Восьтӧм 3:7 - Коми Библия 2023

⁷ «Филадельфия вичкоса анделлы тадзи гиж: Со мый висьталӧ Вежаыс да Збыльыс, код ордын Давидлӧн восьтаныс. Сійӧ восьтӧ, и некод оз вермы тупкыны. Сійӧ тупкӧ, и некод оз вермы восьтны. Сійӧ висьталӧ:

Восьтӧм 3:7 Kruisverwysings

Иов 11:10

Сійӧ кӧ локтас, йӧртас дзескыдінӧ да вайӧдас ёрд водзӧ, сэки коді Сійӧс падмӧдас?

Иов 12:14

Сійӧ кӧ жугӧдас, выльысь он лэпты, пуксьӧдас кӧ мортсӧ иган сайӧ, сэтысь сійӧ оз пет.

Псалтыр 16:10

Найӧ чорзьӧдӧмаӧсь сьӧлӧмнысӧ, тшапа сёрнитӧны,

Исай 22:22

Давид керка восьтӧм-йигналӧм вӧсна кывкутӧмсӧ Ме пукта сылы пельпом вылас. Сійӧ кӧ восьтас, некод оз вермы йигнавнысӧ, йигналас кӧ, некод оз вермы восьтнысӧ.

Исай 30:11

Вешйӧй туй вылысь, кежӧй ветлан туй вылысь, водзӧ энӧ казьтывлӧй миянлы Израильлӧн вежа Ен йылысь».

Исай 41:14

Эн пов, Яков-номыр, этша лыда Израиль, Ме отсала тэныд, – висьталӧ Господь, тэнад Мездысь, Израильлӧн вежа Ен. –

Исай 41:16

Тэ кутан шердйыны найӧс, а тӧлыс нӧбӧдас, тӧвнырыс разӧдас найӧс. Тэ кутан нимкодясьны Господьӧн, кутан ошйысьны Израильлӧн вежа Енмӧн.

Исай 41:20

медым йӧзыс аддзасны да тӧдмаласны, видзӧдласны да гӧгӧрвоасны, мый Господьлӧн киыс вӧчис тайӧс, Израильлӧн вежа Ен артмӧдіс тайӧс.

Исай 47:4

Миян Мездысьным – Израильлӧн вежа Ен, Сылӧн нимыс – Господь Саваоф!

Исай 48:17

Господь, тэнӧ Мездысь, Израильлӧн вежа Ен, тадзи висьталӧ: – Ме – Господь, тэнад Енмыд, Ме велӧда тэнӧ бурас, нуӧда тэнӧ сійӧ туйӧдыс, кыті тэныд колӧ муннысӧ.

Исай 49:7

Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ.

Исай 54:5

Ӧд тэнад верӧсыд – тэнӧ Вӧчысьыд, Сылӧн нимыс – Господь Саваоф. Тэнӧ Мездысьыд – Израильлӧн вежа Ен, Сійӧс шуӧны став му пасьтала ыджыдалысь Енмӧн.

Исай 55:5

Ті чукӧстанныд ас дінаныд войтырӧс, кодӧс водзынджык энӧ тӧдлӧй. Войтыръяс, кодъяс эз тӧдлыны тіянӧс, тэрмасьӧмӧн локтасны тіян дінӧ Господь Енныд вӧсна, Израильлӧн вежа Ен вӧсна, ӧд Сійӧ нимӧдіс тіянӧс.

Исай 6:3

Найӧ чуксасисны ӧта-мӧдныскӧд да сьылісны: «Вежа, вежа, вежа Господь Саваоф, став муыс тырӧма Сылӧн дзирдлунӧн!»

Матвей 16:19

Ме сета тэныд Енэжвыв Юраланінысь восьтанъяс. Мый кӧрталан му вылын, сійӧ кӧрталӧма лоӧ енэжын. Мый разян му вылын, сійӧ разьӧма лоӧ енэжын».

Матвей 24:35

Енэжыс да муыс бырас, а Менам кывъясӧй оз бырны.

Марк 1:24

«Мый Тэныд колӧ миянсянь, Назаретса Исус? Тэ локтін бырӧдны миянӧс? Тӧда, коді Тэ. Тэ – Енлӧн Вежаыс!»

Лука 1:32

Ыджыд морт Сыысь петас, Сійӧс шуасны Медвылыссалӧн Пиӧн. Господь Ен сетас Сылы Давид батьыслысь юралан пуклӧссӧ.

Лука 4:34

«Мый Тэныд колӧ миянсянь, Назаретса Исус? Тэ локтін бырӧдны миянӧс? Тӧда, коді Тэ. Тэ – Енлӧн Вежаыс!»

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Ап. уджъяс 3:14

Ті соссинныд Вежаысь да Веськыда Олысьысь, коринныд лэдзны морт виысьӧс.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Восьтӧм 1:11

Сійӧ, мый аддзан, гиж да мӧдӧд асияса вичкоясӧ: Ефесӧ, Смирнаӧ, Пергамӧ, Фиатираӧ, Сардисӧ, Филадельфияӧ да Лаодикияӧ».

Восьтӧм 1:18

Ме ловъя. Ме вӧлі кулӧма, но ӧні ловъя нэмъяс чӧж. Аминь. Менам киын адысь да кулӧмысь восьтаныс.

Восьтӧм 1:5

да Исус Кристоссянь. Сійӧ – эскана Висьталысь, Сійӧ медводдзаӧн ловзис кулӧмысь да ыджыдалӧ мувывса ӧксыяс вылын. Сылы ми ёна мусаӧсь. Аслас вирӧн Сійӧ мыськаліс миянӧс мыжъясысь,

Восьтӧм 15:3

да сьылісны Ен кесйӧг Мӧисейлысь да Балялысь сьыланкывсӧ: – Господьӧй Енмӧй, Ставсӧвермысьӧй! Тэнад уджъясыд ыджыдӧсь да шензьӧданаӧсь, Тэнад туйясыд веськыдӧсь да збыльӧсь! Тэ – вежа войтырлӧн Ӧксыыс!

Восьтӧм 16:7

Ме кылі висьпуктанінсянь мӧд гӧлӧс шы. Сійӧ шуис: – Господьӧй Енмӧй, Ставсӧвермысьӧй, Тэнад мыждӧмыд збыль да веськыд!

Восьтӧм 19:11

Енэжыс воссис менам син водзын, и сэтысь ме аддзи еджыд вӧлӧс да сы вылын Пукалысьӧс. Сылӧн нимыс – Эскана да Збыль, Сійӧ тышкасьӧ да мыждӧ веськыда.

Восьтӧм 19:2

Господь мыждӧ веськыда да збыльыс серти. Сійӧ мыждіс ыджыд карӧс, кырсалысь аньӧс, коді кырсалӧмнас пежаліс став мусӧ. Господь перйис водзӧссӧ тайӧ аньыслысь Аслас кесйӧгъяслӧн вирысь.

Восьтӧм 2:1

«Ефес вичкоса анделлы тадзи гиж: Со мый висьталӧ Сійӧ, коді кутӧ веськыд киас сизим кодзув да ветлӧдлӧ сизим зарни бикок пӧвстӧд.

Восьтӧм 21:5

Юралан пуклӧсын Пукалысь шуис: «Видзӧд, Ме ставсӧ вӧча выльӧс!» Сэсся содтіс: «Гиж тайӧс, ӧд тайӧ кывъясыс веськыдӧсь да збыльӧсь».

Восьтӧм 3:14

«Лаодикия вичкоса анделлы тадзи гиж: Со мый висьталӧ Аминь, эскана да збыль Висьталысь, Енлӧн став вӧчӧмторлы Подулыс.

Восьтӧм 4:8

Быдӧн на пиысь вӧлі квайт бордъя, а налӧн борд ортсыыс да пытшкӧсладорыс вӧлі тырӧма синъясӧн. Лун и вой найӧ дугдывтӧг шуалӧны: – Вежа, вежа, вежа Господь Ен, Ставсӧвермысь, коді вӧлі, эм и локтас.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.

Восьтӧм 6:10

Найӧ гораа горӧдісны: «Вежа да збыль Ыджыдӧй! Кор нин Тэ мыждан мувывса олысьясӧс да перъян налысь водзӧссӧ миян вир вӧсна?»