Восьтӧм 2:17 - Коми Библия 2023

¹⁷ Кодлӧн эм пель, мед кылӧ, мый Лов висьталӧ вичкояслы. Вермысьлы Ме сета сёйны дзебӧм манна, сета сылы еджыд из, кытчӧ лоӧ гижӧма вермысьлысь выль нимсӧ. Тайӧ нимсӧ кутас тӧдны сӧмын тайӧ изсӧ босьтысьыс».

Восьтӧм 2:17 Kruisverwysings

Псалтыр 36:8

Дугды скӧравнытӧ да эновтчы лёксьӧмысь, эн ыпъяв скӧрлуннад сы выйӧдз, медым вӧчны лёксӧ.

Петӧм 16:33

Мӧисей шуис Ааронлы: «Босьт [зарни] дозмук, пукты сэтчӧ ӧти омер мында маннасӧ, медым Господь водзын видзны сійӧс миян бӧрся чужысьяслы».

Шусьӧгъяс 14:10

Сьӧлӧмыд тӧдӧ ассьыс шогсӧ, и долыдлунсӧ мӧдкӧд оз юк.

Шусьӧгъяс 3:32

Наян сьӧлӧмаыд – зывӧк Господьлы, веськыда олысьыд – Сылӧн ёрт.

Исай 56:4

Господь тадзи висьталӧ: – Евнукъяслы, кодъяс пыдди пуктӧны шойччан лун, вӧчӧны Меным шогманасӧ да кутчысьӧны Менам йитӧдӧ,

Исай 56:5

Ме сета Аслам керкаын да карын казьтыланпас да ним, и тайӧ лоӧ налы ныв-пи дорысь бурджык на. Ме сета налы бырлытӧм ним, кодӧс оз вунӧдны.

Исай 62:2

Сэки войтыръяс аддзасны тэнсьыд веськыдлунтӧ, став ӧксыяс аддзасны тэнсьыд дзирдлунтӧ, тэнӧ нимтасны выль нимӧн, тайӧ нимсӧ сетас тэныд Господь.

Исай 65:13

Та вӧсна Господь Ыджыдыс тадзи висьталӧ: – Менам кесйӧгъясӧй кутасны сёйны, а ті кутанныд тшыгъявны, Менам кесйӧгъясӧй кутасны юны, а тіян горшныд пондас косьмыны,

Исай 65:15

Тіян нимныд лоас ёран кывйӧн Менам кесйӧгъяс пӧвстын, найӧ шуасны: «Господь Ыджыдыс мед на моз виас тэнӧ». Но Ассьым кесйӧгъясӧс Ме нимта мӧд нимӧн.

Матвей 13:11

Исус вочавидзис: «Тіянлы сетӧма тӧдны Енэжвыв Юралӧмлысь гусяторъяссӧ, а налы абу.

Марк 7:16

Кодлӧн эм пель, мед кылӧ!»

Иоан 4:32

Исус шуис налы: «Менам эм сёян, мый йылысь ті онӧ тӧдӧй».

1 Коринфӧ 2:14

Морт пытшкас кӧ абу Енлӧн Лолыс, сійӧ оз вермы сибӧдны Ловсянь висьталӧмсӧ да лыддьӧ тайӧс йӧйталӧмӧн. Мортыс оз вермы гӧгӧрвоны висьталӧмсӧ, ӧд тайӧс позьӧ донъявны сӧмын Енлӧн Лолыс отсӧгӧн.

Колосӧ 3:3

Ті ӧд кулінныд, да тіянлысь олӧмнытӧ дзебӧма Кристоскӧд Ен пытшкӧ.

Восьтӧм 14:3

Сё нелямын нёль сюрс морт, кодъясӧс ньӧбӧма му вывсьыс, сьылісны выль сьыланкыв юралан пуклӧс водзын, нёль ловъя олысь да юрнуӧдысьяс водзын. Наысь кындзи некод эз куж сьывны сійӧс.

Восьтӧм 19:16

Сылӧн паськӧмас да лядьвеяс гижӧма, мый Сійӧ – ӧксыяслӧн Ӧксыыс да ыджыдъяслӧн Ыджыдыс.

Восьтӧм 2:11

Кодлӧн эм пель, мед кылӧ, мый Лов висьталӧ вичкояслы. Вермысьлы мӧд кулӧмыс нинӧм оз вӧч».

Восьтӧм 2:7

Кодлӧн эм пель, мед кылӧ, мый Лов висьталӧ вичкояслы. Вермысьлы Ме сета сёйны вотӧс Олӧмыслӧн пуысь, коді сулалӧ Енлӧн рай шӧрын».

Восьтӧм 3:22

Кодлӧн эм пель, мед кылӧ, мый Лов висьталӧ вичкояслы».

Восьтӧм 3:6

Кодлӧн эм пель, мед кылӧ, мый Лов висьталӧ вичкояслы».