Восьтӧм 22:2 - Коми Библия 2023

² Карлӧн паськыд туй шӧрас, ю ӧтар-мӧдар бокас, быдмис Олӧмыслӧн пу, коді вайӧ вотӧссӧ быд тӧлысь, вонас – дас кыкысь. Сылӧн коръясыс бурдӧдӧны войтыръясӧс.

Восьтӧм 22:2 Kruisverwysings

Олӧм 2:9

Господь Ен быдтіс-петкӧдіс муысь быдсяма пусӧ – синтӧ гажӧданасӧ и бур вотӧс вайысьсӧ. Нӧшта пуктіс сад йӧр шӧрӧ олӧмыслысь пу да бурсӧ и лёксӧ тӧдмалан пу.

Псалтыр 147:3

Сійӧ ыстӧ тэныд лӧнь олӧм, вердӧ тэнӧ медбур шобді няньӧн.

Шусьӧгъяс 3:18

Мывкыдлуныс – олӧмыслӧн пу налы, кодъяс босьтӧны сійӧс, майбырӧсь найӧ, кодъяс видзӧны сійӧс.

Исай 6:10

Чорзьӧд тайӧ войтырыслысь сьӧлӧмнысӧ, найӧ мед лоӧны сьӧкыд пеляӧсь, куньса синмаӧсь. Синнаныс мед оз аддзыны, пельнаныс мед оз кывны, сьӧлӧмнаныс мед оз гӧгӧрвоны, Мелань мед оз бергӧдчыны, медым Ме бурдӧді найӧс».

Еремей 17:14

Господьӧй, бурдӧд менӧ, и ме бурда. Мезды менӧ, и ме мездма, ӧд ме ошка Тэнӧ!

Езекиль 47:1

Морт бӧр вайӧдіс менӧ крам ӧдзӧс дорӧ. Ме аддзи, мый крам тагӧс улысь визувтіс ва асыввывлань, ӧд крамыс видзӧдіс асыввылӧ. Ваыс петіс тагӧс лунвывладорсянь, водзӧ визувтіс висьпуктанін лунвывладортіыс.

Осий 14:4

Ассур миянӧс оз мезды, вӧвъяс вылӧ лачанымӧс огӧ нин кутӧй, киӧн вӧчӧмторъяснымӧс ми огӧ нин шуӧй асланым енмӧн, ӧд Тэ дінысь батьтӧмъяс аддзӧны буралӧмсӧ.

Закар 14:8

Сійӧ лунӧ Ерусалимсянь пондас визувтны ловъя ва. Визулыс юксяс кык пельӧ: ӧтиыс визувтас асыввыв саридзӧ, мӧдыс – рытыввыв саридзӧ. Ваыс кутас визувтны тӧв и гожӧм.

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Лука 4:18

– Господьлӧн Лолыс Ме вылын, ӧд Сійӧ мавтыштіс Менӧ висьтавны Бур Юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, восьтны синтӧмъяслысь синсӧ, мездыны нартитӧмаясӧс,

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.

Восьтӧм 2:7

Кодлӧн эм пель, мед кылӧ, мый Лов висьталӧ вичкояслы. Вермысьлы Ме сета сёйны вотӧс Олӧмыслӧн пуысь, коді сулалӧ Енлӧн рай шӧрын».

Восьтӧм 21:21

Дас кыкнан дзиръясӧ вӧлі вӧчӧма дас кык жемчугысь, быд дзиръя – ӧти жемчугысь. Карыслӧн паськыд туйыс вӧлі сӧстӧм зарниысь, сійӧ югъяліс стеклӧ моз.

Восьтӧм 21:24

Мездмӧм войтыръяс кутасны овны сылӧн югыдас. Мувывса ӧксыяс ваясны тайӧ карас ассьыныс ошйысян-нимӧданторнысӧ.

Восьтӧм 22:1

Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.

Восьтӧм 22:14

Шудаӧсь найӧ, кодъяс олӧны Енлӧн тшӧктӧм серти, ӧд Енмыс сетас налы пӧткӧдчыны Олӧмыслӧн пуысь да пырны тайӧ карас дзиръяӧдыс.

Восьтӧм 22:19

Коді чинтас мыйкӧ тайӧ небӧгас водзвыв висьталӧмсьыс, сылысь нимсӧ Енмыс вуштас Олӧмыслӧн небӧгысь, сылӧн оз ло пайыс вежа карын да сыын, мый йылысь гижӧма тайӧ небӧгас.