Восьтӧм 2:3 - Коми Библия 2023

³ Тэ уна нуин сьӧкыдсӧ, но сулалан зумыда. Менам ним вӧсна тэ ёна уджалін, но эн лигышмун.

Восьтӧм 2:3 Kruisverwysings

Псалтыр 37:7

Ме мышкыртчи да дзикӧдз нюкыртчи, лунтыр ветлӧдла шогсьӧмӧн.

Микей 7:9

Ме мыжа Господь водзын, та вӧсна меным колӧ нуны Сылысь скӧрлунсӧ, кытчӧдз Сійӧ оз видлав менсьым мыжӧс да оз бурсьӧлӧмтчы ме дінӧ. Сэки Сійӧ петкӧдас менӧ югыдас, и ме аддза Сылысь веськыдлунсӧ.

Марк 15:21

Исуслысь крестсӧ тшӧктісны нуны видз-му вылысь локтысь киринеяса Симонлы, Ӧльӧксанлӧн да Руфослӧн батьлы.

Лука 14:27

Коді оз ну ассьыс крестсӧ да оз мун Ме бӧрся, сійӧ оз вермы лоны Менам велӧдчысьӧн.

Лука 18:1

Исус висьталіс велӧданвисьт, мый оз ков лигышмунны, а дугдывтӧг кевмысьны.

Лука 21:19

Сьӧкыдлунсӧ венӧмӧн ті мезданныд ловнытӧ».

Лука 5:5

Симон воча шуис: «Велӧдысьӧй, ми войбыд мырсим, весиг ӧти чери эз шед, но Тэнад тшӧктӧм серти чӧвта».

Лука 8:15

Бур муӧ кӧдзӧм кӧйдысыс петкӧдлӧ: мортыс кылӧ Енлысь кывсӧ, видзӧ сійӧс бур-сӧстӧм сьӧлӧмас да сьӧкыдлунсӧ венӧмӧн вайӧ вотӧс». Тайӧс висьталӧм бӧрын Исус горӧдӧмӧн шуис: «Кодлӧн эм пель, мед кылӧ!»

Иоан 15:21

Ставсӧ тайӧс найӧ вӧчасны Менам ним вӧсна, ӧд найӧ оз тӧдны Менӧ Мӧдӧдысьӧс.

Римӧ 12:12

Лачанытӧ кутӧй нимкодьпырысь, шогъястӧ нуӧй терпитӧмӧн, дугдывтӧг кевмысьӧй.

Римӧ 16:12

Чолӧм тшӧтш мӧдӧда Енлысь уджсӧ вӧчысьяслы: Трифеналы да Трифосалы. Чолӧм муса Персида чойлы, сійӧ ёна уджаліс Господьлы.

Римӧ 2:7

Сійӧ сетас помтӧм олӧм налы, кодъяс бур вӧчӧмнас мудзлытӧг корсьӧны бырлытӧмсӧ, дзирдлунсӧ да нимӧдӧмсӧ.

Римӧ 8:25

Ми кӧ лача кутам аддзытӧм вылас, сэки виччысям терпитӧмӧн.

1 Коринфӧ 13:7

Муслуныс ставсӧ вевттьӧ, быд кадӧ эскӧ да лача кутӧ, ставсӧ венӧ.

1 Коринфӧ 16:16

кывзысьӧй налысь, тшӧтш накӧд ӧтвыв уджалысьяслысь да кесъялысьяслысь.

2 Коринфӧ 10:15

Ми огӧ ошйысьӧй этш тӧдтӧг, огӧ ошйысьӧй мукӧдлӧн уджъясӧн, но лача кутам, кор тіян эскӧмныд ёнмас, сэки миян уджыс ёнджыка на паськалас тіян пӧвстын.

2 Коринфӧ 11:23

Кристослӧн кесъялысьяс? Гашкӧ, менӧ лыддянныд дзик йӧйӧн, но висьтала тіянлы: ме кесъялі Кристослы наысь ёнджыка на. Уджалі ныр вылӧ усьтӧдз, менӧ ёна нӧйтлісны, на дорысь унджыкысь вӧлі дзескыдінын, унаысь куланвыйын.

2 Коринфӧ 4:1

Аслас буралӧмыс кузя Енмыс сетіс миянлы тайӧ кесъялӧмсӧ, та вӧсна ми огӧ ӧшӧдӧй юрнымӧс.

2 Коринфӧ 4:16

Та вӧсна ми огӧ ӧшӧдӧй юрнымӧс. Кӧть миян ортсысаыс, вир-яйным, сісьмӧ, но пытшкӧссаыс лунысь-лун выльмӧ.

2 Коринфӧ 5:9

Та вӧсна, олам-ӧ Сы дінын али огӧ на, сьӧлӧмсянь зілям шогмыны Господьлы.

2 Коринфӧ 6:5

кор миянӧс нӧйтӧны, пуксьӧдӧны дзескыдінӧ, вӧтлӧны, кор ми уджалам ныр вылӧ усьтӧдз, видзалам, коллялам узьтӧм войяс.

Галатӧ 6:2

Нуӧй ӧта-мӧдныдлысь сьӧкыдсӧ, тадзи пӧртанныд олӧмӧ Кристослысь тшӧктӧмсӧ.

Галатӧ 6:9

Бурсӧ вӧчигӧн огӧ сетчӧй мудзӧмас, ӧд ас кадӧ вундам, огӧ кӧ лэдзӧй кинымӧс.

Филипӧ 2:16

Кутчысьӧй олӧмыслӧн кывйӧ, сэки Кристослӧн лунӧ ме верма ошйысьны, мый эг весьшӧрӧ уджав да мырсьы тіян пӧвстын.

Филипӧ 4:3

Кора тэнӧ, эскана уджъёртӧй, отсав тайӧ аньясыслы. Кор ме висьтавлі Бур Юӧрсӧ, найӧ пыр вӧліны мекӧд, кыдзи и Климент да мукӧд уджалысьяс, кодъяслысь нимъяссӧ гижӧма Олӧмыслӧн небӧгӧ.

Колосӧ 1:11

Енмыс мед ёнмӧдас да вынсьӧдас тіянӧс дзирдлуна выннас, медым ті быдторйын вӧлінныд зумыдӧсь да терпитӧмӧн нуинныд быдпӧлӧс сьӧкыдсӧ.

1 Фессалоникаӧ 1:3

Ен Батьным водзын ми век казьтывлам тіянлысь мырсьӧм-уджалӧмнытӧ да сьӧкыд нуӧмнытӧ. Ті эскӧмӧн да радейтӧмӧн уджнытӧ вӧчанныд, сьӧкыдсӧ нуанныд миян Господь Исус Кристос вылӧ лача кутӧмӧн.

1 Фессалоникаӧ 2:9

Вокъяс, ті тӧданныд, Енлысь Бур Юӧрсӧ висьтавлігӧн ми уджалім кок йылысь усьтӧдз. Мырсим лун и вой, ӧд тіян пӧвстысь некодӧс эгӧ кӧсйӧй сьӧктӧдны.

1 Фессалоникаӧ 5:12

Вокъяс, корам тіянӧс: пыдди пуктӧй тіян пӧвстын уджалысьясӧс, Господькӧд ӧтувъя олӧмас тіянӧс туйдӧдысьясӧс да тіянӧн веськӧдлысьясӧс.

2 Фессалоникаӧ 3:13

Вокъяс, бурсӧ вӧчигӧн энӧ лигышмунӧй.

2 Фессалоникаӧ 3:5

Ачыс Господь мед веськӧдас тіянлысь сьӧлӧмнытӧ Енлӧн муслунас да Кристослӧн зумыдлунас.

2 Фессалоникаӧ 3:8

некодлысь дась нянь эгӧ сёйӧй. Лун и вой пӧсь петтӧдз уджалім, ӧд некодӧс тіян пӧвстысь эгӧ кӧсйӧй сьӧктӧднысӧ.

1 Тимофейлы 4:10

Ми ёна мырсям да нуам лёкӧдӧмсӧ, ӧд лачанымӧс кутам ловъя Ен вылӧ. Сійӧ – быдӧнлы Мездысь, торйӧн нин эскысьяслы.

1 Тимофейлы 5:17

Вичкоса юрнуӧдысьясӧс, кодъяс бура уджалӧны, колӧ вылӧ донъявны, торйӧн нин Ен кыв висьталысьясӧс да велӧдысьясӧс. Колӧ бура мынтысьны налы.

Еврейяслы 10:36

Тіянлы колӧ зумыдлун, медым верминныд збыльмӧдны Енлысь тшӧктӧмсӧ да босьтны Сысянь кӧсйысьӧмасӧ.

Еврейяслы 12:1

Ті аддзанныд: миян гӧгӧр сы мында эскӧм йылысь висьталысьыс! Сідзкӧ, эновтам ставсӧ, мый сьӧктӧдӧ миянӧс, да мыжсӧ, мый крукӧдӧ миянӧс. Кутам помӧдз зумыда котӧртны миянлы индӧм туйӧд

Еврейяслы 13:13

Сідзкӧ, петам Исус дінӧ кар ортсыас да Сы моз нуам лёкӧдӧмсӧ.

Еврейяслы 6:10

Енмыс – веськыд, Сійӧ оз вунӧд тіянлысь уджъяснытӧ да Сылӧн нимыс дінӧ муслуннытӧ. Ӧд тайӧ муслунсӧ ті петкӧдлінныд вежа войтырлы кесъялігӧн.

Еврейяслы 6:12

Энӧ дышӧдчӧй, но лоӧй на кодьӧсь, кодъяс эскӧмӧн да терпитӧмӧн босьтӧны Енсянь кӧсйысьӧмасӧ.

Еврейяслы 6:15

Тадзи терпитӧмнас Ӧвраам босьтіс Енсянь кӧсйысьӧмасӧ.

2 Петыр 1:6

тӧдӧмлунаныд – асьтӧ кутӧм, асьтӧ кутӧманыд – зумыдлун, зумыдлунаныд – вежавидзӧм,

Восьтӧм 1:9

Ме, Иоан, тіян вокныд, тіянкӧд ӧтвыв нуа сьӧкыдсӧ. Тіянлы моз меным тшӧтш вичмӧ Енлӧн Юралӧмыс да Исус Кристоссянь зумыдлуныс. Ен кыв вӧсна да Исус Кристос йылысь висьталӧм вӧсна ме вӧлі Патмос ді вылын.

Восьтӧм 3:10

Ме тшӧкті тэныд зумыда сулавны, и тэ видзин Менсьым тшӧктӧмӧс. Та вӧсна видза тэнӧ локтана сьӧкыд кадас. Тайӧ кадыс лоӧ став му пасьталаыс, медым тӧдмавны мувывса олысьясӧс.