Восьтӧм 18:23 - Коми Библия 2023

²³ Некор оз кут ӧзйыны тані би, некор оз кут кывны верӧспулӧн да гӧтырпулӧн гӧлӧс шыныс! Тэнад вузасьысьяс ыджыдалісны тайӧ му вылас, тшыкӧдчӧмӧн тэ кыскин войтыръясӧс ылӧгас.

Восьтӧм 18:23 Kruisverwysings

Ӧксыяслӧн 4 небӧг 9:22

Ехуӧс аддзигӧн Иорам юаліс: «Бур могӧн-ӧ тэ локтан, Еху?» Мӧдыс вочавидзис: «Кутшӧм бур вермас лоны тані, кор тэнад Езавель мамыд быдлаын паськӧдӧ зывӧк идолъяслы юрбитӧм да тшыкӧдчӧм?»

Иов 21:17

Тшӧкыда-ӧ куслӧ лёк вӧчысьлӧн биыс? Тшӧкыда-ӧ Ен скӧралӧмсянь вичмӧ сылы шогыс да сьӧкыдлуныс?

Шусьӧгъяс 24:20

Ӧд лёк мортлӧн аскиа луныс абу, мыж вӧчысьлӧн биыс кусӧ.

Исай 23:8

Коді шуис, мый Тиркӧд тадзи лоас? Сійӧ индывліс ӧксыясӧс, сылӧн вузасьысьясыс вӧліны веськӧдлысьясӧн, найӧс вылӧ пуктісны став му пасьталаыс.

Исай 47:9

Но ӧти лунӧ, тӧдлытӧг, суас тэнӧ ӧтиыс и мӧдыс: тэ воштан челядьтӧ и колян дӧваӧн. Ставыс тайӧ воас тэ вылӧ ыджыд шыӧн, кӧть тэ ёна туналан-кимӧститчан.

Еремей 16:9

Господь Саваоф, Израильлӧн Ен, тадзи висьталӧ: тіян олігӧн на, тіян син водзын, тайӧ муас нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс.

Еремей 25:10

Тайӧ муясас нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, оз кут кывны изкилӧн шыыс, оз кут тыдавны би дозлӧн югӧрыс.

Еремей 7:34

Иудаса каръясын да ерусалимса уличьяс вылын нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, ӧд тайӧ муыс лоӧ овтӧминӧн.

Наум 3:4

Ставыс тайӧ суис кырсалысь карӧс сылӧн ёна кырсалӧмысь. Сійӧ вӧлі мича, кужис тшыкӧдчыны, кырсалӧмнас сійӧ ылӧдліс войтыръясӧс, тшыкӧдчӧмнас – чужанкотыръясӧс.

Ап. уджъяс 8:11

Йӧзыс кывзісны сійӧс, ӧд дыр кад чӧж сійӧ шензьӧдіс найӧс тунасьӧмнас.

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Восьтӧм 17:2

Мувывса ӧксыяс кырсалісны сыкӧд, а мувывса олысьяс винаысь моз коддзылісны сылӧн кырсалӧмысь».

Восьтӧм 17:5

Плешкас сылӧн вӧлі гижӧма гуся вежӧртаса ним: «Ыджыд Вавилон – мувывса став зывӧкыслӧн да кырсалысьяслӧн мам».

Восьтӧм 18:22

Тэнад туй вылын некор оз кут кывны сьылӧм шы, пӧлян да труба шы, некод оз кут ворсны арфаӧн. Некор оз кут уджавны тані киподтуя морт, некор оз кут кывны тані изки шы.

Восьтӧм 18:3

Мувывса ӧксыяс кырсалісны сыкӧд, а вузасьысьяс озырмисны сылӧн лышкыдлунысь.

Восьтӧм 18:9

Кор сылысь сьӧд тшынӧн сотчӧмсӧ аддзасны мувывса ӧксыяс, кодъяс кырсалісны да лышкыда гажӧдчисны сыкӧд, кутасны сыркъялӧмӧн бӧрдны сы вӧсна.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Восьтӧм 22:5

Войыс сэні оз ло. Налы оз нин ков бисянь либӧ шондісянь югыдыс, ӧд налӧн югзьӧдысьнас лоас Господь Ен. Найӧ кутасны ыджыдавны нэмъяс чӧж.

Восьтӧм 6:15

Мувывса ӧксыяс, юралысьяс, озыръяс, тышкайӧзӧн веськӧдлысьяс, ыджыдалысьяс, кесйӧгъяс да мездлуна йӧз, – ставныс дзебсисны кырта горсъясӧ да керӧс потасъясӧ.

Восьтӧм 9:21

Найӧ эз бергӧдчыны морт виӧмысь, тшыкӧдчӧмысь, кырсалӧмысь да гусясьӧмысь.