурун кодьӧсь.

Даниил 11:35

Мывкыд веськӧдлысьясысь кодсюрӧ куласны, медым на пиысь ловйӧн кольӧмаясӧс тӧдмавны да весавны-сӧстӧммӧдны бӧръя кад кежлӧ, ӧд урчитӧм кадыс эз на во.

Даниил 12:1

Сійӧ кадас локтас Микаил, ыджыд юралысь андел, тэнсьыд войтыртӧ дорйысь. Сэки пуксяс сьӧкыд кад, кутшӧм эз на вӧвлы войтыръяслӧн олан кадӧ. Но тэнад войтыр пӧвстысь мездмасны ставныс, кодъяслысь нимсӧ гижӧма Небӧгӧ.

Даниил 7:16

Ме матыстчи сэні сулалысьяс пӧвстысь ӧти дінӧ да юалі сылысь, мый ставыс тайӧ лоӧ. Сійӧ висьталіс меным да гӧгӧрвоӧдіс тайӧ аддзывлӧмторсӧ.

Закар 13:1

Сійӧ лунӧ Давид рӧдлы да Ерусалимын олысьяслы воссяс ва петанін, медым мыськавны найӧс мыжысь да пежысь.

Матвей 24:21

Сэки ыджыд шог суас йӧзсӧ, татшӧмыс му пуксьӧмсяньыс эз на вӧвлы да оз нин ло.

Марк 13:19

Сійӧ лунъясӧ ыджыд шог суас йӧзсӧ, татшӧмыс Енмӧн муюгыдсӧ вӧчӧмсянь эз на вӧвлы да оз нин ло.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Ап. уджъяс 14:22

Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ.

Римӧ 5:3

Сьӧкыдсӧ нуигӧн тшӧтш нимкодясям, ӧд тӧдам: сьӧкыдсӧ нуӧмыс чужтӧ зумыдлун,

1 Коринфӧ 6:11

Кодсюрӧ тіян пӧвстысь тшӧтш вӧлінныд татшӧмӧсь, но миян Господь Исус Кристос нимӧн да Ен Лов вынӧн ті лоинныд сӧстӧмӧсь, вежаӧсь да веськыдӧсь.

2 Фессалоникаӧ 1:4

Та вӧсна ми ошйысям тіянӧн Ен вичкоясын, ӧд быдпӧлӧс сьӧкыдсӧ нуигӧн да тіянӧс вӧтлігӧн ті зумыда эсканныд.

Еврейяслы 13:12

Исус тшӧтш куліс кар ортсыас, медым Аслас вирӧн вежӧдны йӧзсӧ.

Еврейяслы 9:14

сідзкӧ, кымын пӧв ёнджыка сӧстӧммӧдӧ Кристослӧн вирыс! Вежа Лов вынӧн Кристос вайис Асьсӧ Енлы сӧстӧм вись пыдди. Та вӧсна Сылӧн вирыс мыськалӧ миянлысь сьӧлӧмнымӧс кулӧмӧ вайӧдысь лёк вӧчӧмсьыным, медым ми вермим кесъявны збыль да ловъя Енлы.

1 Петыр 1:19

Тіянӧс ньӧбӧма Кристослӧн дона вир вылӧ, тыр-бур да сӧстӧм Балялӧн вир вылӧ.

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

Восьтӧм 1:5

да Исус Кристоссянь. Сійӧ – эскана Висьталысь, Сійӧ медводдзаӧн ловзис кулӧмысь да ыджыдалӧ мувывса ӧксыяс вылын. Сылы ми ёна мусаӧсь. Аслас вирӧн Сійӧ мыськаліс миянӧс мыжъясысь,

Восьтӧм 12:11

Миян вокъяс вермисны сійӧс Балялӧн вирӧн да збыльсӧ висьталӧмӧн. Найӧ эз повны кулӧмысь, вӧліны дасьӧсь сетны ассьыныс олӧмнысӧ.

Восьтӧм 15:2

Ме аддзи стеклӧ кодь саридз, сійӧ пӧртмасис биӧн. Саридз дорас сулалісны найӧ, кодъяс вермисны зверӧс, сылысь серпассӧ да сы нимлысь лыдпассӧ. Кианыс найӧ кутісны Енлысь арфаяссӧ

Восьтӧм 17:6

Ме аддзи, мый аньыс вӧлі коддзӧма вежа войтырлӧн да Исус йылысь висьталысьяслӧн вир юӧмысь. Сійӧс аддзӧм бӧрын ме ёна шензи.

Восьтӧм 2:9

Ме тӧда тэнсьыд уджъястӧ, сьӧкыдалӧмтӧ да гӧльлунтӧ, но тэ – озыр! Тӧда, кыдзи тэнӧ лёкӧдӧны найӧ, кодъяс шуӧны асьнысӧ иудейясӧн, но найӧ абу иудейяс, а сӧтаналӧн йӧз чукӧр.

Восьтӧм 22:14

Шудаӧсь найӧ, кодъяс олӧны Енлӧн тшӧктӧм серти, ӧд Енмыс сетас налы пӧткӧдчыны Олӧмыслӧн пуысь да пырны тайӧ карас дзиръяӧдыс.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.

Восьтӧм 7:9

Сэсся ме видзӧдлі да аддзи, мый юралан пуклӧс водзын да Баля водзын сулаліс лыдтӧм-тшӧттӧм йӧз чукӧр. Найӧ вӧліны быд чужанвужйысь да чужанкотырысь, быд кыла йӧз пытшкысь да быд войтырысь. Найӧ вӧліны еджыд паськӧмаӧсь, а кианыс кутісны пальма росъяс