Восьтӧм 19:8 - Коми Библия 2023

⁸ сійӧ пасьтасьӧма сӧстӧм паськӧмӧ, югъялан шабді паськӧмӧ. Шабді паськӧмыс – тайӧ вежа войтырлӧн веськыд уджъясыс.

Восьтӧм 19:8 Kruisverwysings

Шусьӧгъяс 31:22

Ачыс шебрасъяс вурӧ, шабді дӧраысь да пемыдгӧрд вурунысь паськӧмсӧ лӧсьӧдӧ.

Исай 3:23

Чӧскыд дук пыдди на дорысь кутас ӧвтны лёк дукӧн, вӧнь пыдди налы лоӧ гез, читкыля юрси пыдди – куш плеш, мича паськӧм пыдди – шогалан паськӧм, мичлун пыдди – юръяндзим.

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Езекиль 16:10

Пасьтӧді серлӧдлӧм паськӧмӧн, кӧмӧді медбур кучик кӧмӧн, кӧрталі юртӧ вӧсни шабді дӧраӧн да вевтти тэнӧ шӧвкӧн.

Езекиль 44:17

Попъяс кор пырасны пытшкӧс йӧрлӧн пыранінӧд, налы колӧ пасьтасьны шабді дӧра паськӧмӧ. Пытшкӧс йӧр пыранінъясын да крамын кесъялігӧн найӧ мед эз вӧвны вурун паськӧмаӧсь.

Матвей 17:2

Велӧдчысьяс син водзын Исуслӧн мыгӧрыс вежсис: чужӧмыс пондіс шонді моз югъявны, паськӧмыс лои дзирдалана еджыд.

Матвей 22:12

Ӧксы юалас сылысь: ”Ёртӧй, кыдзи тэ пырин татчӧ кӧлысь паськӧмтӧгыс?” Сійӧ кыв оз шу.

Марк 9:3

паськӧмыс лои лым кодь дзирдалана еджыд. Татшӧм еджыд дӧрасӧ му вылын он аддзы.

Лука 24:4

Аньяс шӧйӧвошисны. Виччысьтӧг на водзӧ сувтісны дзирдалан паськӧма кык морт.

Ап. уджъяс 1:10

Найӧ синнысӧ эз лэдзлыны енэжысь, пыр видзӧдісны Сылысь ылыстчӧмсӧ. Виччысьтӧг на водзӧ сувтісны еджыд паськӧма кык морт.

Римӧ 13:14

Тіян паськӧмӧн мед лоӧ Господь Исус Кристос. Вир-яйныд вӧсна тӧждысьӧмсӧ энӧ бергӧдӧй сылысь лёк кӧсйӧмсӧ могмӧдӧмӧ.

Римӧ 3:22

Исус Кристослы эскӧм пыр сетӧма веськыдлунсӧ быд эскысьлы, Енмыс некодӧс оз торйӧд.

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!

Восьтӧм 15:6

Крамысь петісны сизим андел, кодъяслӧн вӧлі сизим бырӧдантор. Анделъяслӧн шабді паськӧмыс вӧлі лым кодь еджыд, морӧс весьтас налӧн вӧлі кӧрталӧма зарни вӧнь.

Восьтӧм 19:14

Сы бӧрся еджыд вӧвъяс вылын мунісны енэжвывса тышкакотыръяс, найӧ вӧлі пасьтасьӧмаӧсь еджыд да сӧстӧм шабді паськӧмӧ.

Восьтӧм 3:18

Ме туйдӧда тэнӧ. Ньӧб Менсьым биын весалӧм зарни да озырмы. Ньӧб Менсьым еджыд паськӧм, медым вермин вевттьысьны, медым эз тыдав тэнӧ янӧдан пасьтӧм вир-яйыд. Ньӧб Менсьым мавтантор да мавт сыӧн синтӧ, медым аддзин.