Восьтӧм 17:3 - Коми Библия 2023

³ Ме вӧлі тырӧма Лолӧн, и андел вайӧдіс менӧ овтӧминӧ. Сэтысь ме аддзи аньӧс, коді пукаліс чим гӧрд рӧма звер вылын. Зверыслӧн вӧлі сизим юр да дас сюр. Тайӧ зверсӧ вӧлі дзоньнас гижалӧма Енмӧс лёкӧдана кывъясӧн.

Восьтӧм 17:3 Kruisverwysings

Ӧксыяслӧн 3 небӧг 18:12

Ме кӧ ӧні муна тэ дінысь, Господьлӧн Лолыс нуас тэнӧ код тӧдас кытчӧ. И кор ме висьтала Ахавлы, мый тэ тані, а сійӧ оз аддзы тэнӧ, сэки виас менӧ. А ме, тэнад кесйӧг, том кадсянь ола Господьысь полӧмӧн.

Ӧксыяслӧн 4 небӧг 2:16

шуисны сылы: «Миян пӧвстын, тэнад кесйӧгъяс пӧвстын, эм ветымын ён морт. Найӧ мед ветласны да корсясны тэнсьыд ыджыдтӧ. Гашкӧ, Господьлӧн Лолыс нуис сійӧс кытчӧкӧ да шыбитіс кутшӧмкӧ керӧс йылӧ либӧ ковтысӧ». Елисей вочавидзис: «Оз ков мунны».

Сьылан 8:5

– Коді тайӧ, овтӧминысь локтысьыс? Сійӧ топӧдчӧма мусукыс бердӧ. (Ныв:) – Яблӧг пу улын ме садьмӧді тэнӧ, сэні коркӧ сьӧктаммис тэнад мамыд, сэні сійӧ чужтіс тэнӧ.

Езекиль 11:24

Лов кыпӧдіс менӧ да бӧр нуӧдіс Калдея муӧ пленӧ босьтӧмаяс дінӧ. Тайӧс меным Ен Лов петкӧдліс. Сэсся петкӧдчылӧмыс вошис менам син водзысь.

Езекиль 3:12

Та бӧрын Лов кыпӧдіс менӧ. Ме кылі бӧрвылысь грымакылысь вына гӧлӧс: «Ошкӧй дзирдлуна Господьӧс Сылӧн оланінас!»

Езекиль 8:3

Сійӧ нюжӧдіс ки сямаӧс да босьтіс менӧ юрсиӧд. Лов кыпӧдіс менӧ енэжа-муа костас да вайӧдіс Ерусалимӧ. Тайӧ вӧлі Енсянь петкӧдлӧм. Лов сувтӧдіс менӧ пытшкӧс йӧрлӧн войвывса дзиръя дорӧ, кӧні сулаліс Господьлысь вежӧгтӧмсӧ кыпӧдысь бӧлбан.

Даниил 11:36

Войвывса ӧксы пондас вӧчны, мый кӧсъяс. Сійӧ пондас ышнясьны да пуктас асьсӧ став енъяссьыс вылӧджык на, пондас лёкӧдны-омӧльтны медыджыд Енмӧс. Сылӧн ставыс кутас артмыны, кытчӧдз оз кус Енлӧн скӧрлуныс. Ӧд мый вӧлі водзвыв шуӧма, ставыс збыльмас.

Даниил 7:20

Ме нӧшта кӧсйи тӧдны дас сюрыс йылысь, кодъяс вӧліны сылӧн юр вылас, да куим усьӧм сюр пыдди быдмӧм сюр йылысь. Тайӧ сюрыс лои мукӧд сюр дорысь ыджыдджык, и сылӧн вӧліны синъяс да ышнясьӧмӧн сёрнитысь вом.

Даниил 7:25

Сійӧ кутас сёрнитны Медвылыссалы паныд, кутас дзескӧдны Медвылыссалысь вежа войтырсӧ. Сійӧ мӧвпыштас вежны вежа войтырлысь гажӧдчан лунъяссӧ да Индӧдсӧ. Вежа войтырӧс лоӧ сетӧма сылӧн кипод улӧ ӧти кадколаст кежлӧ, сэсся кык кадколаст кежлӧ да нӧшта кадколаст джын кежлӧ.

Даниил 7:8

Менам видзӧдігкості тайӧ сюръяс пӧвстас быдмис ӧти ичӧт сюр. Дас сюр пӧвстсьыс куимсӧ вӧлі нетшыштӧма, медым сетны места быдмыны ичӧт сюрыслы. Тайӧ сюрыслӧн вӧліны мортлӧн кодь синъяс да ышнясьӧмӧн сёрнитысь вом.

Матвей 27:28

Сэсся пӧрччӧдісны Исусӧс да пасьтӧдісны Сійӧс гӧрд кышанӧ,

Ап. уджъяс 8:39

Ваысь петӧм бӧрын Вежа Лов лэччис евнук вылӧ. А Господьлӧн андел босьтіс Филипӧс, и евнук эз нин аддзы сійӧс. Евнук долыдпырысь водзӧ муніс аслас туйӧд.

2 Фессалоникаӧ 2:4

Енлы паныд сувтысь. Сійӧ пуктас асьсӧ ставсьыс вылӧ, мый шуӧма енмӧн да вежаӧн. Сійӧ пуксяс Енлӧн крамӧ да шуас асьсӧ Енмӧн.

Восьтӧм 1:10

Господьлӧн лунӧ ме вӧлі тырӧма Лолӧн. Сэки мыш сайсянь ме кылі гора шы, тайӧ вӧлі труба шы кодь. Сійӧ шуис: «Ме эм Альфа и Омега, Медводдзаыс и Медбӧръяыс.

Восьтӧм 12:14

Аньлы вӧлі сетӧма ыджыд кутшлысь кык борд, медым сійӧ лэбзис змейысь овтӧминӧ, сылы дасьтӧминӧ. Сэні кутасны вердны сійӧс куим во да джын.

Восьтӧм 12:3

Сэсся енэжас лои мӧд индысьпас. Ме аддзи би гӧрд рӧма ыджыд гундырӧс. Сійӧ вӧлі сизим юра да дас сюра. Быд юр вылын вӧлі юркытш.

Восьтӧм 12:6

А аньыс пышйис овтӧминӧ. Сэні Енмыс дасьтӧма вӧлі оланін, медым вердны тайӧ аньсӧ сюрс кыксё квайтымын лун чӧж.

Восьтӧм 17:18

Аньыс, кодӧс тэ аддзылін, эм ыджыд кар, мый ыджыдалӧ мувывса ӧксыяс вылын».

Восьтӧм 17:4

Аньыс вӧлі пасьтасьӧма пемыдгӧрд рӧма да чим гӧрд рӧма паськӧмӧ. Сы вылын югъялісны зарниысь, дона изъясысь да жемчугысь мичмӧданторъяс. Киас сійӧ кутіс зарни доз, коді вӧлі тырӧма сылӧн кырсалӧмысь зывӧкнас да пежнас.

Восьтӧм 18:12

Оз босьтны налысь зарнисӧ, эзысьсӧ, дона изъяс да жемчугъяс, шабді да шӧвк дӧраяс, пемыдгӧрд да чим гӧрд рӧма дӧраяс и чӧскыд дука пуяс. Оз босьтны налысь слӧн лыысь, дона пуысь, ыргӧнысь, кӧртысь да мраморысь вӧчӧмторъяс.

Восьтӧм 18:16

– Курыд шог тэныд, ыджыд кар! Тэ вӧлі пасьтасьӧмыд шабді дӧраӧ, пемыдгӧрд да чим гӧрд рӧма паськӧмӧ. Тэнӧ вӧлі мичмӧдӧма зарниӧн, дона изъясӧн да жемчугӧн!

Восьтӧм 21:10

Ме вӧлі тырӧма Лолӧн, и андел вайӧдіс менӧ ыджыд да джуджыд керӧс вылӧ да петкӧдліс меным ыджыд кар – вежа Ерусалим, коді лэччис енэжсяньыс, Енсянь.

Восьтӧм 4:2

Дзик пыр ме тыри Лолӧн да аддзи енэжсьыс пуклӧс да сы вылын Пукалысьӧс.