Восьтӧм 22:15 - Коми Библия 2023

¹⁵ А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Восьтӧм 22:15 Kruisverwysings

Ӧксыяслӧн 3 небӧг 22:8

Израильса ӧксы вочавидзис Иосафатлы: «Эм нӧшта ӧти морт, код пыр ми вермам юавны Господьлысь. Тайӧ Микей, Имлайлӧн пиыс. Но ме мустӧмта тайӧ мортсӧ. Сійӧ некор оз пророкав меным бурсӧ, а сӧмын лёксӧ». Иосафат шуис: «Ӧксыӧй, тэныд оз позь тадзи сёрнитны».

Шусьӧгъяс 12:22

Пӧръясьысь мортыд Господьлы зывӧк, збыльсӧ висьталысьыд шогмана Сылы.

Шусьӧгъяс 7:27

Сы керкасянь туйыс вайӧдӧ пыдӧстӧминӧ, нуӧдӧ кулӧмыслӧн жыръясӧ.

Исай 47:12

Сідзкӧ, водзӧ кимӧститчы, ёнджыка на тшыкӧдчы, ӧд тэ том кадсяньыд нин ноксян тайӧн. Гашкӧ, тайӧ отсалас тэныд, гашкӧ, тайӧ видзас тэнӧ лёксьыс.

Исай 47:9

Но ӧти лунӧ, тӧдлытӧг, суас тэнӧ ӧтиыс и мӧдыс: тэ воштан челядьтӧ и колян дӧваӧн. Ставыс тайӧ воас тэ вылӧ ыджыд шыӧн, кӧть тэ ёна туналан-кимӧститчан.

Исай 57:3

Матыстчӧй татчӧ, кимӧститчысьлӧн челядь, гозъякост олӧм пежалысьлӧн да кырсалысь аньлӧн чужысьяс.

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Матвей 7:6

Вежасӧ энӧ сетӧй понъяслы да донаторнытӧ энӧ коялӧй порсьяслы. Вӧчанныд кӧ тадзи, понъяс уськӧдчасны да косявласны тіянӧс, а порсьяс ставсӧ таляласны».

Матвей 8:12

А кодлы водзысяньыс вӧлі дасьтӧма Енлысь Юраланінсӧ, найӧс шыбитасны пемыдас. Сэні лоӧ бӧрдӧм да пинь йирӧм».

Иоан 8:46

Коді тіян пиысь вермас мыждыны Менӧ лёк вӧчӧмысь? Ме кӧ збыльсӧ висьтала, мыйла онӧ эскӧй Меным?

Ап. уджъяс 8:11

Йӧзыс кывзісны сійӧс, ӧд дыр кад чӧж сійӧ шензьӧдіс найӧс тунасьӧмнас.

Индӧд 23:18

Энӧ вайӧй асланыд Господь Енлӧн керкаӧ кырсалӧм помысь босьтӧм сьӧм, медым збыльмӧдны кыв сетӧмнытӧ, ӧд кырсалысьяс зывӧкӧсь Господьлы, тіян Енлы.

Филипӧ 3:2

Видзчысьӧй ”понъясысь”, ӧд тайӧ лёк вӧчысьясыс тшӧктӧны вундыштчыны.

Колосӧ 3:6

Тадзи олӧмысь кывзысьтӧм йӧз вылӧ лэччӧ Енлӧн скӧрлуныс.

1 Тимофейлы 1:10

кырсалысьлы да ӧта-мӧдыскӧд узьлысь айуловлы, мортӧн вузасьысьлы, пӧръясьысьлы, ылӧгвисьталысьлы да быдӧнлы, коді паныд сувтӧ веськыд велӧдӧмлы.

Восьтӧм 18:23

Некор оз кут ӧзйыны тані би, некор оз кут кывны верӧспулӧн да гӧтырпулӧн гӧлӧс шыныс! Тэнад вузасьысьяс ыджыдалісны тайӧ му вылас, тшыкӧдчӧмӧн тэ кыскин войтыръясӧс ылӧгас.

Восьтӧм 21:27

Нинӧм пежыс оз пыр тайӧ карас, некутшӧм пӧръясьысь да зывӧксӧ вӧчысь оз пыр сэтчӧ. Пырасны сӧмын найӧ, кодъяслысь нимсӧ гижӧма Балялӧн небӧгӧ – Олӧмыслӧн небӧгӧ.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».